قورعانىس مينيسترلىگىنىڭ مالىمدەمەشىسى فيليپپيننىڭ رىن – اي مارجان قۇزىنا باسا كوكتەي كىرگەنى جونىندە ءتىلشىنىڭ سۇراۋىنا جاۋاپ قايتاردى
2024.03.25 15:04 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى لي شياۋميڭ 3 – ايدىڭ 24 – كۇنى بەيجيڭنەن حابارلايدى. قورعانىس مينيسترلىگىنىڭ مالىمدەمەشىسى ۋ چيان فيليپپيننىڭ رىن – اي مارجان قۇزىنا باسا كوكتەي كىرگەنى جونىندە 3 – ايدىڭ 24 – كۇنى ءتىلشىنىڭ سۇراۋىنا جاۋاپ بەرگەندە بىلاي دەپ باسا دارىپتەدى: ەگەر فيليپپين جۇڭگونىڭ ءتوزىمىنىڭ ەڭ سوڭعى شەگىنە قايتا – قايتا سايىس جاريالايتىن بولسا، جۇڭگو ۇزدىكسىز باتىل شارالاردى قولدانىپ، ءوزىنىڭ تەرريتوريالىق يەلىك ۇقىعى مەن تەڭىز – مۇحيتتاعى ۇقىق – مۇددەسىن باتىل قورعايدى.
ءتىلشى بىلاي دەپ سۇرادى: 3 – ايدىڭ 23 – كۇنى رىن – اي مارجان قۇزىنىڭ ماڭىنداعى تەڭىز الابىندا جۇڭگونىڭ ساقشىلار كەمەسى فيليپپيننىڭ زاڭسىز ”قايراڭداعان“ اسكەري كەمەگە زات جەتكىزبەك بولعان كەمەسىنە باسقارۋ جانە قۋالاۋ قاتارلى شارالاردى اتقارعان. مالىمدەمەشى وسى جونىندە قانداي پىكىر بىلدىرەدى؟
ۋ چيان بىلاي دەدى: 3 – ايدىڭ 23 – كۇنى فيليپپيننىڭ كەمەسى جۇڭگونىڭ رىن – اي مارجان قۇزىنىڭ ماڭىنداعى تەڭىز الابىنا باسا كوكتەي كىرىپ، زاڭسىز ”قايراڭداعان“ اسكەري كەمەگە زات جەتكىزبەك بولعان. جۇڭگونىڭ تەڭىز ساقشىلارى زاڭ – تۇزىمگە ساي فيليپپيننىڭ كەمەسىنە باسقارۋ، توسقاۋىلداۋ، قۋالاۋ شارالارىن اتقارىپ، فيليپپيننىڭ ۇقىققا قول سۇعۋعا، سوقتىعۋعا ۇرىنۋىنا باتىل سوققى بەرگەن. بۇل رەتكى وقيعا بۇكىلدەي فيليپپين جاقتىڭ سوقتىعۋى، سويقان شىعارۋى سەبەبىنەن تۋىلعان، جۇڭگو جاقتىڭ ءبىرجاقتى ەتۋى ۇيلەسىمدى، زاڭدى، كاسىپتىك ءتارتىپ بولىپ ەسەپتەلەدى.
ۋ چيان مىنانى اتاپ كورسەتتى: باسا دارىپتەۋدى قاجەت ەتەتىنى — جۇڭگونىڭ رىن – اي مارجان قۇزىن قامتىعان ونىڭ ماڭىنداعى نانشا توپ ارالدارى مەن ماڭىنداعى تەڭىز الابىنا بولعان يەلىك ۇقىعىنا تالاس جۇرمەيدى، جۇڭگونىڭ يەلىك ۇقىعى مەن تەرريتوريا تۇتاستىعىنا قول سۇعۋعا جول بەرىلمەيدى. جۇڭگو فيليپپينمەن كەڭەسۋ، كەلىسسوز وتكىزۋ ارقىلى تالاس – تارتىستى ۇيلەسىمدى شەشىم ەتۋدى قالايدى، الايدا، فيليپپين ايتقان سوزىندە تۇرماي، ۋادەسىن بۇزىپ، رىن – اي مارجان قۇزىنا زاڭسىز ”قايراڭداپ“ قالعان اسكەري كەمەسىن ماڭگىلىك قۇرىلعى ەتىپ بەكەمدەمەكشى بولدى، جۇڭگو بۇعان ءتوزىپ تۇرا المايدى. ءبىز فيليپپينگە قايشىلىقتى شيەلەنىستىرەتىن، جاعدايدى ۋشىقتىراتىن ءارقانداي ءسوز جاريالاۋدى توقتاتۋدى، ۇقىققا قول سۇعۋ، سوقتىعۋ سيپاتىنداعى ءارقانداي ارەكەتتەردى توقتاتۋدى قاتاڭ ەسكەرتەمىز. ەگەر فيليپپين جۇڭگونىڭ ءتوزىمىنىڭ ەڭ سوڭعى شەگىنە قايتا – قايتا سايىس جاريالاسا، جۇڭگو ۇزدىكسىز باتىل شارالاردى قولدانىپ، ءوزىنىڭ تەرريتوريالىق يەلىك ۇقىعى مەن تەڭىز – مۇحيتتاعى ۇقىعىن باتىل قورعايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
