حۋنان ابزال كاسىپ سالالارىن جەدەل دامىتتى
«حالىق گازەتىنىڭ» تىلشىلەرى ۋ چيچياڭ، يان كى، شىن جىلين
2024.04.07 16:10 كەلۋ قاينارى : حالىق تورابى
باس شۋجي شي جينپيڭ 2020 - جىلى 9 - ايدا حۋناندا قىزمەت تەكسەرگەندە بىلاي دەپ دارىپتەدى: ”كاسىپ سالاسى قۇرىلىمىن ساپالىلاندىرۋدى، دارەجەسىن جوعارىلاتۋدى تارتىپپەن ىلگەرىلەتىپ، ابزال كاسىپ سالاسىن جەدەل دامىتىپ، كاسىپ سالاسى نەگىزىن كۇش سالا بەكەمدەپ، كاسىپ سالاسى تىزبەگىنىڭ وسىزاماندانۋىن ىلگەرىلەتۋ كەرەك“.
بيىل 3 - ايدا باس شۋجي شي جينپيڭ حۋناندا قىزمەت تەكسەرگەندە بىلاي دەپ اتاپ كورسەتتى: ”نازاردى ابزالدىققا يە كاسىپ سالالارىنا شوعىرلاندىرىپ، كاسىپ سالاسى نەگىزىن قايتا سومداۋدى جانە كەلەلى تەحنيكالىق جابدىقتاردان قامال الۋدى كۇشەيتىپ، وزىق جاساۋ كاسىبىن ۇزدىكسىز زورايتىپ، كۇشەيتىپ، كاسىپ سالاسىنىڭ جوعارى دەڭگەيلەنۋىن، زەردەلىلەنۋىن، جاسىلدانۋىن ىلگەرىلەتىپ، مەملەكەت دارەجەلى كاسىپ سالاسى شوعىرىن قالىپتاستىرۋ كەرەك“.
باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، تياناقتاندىرعان حۋنان جاڭاشا ونەركاسىپتەندىرۋدى كۇش سالا ىلگەرىلەتىپ، وزىق جاساۋ كاسىبىن نەگىزگى قامال الۋ باعىتى ەتىپ، جاڭالىق اشۋ ارقىلى دەم بەرىپ، كاسىپ سالاسىنىڭ جاڭا ارتۋ تۇيىندەرىن اشىپ، تىزبەكتى كۇشەيتىپ، وزىق جاساۋ كاسىبىنىڭ كاسىپ سالاسى شوعىرىن زورايتىپ، سيفر جاعىنان دەم بەرۋ ارقىلى دامۋدىڭ جاڭا ابزالدىعىن جەتىلدىرىپ، ابزال كاسىپ سالالارىن جەدەل دامىتتى.
دەربەس جاڭالىق اشۋ كاسىپ سالاسىنىڭ جاڭا قوزعاۋشى كۇشىن تۋىنداتتى. 2023 - جىلى 9 - ايدا سۋتەگى ەنەرگياسىندىق زەردەلى رەليستى ترامۆاي مالايزيادا بوي كورسەتىپ، ساۋدا اينالىمىنىڭ الدىنداعى شەشۋشى سىناق رەتىندە ءجۇرۋدى باستادى. مۇنداي زەردەلى رەليستى ترامۆايدى جۇڭچى جۋجوۋ ەلەكتر پاراۆوزىن زەرتتەۋ ورنى شەكتى سەرىكتەستىگى دەربەس زەرتتەپ جاساعان، ءپىشىندى رەليس جاتقىزۋدىڭ قاجەتى جوق، ”جولدا جۇگىرەتىن پويەز“ دەپ اتالعان، ونىڭ دەربەس بەتالىسى مەن وربيتاعا ىلەسۋ تەحنيكاسى ءبىرشاما پىسىپ - جەتىلگەن. ”زەردەلى رەليستى ترامۆاي قالا قاتىناسىنىڭ ءجۇرىس - تۇرىسىن ابزالدىعى كورنەكتى ورتا، تومەن تاسىمال مولشەرىندەگى رەليستى قاتىناس جۇيەسى شەشۋ جوباسىمەن قامدايدى، قازىر ەل ىشىندە كوپتەگەن قالالار جوبا جەلىسىن جاريالادى“. بولاشاققا كوز جىبەرگەندە، وسى سەرىكتەستىكتىڭ باس ينجەنەرى فىڭ جياڭحۋانىڭ سەنىمى كامىل.
دەربەس جاڭالىق جاراتۋ − حۋناننىڭ وزىق جاساۋ كاسىبىنىڭ دامىپ زورايۋىنداعى شەشۋشى بۋىن. حۋنان كولەمدەنگەن ونەركاسىپ كاسىپورىندارىنىڭ جاڭالىق اشۋ، زەرتتەۋ - اشۋ قيمىلىنىڭ جاپپاي قامتۋىن ىلگەرىلەتۋدى نەگىزگى جەلى، كاسىپ تىزبەگىن ارقاۋ ەتىپ، جاڭالىق اشۋ تىزبەگىن ورنالاستىرىپ، كاسىپورىنداردىڭ عىلىم - تەحنيكادا جاڭالىق اشۋداعى نەگىزگى تۇلعالىق ورنىن كۇشەيتتى، 2023 - جىلى كولەمدەنگەن ونەركاسىپ كاسىپورىندارىنىڭ قىزمەتكەرى، ۇسىنىلىمى، جابدىعى، نىسانى، ورنى، ءتۇزىمى بار زەرتتەۋ - اشۋ قۇرىلىمدارى تىڭنان مىڭعا جۋىق ارتىپ، ”ءبىر مەملەكەت دارەجەلى + 11 ولكە دارەجەلى“ جاساۋ كاسىبىندە جاڭالىق اشۋ ورتالىعى، ”76 مەملەكەت دارەجەلى + 1392 ولكە دارەجەلى“ كاسىپورىن تەحنيكا ورتالىعى سىندى جاساۋ كاسىبىندە جاڭالىق اشۋ جۇيەسىن ورناتتى.
شىنجىردى كۇشەيتىپ، تىزبەكتى تولىقتاپ، ابزال كاسىپ شوعىرىن زورايتتى. حۋنان 749 ەلەكتر جەتكىزۋ، كەرنەۋ وزگەرتۋ كاسىپ شوعىرى كاسىپورنىن جەتىلدىرىپ، 2023 - جىلى 204 ميلليارد 500 ميلليون يۋان تيجارات كىرىسىن جۇزەگە اسىردى، كوپتەگەن ونىمدەردىڭ تەحنيكالىق ورەسى مەن بازار يەلەۋ مولشەرى حالىقارادا الدىڭعى قاتاردا تۇردى. حۋنان ولكەسىنىڭ ەلەكتر جەتكىزۋ، كەرنەۋ وزگەرتۋ كاسىپ سالاسى شوعىرىن جەتىلدىرۋدەگى، زورايتۋداعى جەبەۋ قۇرىلىمى رەتىندە، شياڭيان ەلەكتر جەتكىزۋ، كەرنەۋ وزگەرتۋ كاسىبىنە قىزمەت وتەۋ ورتالىعى شوعىردىڭ دامۋ جاعدايىن انىقتاپ، دامۋ جولىن ايقىنداپ، قازىرگى ساۋداگەر شاقىرۋ ءتۇيىنىن مىس تاياقشا ءوندىرىسى سياقتى 4 ءتۇرلى كاسىپورىندى ەنگىزۋگە اۋداردى. ”ءبىز سۇرىپتالعان مىس باعاناعا جانە ەلەكتروليزدەنگەن مىس شيكىزاتىنا قاداعالاي نازار اۋدارىپ، دالمە - ءدال كۇش سالدىق، بيىل كەپتەلىس تۇيىندەرىن اشىپ، ولقىلىقتاردى تولىقتاۋىمىزدان ءۇمىت بار“ دەدى قىزمەت وتەۋ ورتالىعىنىڭ جاۋاپتىسى يان حۋاحىڭ.
ابزال كاسىپ سالاسى شوعىرىن قايتكەندە ۇزدىكسىز زورايتۋعا، كۇشەيتۋگە بولادى؟ حۋنان قۇرىلىس ماشينالارى، رەليستى قاتىناس سياقتى وزىق جاساۋ كاسىبى شوعىرىن ارقاۋ ەتىپ، شوعىردىڭ جالپى كورىنىستىك توراپ كارتاسى، ەنگىزىلەتىن كاسىپورىن قامباسى جانە ساۋداگەر شاقىرۋ ءتىزىمى سياقتىلاردى جاساپ، كۇشتى تىزبەكتى تولىقتاۋدى كوزدە ۇستاپ، شوعىرلى دامۋدىڭ جول كارتاسىن سىزىپ شىقتى. قازىر حۋنان ينجەنەريا ماشينالارى سياقتى مەملەكەتتىڭ 4 وزىق جاساۋ كاسىبى شوعىرىن حالىقارالىق باسەكەلىك قۋاتقا يە دۇنيە جۇزىلىك وزىق جاساۋ كاسىبى شوعىرىنا اينالدىرۋعا كۇش سالۋدا، سونىمەن بىرگە، وزىق ەنەرگيا ماتەريالدارى سياقتى 6 ءىرى كاسىپ سالاسى شوعىرىنىڭ مەملەكەتتىڭ وزىق جاساۋ كاسىبى توبىن قۇرۋىن ىلگەرىلەتىپ، ساتىعا ءبولىپ وزىق جاساۋ كاسىبىن جەتىلدىرۋدە، زورايتۋدا.
سيفردىڭ دەم بەرۋى وزىق جاساۋ كاسىبىنىڭ ساپاسىن جوعارىلاتىپ، ونىمدىلىگىن ارتتىرۋدى جەدەلدەتتى. نەشە جۇزدەگەن قۇراستىرۋ جۇمىس ءتارتىبى، 5000 نان استام ۇساق بولشەكتەر... چاڭشا قالاسىنداعى جۇڭليان زەردەلى كاسىپ قالاسىنداعى ءىرى تۇرپاتتى قازۋ ماشيناسىن زەردەلى قۇراستىرۋ سەحىندا ءبىر قازۋ ماشيناسىن ىسكە قوسۋعا نەبارى 6 مينۋت ۋاقىت كەتەدى. ”تۇرپاتى الۋان ءتۇرلى، تەحنولوگياسى ءار ءتۇرلى، ۇساق بولشەكتەرى ءار ءتۇرلى قازۋ ماشينالارى تۇگەلدەي ءبىر ءوندىرىس جەلىسىندە زەردەلىلەنۋدى، يكەمدىلىكتى جۇزەگە اسىرا الادى“. جۇڭليان جۇڭكى شەكتى جارنا سەرىكتەستىگى باسالقاسىنىڭ ورىنباسارى، باس ينجەنەرى فۋ ليڭ بىلاي دەپ تانىستىردى: كوپ جىلدان بەرى سيفرلانۋعا بۇرىلىس جاساۋدىڭ مول تابىسىنا سۇيەنىپ، سەرىكتەستىك كوپ ءتۇرلى، شاعىن مولشەردەگى، ەرەكشە كەڭ كولەمدى ۇساق بولشەكتەردىڭ جالپى بارىسىن زەردەلى جاساۋ جۇيەسىن الدىمەن قۇرىپ، بىلتىر قازۋ ماشيناسىنىڭ شەتەل بازارىنداعى ساتىلۋ سوماسى سايكەس مەزگىلدەگىدەن ەسەلەپ ارتتى.
جاڭا كەزەكتى عىلىم - تەحنيكا توڭكەرىسى مەن كاسىپ وزگەرىسى جاعدايىندا، ءداستۇرلى جاساۋ كاسىبى باسەكەنىڭ جاڭا ابزالدىعىن قالاي جەتىلدىرەدى؟ حۋنان ”10 مىڭ كاسىپورىنعا زەردەلى دەم بەرۋ“ ارەكەت جوباسىن شىعارىپ، سيفرلى ەكونوميكا مەن ناقتى ەكونوميكانىڭ ىشكەرىلەي توعىسۋىن جەبەپ، وزىق جاساۋ كاسىبىنىڭ سيفرلانۋ، زەردەلىلەنۋ دەڭگەيىن جەدەل جوعارىلاتتى. 2023 - جىلى حۋنان ولكەسىنىڭ نەگىزگى ونەركاسىپ ينتەرنەت تۇعىرلارى ونەركاسىپ جابدىقتارىنان 9 ميلليون 550 مىڭنان استامىن تۇتاستىرىپ، 133 مىڭ كاسىپورىن بۇلتتىق جۇيەگە، 13 مىڭ كاسىپورىن تۇعىرعا شىقتى؛ سيفرلى ەكونوميكانىڭ جالپى مولشەرى ءبىر تريلليون 700 ميلليارد يۋاننان اسىپ، %15 ارتتى.
ساناق ساندى مالىمەتىندە كورسەتىلۋىنشە، حۋنان جاساۋ كاسىبىنىڭ جەكە تۇردەگى اعا جۇلدەگەرلىگىنەن ۇلگى كورسەتەتىن كاسىپورىن مەن ءونىم كاسىپورنىن 48 گە جەتكىزگەن. 2023 – جىلى حۋنان ولكەسىنىڭ كولەمدەنگەن ونەركاسىبىنىڭ ارتقان قۇنى وتكەن سايكەس مەزگىلدەگىدەن %5.1 ارتىپ، بۇكىل ەلدىڭ ورتاشا ارتۋ قارقىنىنان 0.5 پايىز جوعارى بولعان؛ بيىل الدىڭعى 2 ايدا حۋنان ولكەسىنىڭ كولەمدەنگەن ونەركاسىبىنىڭ ارتقان قۇنى سايكەس مەزگىلدەگىدەن %7 ارتىپ، سايكەس مەزگىلدەگىدەن 1.2 پايىز جوعارى بولعان؛ كولەمدەنگەن جابدىق جاساۋ كاسىبى %9.5 ارتقان.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
