دۇنيە جۇزىلىك اۋا رايى ۇيىمى دابىل قاقتى
2024.03.21 14:15 كەلۋ قاينارى : حالىق تورابى
دۇنيە جۇزىلىك اۋا رايى ۇيىمى 3 – ايدىڭ 19 – كۇنى جاريالاعان «2023 – جىلعى دۇنيە جۇزىلىك كليمات جاعدايى جونىندەگى مالىمەتكە قاراعاندا، 2023 – جىل — ەستەلىككە الۋ باستالعاننان بەرگى ەڭ ىستىق جىل بولعان، دۇنيە ءجۇزى بويىنشا پارنيك گازىنىڭ قويۋلىعى، جەر بەتىنىڭ جىلۋ مولشەرى قاتارلى كليمات وزگەرىسىنىڭ كوپتەگەن كورسەتكىشتەرى تاريحتاعى رەكورتى جاراتقان. 2023 – جىلى اڭىزعاق، تاسقىن، قۋاڭشىلىق، دالا ءورتى قاتارلىلار نەشە ميلليون ادامنىڭ كۇندەلىكتى تۇرمىسىنا ىقپال جاساپ، نەشە ميلليارد ا ق ش دوللارىندىق ەكونوميكالىق زيان تۋدىرعان. ال، 2024 – جىلى اۋا رايى تىپتەن ىستىق بولۋى مۇمكىن، دۇنيە جۇزىلىك اۋا رايى ۇيىمى دۇنيە ءجۇزى بويىنشا قىزىل ءتۇستى دابىل قاقتى.
مالىمەتتەگى ساناققا قاراعاندا، 2023 – جىلى كومىر قىشقىل گازى، شالشىق گازى جانە ازوت شالا توتىعى سىندى نەگىزگى ءۇش ءتۇرلى پارنيك گازىنىڭ قويۋلىعى 2022 – جىلعى رەكوردتىق دەڭگەيدەن ۇزدىكسىز جوعارىلاعان، مۇندا، كومىر قىشقىل گازىنىڭ قويۋلىق ورەسى ونەركاسىپتەنۋدەن بۇرىنعى ورەدەن %50 جوعارىلاعان. دۇنيە ءجۇزى بويىنشا اۋا رايىن ەستەلىككە الۋ باستالعاننان بەرى 2023 – جىل ەڭ ىستىق جىل بولعان، دۇنيە ءجۇزى بويىنشا جەر بەتىنىڭ ورتاشا تەمپەراتۋراسى ونەركاسىپتەنۋدەن بۇرىنعى دەڭگەيدەن ورتا ەسەپپەن 1.45 گرادۋس جوعارىلاعان، وتكەن 10 جىل ەستەلىككە الۋ باستالعاننان بەرگى ەڭ ىستىق 10 جىل بولعان، ەڭ ىستىق جىل رەكوردى 2024 – جىلى تاعى دا جاڭالانۋى مۇمكىن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
