شينجياڭعا جولداعان زاتتاردىڭ ”پوچتا اقىسىن كوتەرۋ“ ىسكە اسىرىلا ما؟
مەملەكەتتىك پوچتا مەكەمەسى جاۋاپ قايتاردى
2024.04.03 14:09 كەلۋ قاينارى : حالىق تورابى
تاۋارلاردى باقىلاۋ جاعىنان الىپ قاراعاندا، شينجياڭعا جولدانعان زاتتاردىڭ ”پوچتا اقىسىن كوتەرۋ“ ونىمدىلىگى العاشقى قادامدا كورىلە باستادى، ساۋدا دۇكەندەرىنىڭ زاتتى جولداماي قويۋ سالىستىرماسى بىلتىرعى 9 – ايدىڭ باسىنداعى %10.17 تەن %0.83 كە تومەندەگەن. جارىم جىل ىشىندە شينجياڭدا كۇندىك جەتكىزىلىم مولشەرى ميلليون دانا ارتقان. مەملەكەتتىك پوچتا مەكەمەسىنىڭ قاتىستى جاۋاپتىسىنىڭ ايتۋىنشا، ءارقايسى جاقتاردىڭ بىرگە قۇلشىنۋىنىڭ ارقاسىندا، شينجياڭداعىلاردىڭ ينتەرنەت ارقىلى ساتىپ العان زاتىن جولداعاندا ”پوچتا اقىسىن كوتەرمەۋ، زاتتى جولداماۋ“ ماسەلەلەرى كورنەكتى تۇردە جاقسارتىلعان.
شينجياڭعا جولداعان زاتتاردىڭ ”پوچتا اقىسىن كوتەرۋدى“ قايتكەندە ىسكە اسىرۋعا بولادى؟
شوعىرلى تاسىمالداۋ ءتاسىلى ارقىلى تاسىمالداۋ، زاتتاردى ءبولۋ، جەتكىزۋ قاتارلى باسقىشتاردا بايلىق قاينارىن بىرىكتىرۋ ارقىلى جەدەل جولدامانى ءبىرجاقتى ەتۋ ونىمدىلىگىن زور مولشەردە جوعارىلاتۋعا، جۇمىستىڭ وزىندىك قۇنىن ءونىمدى تومەندەتۋگە بولادى.
شوعىرلى تاسىمالداۋ فورماسى دەگەنىمىز نە؟
ءداستۇرلى زات اينالىمى فورماسى بويىنشا ءاربىر ساۋداگەر مەن كليەنت جولداعان زات جەكە تاسىمالداناتىندىقتان، جۇك بىتىراڭقى بولىپ، وزىندىك قۇنى ارتادى. شوعىرلى تاسىمالداۋ فورماسى بويىنشا جۇكتەردى شاعىن توپقا ءبولىپ شوعىرلاندىرۋ ارقىلى شوعىرلى تاسىمالداۋدى ىسكە اسىرۋعا بولادى.
شينجياڭعا جولدانعان زاتتاردىڭ ”پوچتا اقىسىن كوتەرۋدى“ قالاي باياندى جالعاستىرۋعا بولادى؟
ءبىر جاعىنان، جولداما جەتكىزۋشى كاسىپورىنداردىڭ شينجياڭداعى نەگىزدىك قۇرىلعىلاردى ۇزدىكسىز كەمەلدەندىرىپ، قىزمەت وتەۋ قۋاتى مەن قىزمەت وتەۋ ورەسىن ۇزدىكسىز جوعارىلاتۋىنا قولداۋ كورسەتۋ قاجەت؛ ەندى ءبىر جاعىنان، ەلەكتروندىق ساۋدا تەكشەلەرىن شينجياڭدا قويما اشۋعا، زاتتى باسقا جەردەن جولداۋدى شينجياڭنىڭ وزىنەن جولداۋدى وزگەرتۋگە شابىتتاندىرۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
