شينجياڭ ىشىندەگى تارماق جەلى اۋەجايلارىنان شينجياڭنان سىرتقا توتە ۇشاتىن 6 اۋە جەلىسى قالپىنا كەلەدى
2024.03.22 16:40 كەلۋ قاينارى : حالىق تورابى
3 – ايدىڭ 31 – كۇنىنەن باستاپ، تۇتاس حالىقتىق اۆياتسيا 2024 ـ جىلعى جازعى كەزەكشى ۇشاق جوسپارىن اتقارادى. جاڭا اۆياتسيا ماۋسىمىندا وڭتۇستىك اۆياتسيا سەرىكتەستىگى شينجياڭ ىشىندەگى تارماق جەلى اۋەجايلارىنان شينجياڭ سىرتىنداعى ءوتىمدى قالالارعا توتە ۇشاتىن 6 اۋە جەلىسىن قالپىنا كەلتىرىپ، شينجياڭ ىشىندە ارالاپ ۇشۋ، اينالىپ ۇشۋ، شينجياڭنىڭ سىرتىنا شىعۋ ءۇشىن اۋىسۋدىڭ قاجەتى جوق بولۋدى ورىنداپ، جولاۋشىلاردىڭ ءجۇرىس - تۇرىس قاجەتىن ونان ارى قاناعاتتاندىرادى.
ماۋسىم اۋىسقاننان كەيىن وڭتۇستىك اۆياتسيا سەرىكتەستىگى قاشقاردان شينجياڭنىڭ سىرتىنا ۇشاتىن 3 اۋە جەلىسىن قالپىنا كەلتىرەدى، ولار قاشقار ـ بەيجيڭ داشيڭ، قاشقار ـ شىنجىن، قاشقار ـ چىڭدۋ تيانفۋ اۋە جەلىلەرىن قامتيدى، قاشقار ايماعى مەن ەكونوميكاسى جاندانعان وڭىرلەر اراسىندا قولايلى اۋە تەز جەلىسىن ورناتىپ، وڭتۇستىك شينجياڭ ەكونوميكاسىنىڭ جەدەل دامۋىنا دەم بەرۋدى جوسپارلاپ وتىر.
وسى رەت قايتا قاتىناعان قاشقار - بەيجيڭ داشيڭ كەزەكشى ۇشاق ءنومىرى 2/ CZ8891، كۇنىنە ءبىر كەزەك ۇشادى، ساعات 8 دەن 20 مينۋت وتكەندە قاشقاردان ۇشىپ، ساعات 13 تەن 30 مينۋت وتكەندە بەيجيڭ قالاسى داشيڭ اۋەجايىنا جەتەدى؛ قاشقار مەن شىنجىن ارالىعىنا بارىپ - كەلەتىن كەزەكشى ۇشاق ءنومىرى 8/ CZ6857، اپتانىڭ 2، 4، 6 كۇندەرى قاتىنايدى، ساعات 8 دە قاشقاردان ۇشىپ، ساعات 14 تەن 10 مينۋت وتكەندە شىنجىنعا جەتەدى؛ قاشقار - چىڭدۋ تيانفۋ ارالىعىندا قاتىنايتىن كەزەكشى ۇشاق ءنومىرى: CZ5703/4، كۇنىنە ءبىر كەزەك قاتىنايدى، ساعات 10 نان 05 مينۋت وتكەندە قاشقاردان ۇشىپ، ساعات 14تەن 40 مينۋت وتكەندە چىڭدۋ قالاسى تيانفۋ اۋەجايىنا جەتەدى.
مۇنان سىرت، جاڭا اۆياتسيا ماۋسىمىندا وڭتۇستىك اۆياتسيا سەرىكتەستىگى شينجياڭ ىشىندەگى بازاردى ۇزدىكسىز ىشكەرىلەي اشىپ، شينجياڭنىڭ سىرتقا باعىتتالعان ساياحات تەرەزەسىن اشۋدى كۇشەيتتى، قۇلجا ـ كورلا ـ بەيجيڭ داشيڭ، بۇراتالا ـ ۋحان، قارامايلى ـ جىڭجوۋ ـ گۋاڭجوۋ سىندى 3 ءتۇرلى شينجياڭ ىشىنەن باستاپ ۇشاتىن اۋە جەلىسىن قالپىنا كەلتىردى. سول كەزدە، شينجياڭ ىشىندەگى تارماق لەنيالى اۋەجايلاردان شينجياڭ سىرتىنداعى قالالارعا توتە باراتىن اۋە لەنياسى 17گە جەتەدى.
قازىر وڭتۇستىك اۆياتسيا سەرىكتەستىگى شينجياڭنىڭ اۆياتسيا بازارىنىڭ تاسىمال قۋاتىنا ۇسىنىلىمدى ۇزدىكسىز ارتتىرىپ، شينجياڭنىڭ اۋە جەلىسى تورىن ۇزدىكسىز بايىتىپ، سارا اۋە جەلىسىن قالىپتاستىرىپ، ”كەڭىستىك كوپىرىن“ ورناتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
