لي چياڭ شريلانكانىڭ زۇڭليى گۋناۆادنەرمەن كەڭەس وتكىزدى
2024.03.27 15:57 كەلۋ قاينارى : حالىق تورابى
 |
3 – ايدىڭ 26 – كۇنى تۇستەن بۇرىن مەملەكەتتىك كەڭەستىڭ زۇڭليى لي چياڭ بەيجيڭدەگى حالىق سارايىندا جۇڭگوعا رەسمي ساپارلاي كەلگەن شريلانكانىڭ زۇڭليى گۋناۆادنەرمەن كەڭەس وتكىزدى. سۋرەتتە: كەڭەستەن بۇرىن لي چياڭ حالىق سارايىنىڭ سولتۇستىك زالىندا گۋناۆادنەردى قارسى الۋ سالتىن وتكىزۋدە.
سۋرەتتى شينحۋا اگەنتتىگىنىڭ ءتىلشىسى ياۋ داۋەي تۇسىرگەن
|
شينحۋا اگەنتتىگى، 3 - ايدىڭ 26 – كۇنى، بەيجيڭ. مەملەكەتتىك كەڭەستىڭ زۇڭليى لي چياڭ 3 - ايدىڭ 26 - كۇنى تۇستەن بۇرىن حالىق سارايىندا جۇڭگوعا رەسمي ساپارلاي كەلگەن شريلانكانىڭ زۇڭليى گۋناۆادنەرمەن كەڭەس وتكىزدى.
لي چياڭ مىنالاردى ءبىلدىردى: جۇڭگو مەن شريلانكا − ءوزارا شىنايى كومەكتەسەتىن، ۇرپاقتار بويى دوسجار وتەتىن ستراتەگيالىق سەلبەستىك سەرىكتەر. ديپلوماتيالىق قارىم - قاتىناس ورناتقان 67 جىلدان بەرى ەكى ەل باستان - اياق ءوزارا قۇرمەت ەتىپ، تەڭ تۇرعىدا ءوزارا پايدا جەتكىزدى، تار جول، تايعاق كەشۋلەردەن بىرگە ءوتۋ، ءبىر - بىرىنە قارايلاسۋ تاڭداۋلى داستۇرىنە يە. ءتوراعا شي جينپيڭ بىلتىر ۆيكراماسينحا زۇڭتۇڭمەن كەڭەس وتكىزىپ، ەكى ەل قارىم - قاتىناسىنىڭ ونان ارى دامۋىنا جوبا جاسادى. جۇڭگو جاق شريلانكامەن بىرگە ەكى ەل مەملكەەت باسشىلارىنىڭ ماڭىزدى ورتاق تانىمىن ويداعىداي تياناقتاندىرىپ، ءداستۇرلى دوستىقتى جالعاستىرىپ، ساياسي سەنىمدىلىكتى بەكەمدەپ، ءار سالاداعى اۋىس - كۇيىس پەن سەلبەستىكتى كەڭەيتىپ، جۇڭگو مەن شريلانكانىڭ دوستىق اعاشىنىڭ تامىرىن تەرەڭگە بويلاتىپ، ءوزارا ءتيىمدى سەلبەستىكتە اناعۇرلىم كوپ تابىستارعا قول جەتكىزىپ، گۋمانيتارلىق اۋىس - كۇيىستى اناعۇرلىم بايىتىپ، بىرگە دامۋدى اناعۇرلىم ويداعىداي جەبەۋدى قالايدى.
لي چياڭ بىلاي دەپ اتاپ كورسەتتى: جۇڭگو جاق شريلانكانىڭ مەملەكەتتىڭ ىنتىماعىن، ورنىقتىلىعىن، ەكونوميكانى ءوز الدىنا دامىتۋ قۇلشىنىسىن باتىل قولدايدى، شريلانكامەن ”ءبىر بەلدەۋ، ءبىر جولدى“ بىرگە قۇرۋ جۇلگەسىندە ماڭىزدى نىسانداردىڭ اتقارىلۋىن بار كۇشپەن ىلگەرىلەتىپ، ەكونوميكا - ساۋدا، اۋىل شارۋاشىلىعى، تەڭىز - مۇحيت عىلمي زەرتتەۋى سياقتى سالالارداعى سەلبەستىكتى تەرەڭدەتىپ، تازا ەنەرگيا، حابارلاسۋ سياقتى سالالارداعى سەلبەستىكتىڭ كومەسكى كۇشىن اشىپ، ەكى ەلدىڭ ناقتى سەلبەستىگىنىڭ ساپاسىن، دارەجەسىن جوعارىلاتۋدى قالايدى. جۇڭگو جاق اناعۇرلىم كوپ جۇڭگو كاسىپورىندارىن شريلانكاعا بارىپ قارجى قوسىپ، شارۋاشىلىقتى گۇلدەندىرۋگە شابىتتاندىرادى، شريلانكانىڭ ساپالى ونىمدەرىن يمپورت ەتۋدى ارتتىرۋدى قالايدى، شريلانكانىڭ جۇڭگو كاسىپورىندارىنا تاماشا تيجارات - ساۋدا ورتاسىن ازىرلەۋىن ءۇمىت ەتەدى. ەكى جاق مادەنيەت، ساياحات، وقۋ - اعارتۋ سياقتى گۋمانيتارلىق اۋىس - كۇيىستى كۇشەيتىپ، ەكى ەل دوستىعىنىڭ نەگىزىن بەكەمدەۋى كەرەك.
گۋناۆادنەر مىنالاردى ءبىلدىردى: شريلانكا − جۇڭگونىڭ سەنىمدى جاقسى سەرىگى. شريلانكا جۇڭگونىڭ ۇزاق ۋاقىتتان بەرى شريلانكانىڭ مەملەكەتتىڭ يەلىك ۇقىعىن، تاۋەلسىزدىگىن جانە تەرريتوريا تۇتاستىعىن قورعاۋىنا، شريلانكانىڭ ەكونوميكالىق، قوعامدىق دامۋدى ىلگەرىلەتۋىنە، جاڭا تيپتى ايدارشا ۆيرۋس وكپە قابىنۋ ىندەتى مەن فينانس، قارىز داعدارىسىنا توتەپ بەرۋىنە زور كۇشپەن قولداۋ كورسەتكەنىنە العىس ايتادى. شريلانكا جاق ءتوراعا شي جينپيڭ العا قويعان ”ءبىر بەلدەۋ، ءبىر جول“ باستاماسىن جانە جەلىلەس دۇنيە جۇزىلىك باستامالاردى جوعارى باعالايدى، ءبىر جۇڭگو پرينسيبىندە باستان - اياق تاباندى بولادى، جۇڭگو جاقپەن دوستىق سەلبەستىكتى كۇشەيتۋ ساياساتىن ۇزدىكسىز تاباندىلىقپەن اتقارادى، جۇڭگو جاقپەن ”ءبىر بەلدەۋ، ءبىر جولدى“ بىرگە قۇرۋدى تىڭعىلىقتى ىلگەرىلەتىپ، ءار سالاداعى ناقتى سەلبەستىكتى تەرەڭدەتىپ، گۋمانيتارلىق اۋىس - كۇيىستى جيىلەتىپ، ەكى ەلدىڭ بىرگە دامۋىن ىلگەرىلەتىپ، ءوڭىردىڭ بەيبىتشىلىگى مەن ورنىقتىلىعىن جەبەۋدى قالايدى.
كەڭەستەن كەيىن ەكى ەل زۇڭليلەرى ساۋدا، قارجى قوسۋ، كەدەن، دامۋ سەلبەستىگى سياقتى كوپ ءتۇرلى ەكى جاقتى سەلبەستىك قۇجاتتارىنا قول قويۋعا بىرگە كۋا بولدى.
كەڭەستەن بۇرىن لي چياڭ حالىق سارايىنىڭ سولتۇستىك زالىندا گۋناۆادنەردى قارسى الۋ سالتىن وتكىزدى.
ۋ جىڭلۇڭ جوعارىداعى قيمىلدارعا قاتىناستى.
سول كۇنى تۇستەن كەيىن گۋناۋادنەر حالىق قاھارماندارى ەسكەرتكىشىنە گۇل شەڭبەر قويدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
