2024 – جىلعى باتىس بولىك جوسپارىنا تىزىمدەۋ ارناسى اشىلدى
2024.04.01 16:04 كەلۋ قاينارى : حالىق تورابى
2024 – جىلعى ستۋدەنتتەردىڭ باتىس بولىكتە ەرىكتى قىزمەت وتەۋى جوسپارىنا تىزىمدەۋ ارناسى 3 – ايدىڭ 31 – كۇنى ساعات 12 دە رەسمي اشىلدى. سول كۇننەن باستاپ، 5 – ايدىڭ ورتا شەنىنە دەيىن، 2024 – جىلعى جاي جوعارى مەكتەپتەردەن وقۋ بىتىرەتىن ستۋدەنتتەر مەن اسپيرانتتاردىڭ ”باتىس بولىك ەرىكتىلەرىن توپتاۋ“ (西部志愿汇) اتتى ۋيشين تەكشەسى (ايدارشا تىزىمدىگىندەگى ”تىزىمدەلەمىن“ دەگەن جەردى تاڭدايسىز) نەمەسە باتىس بولىك جوسپارىنىڭ رەسمي تورابى (http://xibu.youth.cn) ارقىلى باتىس بولىك جوسپارىنا تىزىمدەلۋ جۇيەسىنە كىرىپ تىركەلگەن سوڭ تىزىمدەلۋىنە بولادى.
ستۋدەنتتەردىڭ باتىس بولىكتە ەرىكتى قىزمەت وتەۋى جوسپارى (قىسقاشا باتىس بولىك جوسپارى دەپ اتالادى) كوممۋنيستىك جاستار وداعىنىڭ ورتالىق كوميتەتى، وقۋ – اعارتۋ مينيسترلىگى، قازىنا مينيسترلىگى، ادام كۇشى بايلىعى جانە قوعامدىق قامتاماسىزداندىرۋ مينيسترلىگى بىرگە ۇيىمداستىرىپ اتقارعان، دارىندىلارعا ساياتىن كەلەلى ينجەنەريا. نىسان 2003 – جىلى اتقارىلعاننان بەرى، جوعارى مەكتەپتەردەن وقۋ بىتىرەتىن ستۋدەنتتەر مەن اسپيرانتۋرا وقىپ جاتقانداردان جيىنى 500 مىڭنان استام ادامدى قابىلداپ، 2000 نان استام اۋدانداعى (قالا، رايون، حوشۇن) نەگىزگى ساتىعا قىزمەت وتەۋگە جىبەرگەن، بۇكىل قوعامدا، وتە – موتە، جاستار اراسىندا باتىس بولىككە بارۋ، نەگىزگى ساتىعا بارۋ، وتانعا جانە حالىققا ەڭ قاجەتتى جەرگە بارۋ، ەڭبەك كورسەتىپ، شارۋاشىلىق قۇرۋ سىندى ءداۋىر اۋەنىن اسقاقتاتقان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
