حوتان ايماعى:
20 مىڭنان استام اۋىل شارۋاشىلىعى ماشينا ـ جابدىعى تەكسەرىلىپ بولدى
□ انار بۇلت \ شينجياڭ گازەتىنىڭ ٴتىلشىسى ٴپاريزات ابدۇل، ەرىكتى ٴتىلشى جاڭ ياحۇي
2024.03.21 16:30 كەلۋ قاينارى : شينجياڭ گازەتى
2 ـ ايدىڭ 28 ـ كۇنى لوپ اۋدانى سامپۇل قالاشىعىنداعى لوپ اۋدانى رۇنجياڭ اۋىل شارۋاشىلىعى ماشينالارى تيجاراتى شارۋالار كاسىپتىك سەلبەستىك كووپەراتيۆىندە اۋىل شارۋاشىلىعى ماشينالارى تەحنيكتەرى، ٴبىر جاعىنان، تراكتور سياقتى اۋىل شارۋاشىلىعى ماشينا ـ جابدىقتارىن سىناقتان وتكىزدى، ەندى ٴبىر جاعىنان، اۋىل شارۋاشىلىعى ماشينالارىن پايدالاناتىن وتباسى ابدۇشكۇر ناسىرعا اۋىل شارۋاشىلىق ماشينالارىن كۇندەلىكتى قورعاۋ، كۇتىمدەۋ تەحنيكاسى جانە حاۋىپسىز جۇمىس جۇرگىزۋ سياقتى بىلىمدەردى ٴتۇسىندىردى.
ابدۇشكۇر سامپۇل قالاشىعى سارىق قىستاعىنىڭ تۇرعىنى، 10 نەشە جىلدىڭ الدىندا تراكتوردىڭ شوفەرلىك كۋالىگىن العان، ٴبىراق سىرتتا ۇساق ـ تۇيەك جۇمىس ىستەپ ٴجۇرىپ كوپتەگەن جۇرگىزۋ ٴادىسىن ۇمىتىپ قالىپتى، بۇل رۇنجياڭ اۋىل شارۋاشىلىعى ماشينالارى تيجاراتى شارۋالار كاسىپتىك سەلبەستىك كووپەراتيۆىنە ەندى عانا كىرگەن ونى قاتتى الاڭداتتى. ”بۇگىن اۋدانداعى اۋىل شارۋاشىلىعى ماشينالارى ماماندارى بىزگە تراكتوردىڭ، ٴدارى سەبۋ ماشيناسىنىڭ، جەر جىرتۋ ماشيناسىنىڭ جۇمىس ٴادىسىن ۇيرەتتى، مەن ٴبىرتالاي ٴبىلىم ۇيرەندىم. وسى بىرنەشە كۇندە كوبىرەك جاتتىعىپ، كوكتەمگى ەگىس كەزىندە كوپشىلىككە اۋىل شارۋاشىلىعى ماشينالارىمەن ساپالى قىزمەت وتەيمىن“، ـ دەدى ابدۇشكۇر.
”اۋىل شارۋاشىلىعى ماشينا ـ جابدىقتارى ’سالامات‘ جۇمىسقا شىققاندا عانا، كوكتەمگى ەگىس ٴوندىرىسىنىڭ حاۋىپسىز، جوعارى ٴونىمدى بولۋىنا شىنايى كەپىلدىك ەتۋگە بولادى“. لوپ اۋداندىق اۋىل شارۋاشىلىعى، اۋىل ـ قىستاق مەكەمەسى اۋىل شارۋاشىلىعىن، اۋىل ـ قىستاقتى ماشينالاندىرۋدى دامىتۋ ورتالىعىنىڭ جاۋاپتىسى ەركىن زاكىر بىلاي دەپ تانىستىردى: حوتان ايماعىنىڭ ٴبىر تۇتاس ورنالاستىرۋى بويىنشا، لوپ اۋداندىق اۋىل شارۋاشىلىعى ماشينالارى تاراۋى ەرتە جوسپارلاپ، ەرتە ورنالاستىرىپ، ەرتە قيمىلداپ، اۋىل شارۋاشىلىعى ماشينالارى تەحنيكتەرىن اۋىل شارۋاشىلىعى ماشينالارى سەلبەستىك كووپەراتيۆتەرىنە، شارۋالاردىڭ ۇيىنە بارىپ ماشينا ـ جابدىقتارىن تەكسەرىپ رەمونتتاۋعا ۇيىمداستىردى، اۋىل شارۋاشىلىق ماتەريالدارى كاسىپورىندارىنىڭ تۇقىم، حيميالىق تىڭايتقىش سياقتى زاتتىق ماتەريالداردى زاپاس ساقتاۋدى ويداعىداي ىستەۋىن بەلسەنە سايكەستىردى، سونىمەن بىرگە زاڭنىڭ اتقارىلۋىن تەكسەرۋ سەرپىنىن ارتتىرىپ، كوكتەمگى ەگىس دايىندىعى قىزمەتىنىڭ تىڭعىلىقتى، ٴونىمدى ورىستەتىلۋىنە شىنايى كەپىلدىك ەتتى. بۇدان سىرت، اۋىل شارۋاشىلىعى ماشينا ـ جابدىقتارىن سول جەردىڭ وزىندە سىناقتان وتكىزىپ، ولشەمگە ۇيلەسەتىن اۋىل شارۋاشىلىعى ماشينا ـ جابدىقتارىنا تولىمدىلىق كۋالىگىن تاراتتى.
اۋا رايىنىڭ جىلىنۋىنا ىلەسە، حوتان ايماعى اۋىل شارۋاشىلىعى ٴوندىرىسىنىڭ ٴىس جۇزىندىگىن تياناق ەتىپ، ٴارقايسى اۋدان، قالالار نەشە اي بويى ”قىسقى ۇيقىدا“ تۇرعان اۋىل شارۋاشىلىعى ماشينا ـ جابدىقتارىن جالپى بەتتىك تەكسەرۋ ـ رەمونتتاۋ، كۇتىمدەۋ قىزمەتىن ەرتە باستان جۇرگىزىپ، كوكتەمگى ەگىستىڭ ”ىرىقتى شايقاسىن“ ويداعىداي جۇرگىزدى. قازىرگە دەيىن ايماق بويىنشا 21 مىڭ 800 اۋىل شارۋاشىلىق ماشينا ـ جابدىعى تەكسەرىلىپ جوندەلدى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
