مەملەكەتتىك كەڭەس كەڭسە مەڭگەرمەسى «جوعارى ورەدەگى سىرتقا ەسىك اشۋدى تىڭعىلىقتى ىلگەرىلەتىپ، شەتەل قارجىسىن باۋراۋ جانە ودان پايدالانۋ ارەكەت جوباسىن» باسىپ تاراتتى
2024.03.20 15:55 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 19 - كۇنى، بەيجيڭ. مەملەكەتتىك كەڭەس كەڭسە مەڭگەرمەسى بىرنەشە كۇننىڭ الدىندا «جوعارى ورەدەگى سىرتقا ەسىك اشۋدى تىڭعىلىقتى ىلگەرىلەتىپ، شەتەل قارجىسىن باۋراۋ جانە ودان پايدالانۋ ارەكەت جوباسىن» (تومەندە قىسقاشا «ارەكەت جوباسى» دەلىنەدى) باسىپ تاراتتى. «ارەكەت جوباسىندا» مىنالار دارىپتەلدى: شەتەل ساۋداگەرلەرىنىڭ قارجى قوسۋى − جۇڭگو ۇلگىسىندەگى وسىزامانداندىرۋ قۇرىلىسىنا ات سالىساتىن، جۇڭگو ەكونوميكاسى مەن دۇنيە ءجۇزى ەكونوميكاسىنىڭ بىرگە گۇلدەنىپ - كوركەيۋىن، دامۋىن ىلگەرىلەتەتىن ماڭىزدى كۇش، شەتەل قارجىسىن اناعۇرلىم زور تەبىنمەن باۋراۋ جانە پايدالانۋدا، ءسوز جوق، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، جاڭا دامۋ ۇستانىمىن تولىق، دۇرىس، جاپپاي دايەكتىلەندىرىپ، بازارلانعان، زاڭمەن جونگە سالىناتىن، حالىقارالانعان ماڭداي الدى ساۋدا ورتاسىن قالىپتاستىرىپ، شەتەل قارجىسىنىڭ جۇڭگوداعى دامۋ سەنىمىن بەكەمدەۋ كەرەك.
ارەكەت جوباسىندا 5 جاقتاعى 24 ءتۇرلى شارا ورتاعا قويىلدى. ءبىرىنشى، بازارعا كىرۋ رۇقساتىن كەڭەيتىپ، شەتەل ساۋداگەرلەرىنىڭ قارجى قوسۋىن ەركىندەندىرۋ دەڭگەيىن جوعارىلاتۋ. شەتەل ساۋداگەرلەرىنىڭ قارجى قوسۋىنداعى شەكتەلگەن سالالار ءتىزىمىن ۇيلەسىمدى ازايتىپ، عىلىم - تەحنيكادا جاڭالىق اشۋ سالاسىنداعى شەتەل ساۋداگەرلەرىنىڭ قارجى قوسۋىنا رۇقسات ەتۋدى كەڭەيتۋدى تۇيىندە سىناق ەتۋدى ورىستەتىپ، بانكە، قامسىزداندىرۋ سالاسىنداعى شەتەل قارجىسى فينانس قۇرىلىمدارىنىڭ بازارعا كىرۋىنە رۇقسات ەتۋدى كەڭەيتىپ، شەتەل قارجىسى فينانس قۇرىلىمدارىنىڭ ەل ىشىندەگى زايوم بازارى كاسىبىنە قاتىناسۋ كولەمىن كەڭەيتىپ، تولىمدى شەكارا سىرتىنداعى شەكتى سەرىكتەستەردىڭ شەكارا ىشىندە قارجى قوسۋىن تۇيىندە سىناق ەتۋدى ىشكەرىلەي اتقارۋ كەرەك. ەكىنشى، ساياساتتىق سەرپىندى ارتتىرىپ، شەتەل ساۋداگەرلەرىن قارجى قوسۋعا باۋراۋ قۋاتىن جوعارىلاتۋ. شەتەل ساۋداگەرلەرىنىڭ قارجى قوسۋىنا دەم بەرەتىن شارۋاشىلىق تىزىمدىگى مەن شەتەل قارجىسى نىساندارىنىڭ تىزىمدىگىن كەڭەيتىپ، سالىكق جاعىنان قولداۋ ساياساتىن تياناقتاندىرىپ، فينانستىق قولداۋ تەبىنىن ارتتىرىپ، ەنەرگيادان پايدالانۋدى قامتاماسىزداندىرۋدى كۇشەيتىپ، ورتا، باتىس بولەكتەر مەن شىعىس سولتۇستىك رايونداردىڭ شارۋاشىلىقتىڭ اۋىسۋىن جالعاستىرۋىنا قولداۋ كورسەتۋ كەرەك. ءۇشىنشى، ءادىل باسەكە ورتاسىن ساپالىلاندىرىپ، شەتەل ساۋداگەرلەرى قارجى قوسقان كاسىپورىندارعا قىزمەت وتەۋدى ويداعىداي ىستەۋ. ءادىل باسەكەگە قايشى ارەكەتتەر مەن ساياساتتىق شارالاردى اداقتاپ، مەردىگەر شاقىرۋ، مەردىگەرلىككە مالىمدەلۋ ءتۇزىمىن كەمەلدەندىرىپ، ولشەم تۇزىمىنە وزگەرىس ەنگىزۋگە ءادىل قاتىناسىپ، اكىمشىلىك زاڭ اتقارۋدىڭ عىلميلانۋ دەڭگەيىن جوعارىلاتىپ، ”جۇڭگوعا قارجى قوسۋ“ ماركاسىن ۇزدىكسىز قالىپتاستىرىپ، شەتەل ساۋداگەرلەرى قارجى قوسقان كاسىپورىندارعا قىزمەت وتەۋدى كۇشەيتۋ كەرەك. ءتورتىنشى، جاڭالىق اشۋ فاكتورلارىنىڭ اۋىسۋىن ىركىلىسسىزدەندىرىپ، ىشكى - سىرتقى قارجى قوسقان كاسىپورىنداردىڭ جاڭالىق اشۋ سەلبەستىگىن جەبەۋ. شەتەل ساۋداگەرلەرى قارجى قوسقان كاسىپورىندار مەن باس شتاپتىڭ ساندى مالىمەت اينالىمىنا قولداۋ كورسەتىپ، حالىقارالىق ساۋدا قىزمەتكەرلەرىنىڭ بارىس - كەلىسىنە قولايلىلىق جاساپ، شەتەلدىكتەردىڭ جۇڭگودا قىزمەت ىستەۋى مەن قونىستانۋىنا رۇقسات ەتۋدى باسقارۋدى ساپالىلاندىرىپ، ەل ءىشى - سىرتىنداعى قۇرىلىمداردىڭ سەلبەسىپ جاڭالىق اشۋىنا قولداۋ كورسەتۋ كەرەك. بەسىنشى، ەل ىشىندەگى ەرەجە - تۇزىمدەردى كەمەلدەندىرىپ، حالىقارالىق جوعارى ولشەمدى ەكونوميكا - ساۋدا ەرەجەسىن اناعۇرلىم ويداعىداي ۇشتاستىرۋ. ءبىلىم مەنشىك ۇقىعىن قورعاۋدى كۇشەيتىپ، ساندى مالىمەتتىڭ شەكارا اتتاعان اينالىم ەرەجەسىن اقاۋسىزداندىرىپ، جوعارى ولشەمدى ەكونوميكا - ساۋدا كەلىسىمى كەلىسسوزىن جانە ونى اتقارۋدى بەلسەنە ىلگەرىلەتىپ، حالىقارالىق جوعارى ولشەمدى ەكونوميكا - ساۋدا ەرەجەسىمەن ۇشتاستىرۋدى تۇيىندە سىناق ەتۋ تەبىنىن ارتتىرۋ كەرەك.
ارەكەت جوباسىندا مىنالار تالاپ ەتىلدى: جەر - جەر، تاراۋلار ىرىقتىلىقپەن ءىس تىندىرىپ، تياناقتاندىرۋدى مىقتى يگەرىپ، شەتەل ساۋداگەرلەرى قارجى قوسقان كاسىپورىنداردىڭ تابىس سەزىمىن شىنايى كۇشەيتۋى كەرەك. جەر - جەر ورتا جاراتۋ، قىزمەت وتەۋدى جاقسارتۋ جاعىنا اناعۇرلىم زور كۇش سالىپ، شەتەل ساۋداگەرلەرى قارجى قوسقان كاسىپورىندار كوڭىل ءبولىپ وتىرعان ءىس جۇزىندىك ماسەلەلەردى جاڭالىق اشۋ سيپاتتى وي جەلىسى ارقىلى شەشۋگە شەبەر بولۋى كەرەك. تاراۋلار ءتۇرلى مىندەتتەردى اشالاۋدى، ناقتىلاندىرۋدى مىقتى يگەرىپ، ۋاقىت كەستەسىن، جول كارتاسىن جاساپ، ساياسات - شارالاردىڭ تياناقتانىپ، ناتيجە بەرۋىن ىلگەرىلەتۋى كەرەك. مەملەكەتتىك دامۋ جانە رەفورما كوميتەتى قاتىستى تاراۋلارمەن بىرگە جەتەكشىلىك ەتۋ مەن سايكەستىرۋدى كۇشەيتىپ، ءتۇرلى ساياساتتاردىڭ اتقارىلۋ ونىمدىلىگىن قاداعالاي باعالاپ، تاجىريبەلەردى دەر كەزىندە قورىتىندىلاپ، كوشىرىپ جالپىلاستىرۋى كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
