ەلىمىز تۇقىم شارۋاشىلىعىنا قاتىستى قىلمىس وتكىزگەندەردى قىلمىستىق ىستەر بويىنشا جازالاۋ تەبىنىن ارتتىرادى
2024.03.20 13:47 كەلۋ قاينارى : حالىق تورابى
3 – ايدىڭ 17 – كۇنى اشىلعان 2024 – جىلعى جۇڭگو تۇقىم شارۋاشىلىعى (حاينانداعى مەملەكەتتىك تۇقىم جەتىلدىرۋ بازاسى) ماجىلىسىندە ەڭ جوعارى حالىق سوتى مەكەمەسىنىڭ ورىنباسار باستىعى تاۋ كاييۋاننىڭ ايتۋىنشا، جۋىرداعى جىلداردان بەرى، ەلىمىز تۇقىم جەتىلدىرۋدە جاڭالىق اشۋدى ءادىليالىق جاقتان قورعاۋ، سونداي – اق، تۇقىم شارۋاشىلىعىنا قاتىستى قىلمىس وتكىزگەندەردى قىلمىستىق ىستەر بويىنشا جازالاۋ تەبىنىن ۇزدىكسىز ارتتىرعان. 2023 – جىلى بۇكىل ەلىمىزدەگى سوت مەكەمەلەرى وسىمدىكتەردىڭ جاڭا تۇقىمدارىنا قاتىستى جاڭادان قابىلداعان ءبىرىنشى رەت سوت اشىلعان دەلولاردىڭ سانى 619 دەلو بولىپ، 2022 – جىلداعىدان %40 كە جۋىق ارتقان.
تاۋ كاييۋاننىڭ تانىستىرۋىنشا، 2023 – جىلى ەڭ جوعارى حالىق سوتى مەكەمەسىنىڭ ءبىلىم مەنشىك ۇقىعى سوتى وسىمدىكتەردىڭ جاڭا تۇقىمدارىنا قاتىستى جاڭادان قابىلداعان دەلولاردىڭ سانى 180 دەلو بولىپ، 166 دەلونى قاراپ اياقتاتقان، سايكەس مەزگىلدەگىدەن جەكە – جەكە %16.1 جانە %100 ارتقان. مۇندا، دەلولاردىڭ %85 تەن استامى وسىمدىكتەردىڭ جاڭا تۇقىمدارىنا قاتىستى ءبىلىم مەنشىك ۇقىعى جاعىنداعى داۋ – شار بولىپ، تۇقىم ۇقىعىنا يە ادامنىڭ داۋ – شاردا جەڭۋ مولشەرى %90 كە جەتكەن.
تاۋ كاييۋان بىلاي دەدى: ”ءبىلىم مەنشىك ۇقىعىن قورعاۋ — تۇقىم شارۋاشىلىعىن كوركەيتۋ مەن گۇلدەندىرۋدىڭ ماڭىزدى كەپىلى“، وتكەن ءبىر جىلدا، ەلىمىزدەگى سوت مەكەمەلەرى تۇقىم شارۋاشىلعىنا قاتىستى دەلولاردى تەكسەرۋ جانە ۇكىم جاريالاۋ ونىمدىلىگىن ۇزدىكسىز جوعارىلاتىپ، تۇقىم شارۋاشىلىعىنا قاتىستى قىلمىس وتكىزگەندەردى قىلمىستىق ىستەر بويىنشا جازالاۋ تەبىنىن ارتتىرىپ، تۇقىم شارۋاشىلىعىن ءادىليالىق جاقتان قورعاۋ مەحانيزمىن ۇزدىكسىز جاقسارتىپ، ۇقىققا قول سۇققانداردىڭ بەرەتىن بوداۋىن جوعارىلاتىپ، ”تولەمى تومەن بولۋ“، ”ىسپات كورسەتۋ قيىن بولۋ“ قاتارلى ماسەلەلەردى قۇلشىنا شەشىم ەتتى. سونىمەن بىرگە، اۋىل شارۋاشىلىعى قۇرال – جابدىقتارى جاعىندا جالعان – جارامسىز تاۋارلارعا سوققى بەرۋگە ساياتىن تيپتىك دەلولاردى اشىق جاريالاۋ ارقىلى جالعان – جارامسىز تاۋارلاردىڭ بازاردى بىلىقتىرۋىن قاتاڭ جونگە سالدى. مۇنان سىرت، ەڭ جوعارى حالىق سوتى مەكەمەسى جەر – جەردەگى سوت مەكەمەلەرىنىڭ سول جەردىڭ تۇقىم شارۋاشىلىعى سالاسىنداعى ءبىلىم مەنشىك ۇقىعىنىڭ ەرەكشەلىگىمەن ۇشتاستىرا وتىرىپ، ارناۋلى سوت مەكەمەلەرى مەن كاسىپتىك سوت مەكەمەلەرىنىڭ ەرەكشە ابزالدىعىن ساۋلەلەندىرىپ، ءبىلىم مەنشىك ۇقىعىن ءادىليالىق جاقتان قورعاۋ جاعىنداعى ۇيلەسىمدى فورما جونىندە ىزدەنىس جاساۋىنا جەتەكشىلىك ەتتى.
2024 – جىلعى جۇڭگو تۇقىم شارۋاشىلىعى (حاينانداعى مەملەكەتتىك تۇقىم جەتىلدىرۋ بازاسى) ءماجىلىسىنىڭ العاشقى كۇنى ەڭ جوعارى حالىق سوتى مەكەمەسى تۇقىم شارۋاشىلىعى ءبىلىم مەنشىك ۇقىعىن ءادىليالىق جاقتان قورعاۋعا قاتىستى ءتورتىنشى توپتاعى تيپتىك دەلولاردى جاريالاپ، تيپتىك دەلولاردىڭ جەتەكشىلىك ەتۋ رولىن ساۋلەلەندىرىپ، تۇقىم شارۋاشىلىعى ءبىلىم مەنشىك ۇقىعىن قورعاۋدى كۇشەيتتى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
