سىرتقى ىستەر مينيسترلىگىنىڭ مالىمدەمەشىسى ا ق ش – نىڭ جۇڭگودا تۇراتىن باس ەلشىسىنىڭ جۇڭگوعا قاتىستى كەرەناۋ پىكىرى جونىندە جاۋاپ قايتاردى
2024.03.19 13:55 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى ساۋ جيايۋە 3 – ايدىڭ 18 – كۇنى بەيجيڭنەن حابارلايدى. ا ق ش – نىڭ جۇڭگودا تۇراتىن باس ەلشىسى بۋرنستىڭ جۋىردا جۇڭگوعا قاتىستى كەرەناۋ پىكىرلەردى ءۇستى – ۇستىنە اشىق جاريالاعانى جونىندە، سىرتقى ىستەر مينيسترلىگىنىڭ مالىمدەمەشىسى لين جيان 3 – ايدىڭ 18 – كۇنى كەزەكتى تىلشىلەردى قابىلداۋ ماجىلىسىندە قاتىستى سۇراۋعا جاۋاپ بەرگەن كەزدە بىلاي دەدى: بۋرنستىڭ قاتىستى پىكىرلەرى جۇڭگو مەن ا ق ش مەملەكەت باسشىلارىنىڭ سان – فرانسيسكوداعى كەڭەسىندە قول جەتكىزگەن ماڭىزدى ورتاق تانىمىنان لاعىپ كەتكەندىك، سان – فرانسيسكو كەڭەسىنىڭ رۋحىنا قايشى كەلگەندىك، ەكى جاقتى قارىم – قاتىناستى اقاۋسىز ءارى ورنىقتى دامىتۋعا ءتيىمسىز، جۇڭگو مەن ا ق ش – نىڭ بارىس – كەلىس جاساۋداعى دۇرىس جولعا ۇيلەسپەيدى.
لين جيان بىلاي دەدى: ”جۇڭگو جاق ەجەلدەن بىلاي دەپ قارايدى: جۇڭگو مەن ا ق ش قارىم – قاتىناسى بىرەۋى ۇتسا، بىرەۋى ۇتىلاتىن، بىرەۋى گۇلدەنسە، بىرەۋى قۇلدىرايتىن نولگە تەڭ ويىن ەمەس“، جۇڭگو جاق جۇڭگو مەن ا ق ش قارىم – قاتىناسىنا باسەكەلەستىك دەپ انىقتاما بەرۋگە قارسى تۇرادى، جۇڭگوعا كۇيە جاعۋعا جانە شابۋىلداۋعا قارسى تۇرادى، ا ق ش – نىڭ ادامدىق ۇقىق پەن قۇن كوزقاراسىن جەلەۋ ەتىپ، جۇڭگونىڭ ىشكى ىستەرىنە كيلىگۋىنە قارسى تۇرادى، ا ق ش جاقتىڭ باسەكەنى جەلەۋ ەتىپ، جۇڭگونىڭ ۇيلەسىمدى دامۋ ۇقىعىنا شەكتەۋ قويۋىنا قارسى تۇرادى.
لين جيان مىنانى ءبىلدىردى: جۇڭگو جاق جۇڭگو مەن ا ق ش قارىم – قاتىناسىن ءبىرجاقتى ەتۋدە باستان – اياق ءتوراعا شي جينپيڭ ورتاعا قويعان ءوزارا قۇرمەتتەۋ، بەيبىت قاتار تۇرۋ، سەلبەسىپ، تەڭ يگىلىكتەنۋ سىندى پرينسيپتى ۇستانىپ كەلەدى، ا ق ش – جاقتىڭ دا جۇڭگومەن ءبىر باعىتتا ارەكەتتەنىپ، ەكى ەل باسشىلارىنىڭ سان – فرانسيسكوداعى كەڭەستە بىرلىككە كەلگەن ماڭىزدى ورتاق تانىمى مەن تىلەگىن ويداعىداي تياناقتاندىرىپ، جۇڭگو مەن ا ق ش قارىم – قاتىناسىنىڭ ورنىقتى، اقاۋسىز، باياندى دامۋىن ىلگەرىلەتۋدى ءۇمىت ەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
