قاشقىنداردى قۋعىنداۋ، قاراجاتتى قايتارىپ الۋ جانە شىرىكتەسۋدى شەكارا اتتاپ جونگە سالۋ قىزمەتىن جان – جاقتى ىلگەرىلەتەدى
”الەمدىك تور جايۋ 2024“ ارەكەتى رەسمي باستالدى
2024.03.20 13:45 كەلۋ قاينارى : حالىق تورابى
حالىق گازەتىنىڭ ءتىلشىسى جاۋ چىڭ 3 – ايدىڭ 19 – كۇنى بەيجيڭنەن حابارلايدى. ورتالىق كوميتەتتىڭ شىرىكتەسۋگە قارسى تۇرۋ قىزمەتىن سايكەستىرۋگە جەتەكشىلىك ەتۋ گرۋپپاسىنىڭ حالىقارالىق قاشقىنداردى قۋعىنداۋ، قاراجاتتى قايتارىپ الۋ جانە شىرىكتەسۋدى شەكارا اتتاپ جونگە سالۋ قىزمەتى كەڭسەسى 3 – ايدىڭ 19 – كۇنى ءماجىلىس اشىپ، 20 – كەزەكتى ورتالىق ءتارتىپ تەكسەرۋ كوميتەتىنىڭ ءۇشىنشى جالپى ءماجىلىسىنىڭ رۋحىن ۇيرەندى جانە دايەكتىلەندىردى، 2024 – جىلعى شىرىكتەسۋگە قارسى تۇرۋ جاعىندا حالىقارالىق قاشقىنداردى قۋعىنداۋ، قاراجاتتى قايتارىپ الۋ جانە شىرىكتەسۋدى شەكارا اتتاپ جونگە سالۋ قىزمەتى جونىندە زەرتتەۋ جۇرگىزىپ، ورنالاستىرۋ جاسادى، ” الەمدىك تور جايۋ 2024“ ارەكەتىن باستادى.
ماجىلىستە مىنالار اتاپ كورسەتىلدى: 2023 – جىلدان بەرى، شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ورتالىق كوميتەتتىڭ شىرىكتەسۋگە قارسى تۇرۋ قىزمەتىن سايكەستىرۋ گرۋپپاسىنىڭ تىكەلەي جەتەكشىلىك ەتۋىندە، كەڭسەگە مۇشە ورىندار مەن ولكە، اۆتونوميالى رايون، توتە قاراستى قالالار پارتيانىڭ 20 – قۇرىلتايىنىڭ رۋحىن مۇقيات ۇيرەنىپ، دايەكتىلەندىرىپ، قاشقىنداردى قۋعىنداۋ، قاراجاتتى قايتارىپ الۋ قىزمەتىندە جوعارى قىسىمدى كۇيدى ۇزدىكسىز ساقتاپ، شىرىكتەسۋدى شەكارا اتتاپ جونگە سالۋ قىزمەتىن ۇزدىكسىز ىشكەرىلەي ورىستەتىپ، ءتۇرلى قىزمەتتەردە تىڭ ىلگەرىلەۋشىلىكتەر مەن ناتيجەلەرگە قول جەتكىزدى.
ماجىلىستە ” الەمدىك تور جايۋ 2024“ ارەكەتىن باستاۋ، قاشقىنداردى قۋعىنداۋ، قىلمىس كۇماندىلارىنىڭ قاشىپ كەتۋىنەن ساقتانۋ، قاراجاتتى قايتارىپ الۋ مەحانيزمىن ءبىرتۇلعالاندىرىپ قۇرۋدى ىلگەرىلەتۋ ۇيعارىلدى. مۇندا، مەملەكەتتىك باقىلاۋ كوميتەتى قىزمەتتىك قىلمىسقا قاتىستى حالىقارالىق قاشقىنداردى قۋعىنداۋ، قاراجاتتى قايتارىپ الۋ ارناۋلى ارەكەتىن ورىستەتۋگە جەتەكشىلىك ەتەدى، قوعام حاۋىپسىزدىگى مينيسترلىگى ”تۇلكى اۋلاۋ“ ارناۋلى ارەكەتىن ورىستەتەدى، جۇڭگو حالىق بانكەسى قوعام حاۋىپسىزدىگى مينيسترلىگىمەن بىرگە جاعالاۋدان تىسقارى سەرىكتەستىكتەردەن جانە جاسىرىن بانكەلەردەن پايدالانىپ، زاڭسىز اقشانى شەكارا سىرتىنا جولداۋدان ساقتانۋ جانە وعان سوققى بەرۋ ارناۋلى ارەكەتىن ورىستەتەدى، ەڭ جوعارى حالىق سوتى مەكەمەسى ەڭ جوعارى حالىق پروكۋراتۋراسىمەن بىرگە قىلمىس كۇماندىلارىنىڭ، ايىپكەرلەردىڭ شەتەلگە تاسالانۋىنا، قازا بولۋىنا ساياتىن دەلولارداعى قاراجاتقا قاتىستى ارناۋلى ارەكەتتى ورىستەتەدى، ورتالىق كوميتەتتىڭ ۇيىمداستىرۋ ءبولىمى قوعام حاۋىپسىزدىگى مينيسترلىگى قاتارلىلارمەن بىرگە كۋالىكتەردى بەلگىلەمەگە قايشى ءبىتىرۋ جانە بەلگىلەمەگە قايشى بىتىرىلگەن كۋالىكتەردى يەلەنۋ ىستەرىن ارناۋلى جونگە سالۋ قاتارلى قىزمەتتەردى ورىستەتەدى.
ماجىلىستە مىنالار تالاپ ەتىلگەن: پارتيا 20 – قۇرىلتايىنىڭ رۋحىن جاپپاي دايەكتى تياناقتاندىرۋ، باس شۋجي شي جينپيڭنىڭ پارتيانىڭ وزىندىك توڭكەرىسى جونىندەگى ماڭىزدى يدەياسىن ىشكەرىلەي ۇيرەنۋ جانە دايەكتىلەندىرۋ، ورتالىق ءتارتىپ تەكسەرۋ كوميتەتىنىڭ ءۇشىنشى جالپى ماجىلىسىندەگى ورنالاستىرۋلاردى تياناقتاندىرۋ، ورنىقتىلىق بارىسىندا العا ىلگەرىلەۋگە، دۇرىس جولدان تايماي جاڭالىق جاراتۋعا تاباندى بولىپ، ستراتەگيالىق ۇستامدىلىقتى ساقتاپ، كۇرەس جاساۋعا باتىل بولۋ، شەبەر بولۋ، حالىقارا جانە ەل ىشىندەگى ەكى شايقاس الاڭىن ءبىرتۇتاس جوسپارلاپ، قاشقىنداردى قۋعىنداۋ، قاراجاتتى قايتارىپ الۋ جانە شىرىكتەسۋدى شەكارا اتتاپ جونگە سالۋ قىزمەتىن جان – جاقتى ىلگەرىلەتىپ، ”ءبىر بەلدەۋ، ءبىر جولدى“ كوركەيتۋ بارىسىندا پاكتىك قۇرىلىسىن كۇشەيتىپ، شىرىكتەسۋگە قارسى تۇرۋداعى جوعارى قىسىمدى كۇيدى كۇشەيتىپ، شىرىكتەسۋگە قارسى تۇرۋ كۇرەسىندەگى قامال الۋ شايقاسى سىندى ۇزاققا سوزىلاتىن شايقاستىڭ جەڭىسىنە قول جەتكىزۋگە پارمەندى تىرەك جانە بەرىك كەپىلدىك ازىرلەۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
