قوعامنان زاڭعا قايشى ارەكەتتەرگە قاتىستى دەرەكتەردى جينايدى
2024.03.20 15:22 كەلۋ قاينارى : حالىق تورابى
ساتىپ العان گاز وشاقتىڭ ساپاسى تولىمدى ما؟ مەكتەپ اۋلاسىنداعى ازىق – تۇلىكتەردىڭ تازالىعى تولىمدى ما ...
ءتىلشىنىڭ 3 – ايدىڭ 19 – كۇنى شينجياڭ ۇيعۇر اۆتونوميالى رايوندىق بازاردى باقىلاۋ – باسقارۋ مەكەمەسىنەن ۇعىسۋىنشا، بيىل شينجياڭ ۇيعۇر اۆتونوميالى رايوندىق بازاردى باقىلاۋ – باسقارۋ مەكەمەسى حالىق تۇرمىسىنا قاتىستى سالالارداعى دەلولاردى تەكسەرىپ ءبىرجاقتى ەتۋ بارىسىندا ”اياۋسىز سوققى بەرۋ“ ارەكەتىن ورىستەتەدى، قازىر بەس ءتۇرلى سالادا زاڭعا قايشى ارەكەتتەرگە قاتىستى دەرەكتەردى قوعامداعىلاردان ءتۇيىندى تۇردە جيناۋدا.
وسى رەت دەرەكتەردى اشىق جيناۋ باستىسى ازىق – تۇلىك بۇيىمدارى، ماڭىزدى ونەركاسىپتىك بۇيىمدار جانە ەرەكشە تۇردەگى جابدىقتار سالاسىنداعى 12 ءتۇرلى زاڭعا قايشى ارەكەتكە سايادى. بىرىنشىدەن، تۇتىنۋشىلاردىڭ اماندىعىنا جانە مال – مۇلكىنىڭ حاۋىپسىزدىگىنە ساياتىن جاساۋ كاسىبىندەگى بۇيىمدار سالاسىندا: گاز وشاق قۇرال – جابدىقتارى، ەلەكترلى ۆەلوسيپەت، بالالار ويىنشىعى قاتارلى سالالاردا جالعان بۇيىمداردى شىن بۇيىم قاتارىندا ساتۋ، ساپاسىز بۇيىمدى ساپالى بۇيىم قاتارىندا ساتۋ، تولىمسىز بۇيىمدى تولىمدى بۇيىم قاتارىندا ساتۋ قاتارلى زاڭعا قايشى ارەكەتتەردى ءتۇيىندى تۇردە تەكسەرىپ انىقتايدى. ەكىنشىدەن، ازىق – تۇلىك حاۋىپسىزدىگى سالاسىندا: اۋىرعاندى باساتىن، ۇيقىنى تىنىشتاندىراتىن ت.ب. رولى بار دەپ ۇگىتتەلگەن ازىق – تۇلىكتەردى ءتۇيىندى تۇردە تەكسەرىپ، ءدارى – دارمەكتەردى جانە ودان تۋىنداعان زاتتاردى زاڭعا قايشى تۇردە قوسۋ قاتارلى زاڭسىز ارەكەتتەرگە قاتاڭ سوققى بەرىپ، مەكتەپ اۋلاسىنداعى ازىق – تۇلىكتەردىڭ حاۋىپسىزدىگىنە ساياتىن زاڭعا قايشى ارەكەتتەرگە قاتاڭ سوققى بەرەدى. ۇشىنشىدەن، ەرەكشە جابدىقتار سالاسىندا: شاعىن تيپتەگى قازاندى پەشتەردى زاڭسىز ءوندىرۋ جانە پايدالانۋ ارەكەتىنە نازاردى شوعىرلاندىرىپ، شاعىن تيپتى قازاندى پەشتەردى رۇقساتسىز جاساۋ، ”ولشەمىن جالعان بەلگىلەۋ“، تالاپقا ساي تىزىمدەتپەستەن پايدالانۋ جانە مەرزىم سايىن تەكسەرمەۋ قاتارلى زاڭعا قايشى ءوندىرۋ، پايدالانۋ ارەكەتىن ءتۇيىندى تۇردە تەكسەرەدى.
قوعامنىڭ ءار سالاسىنداعىلاردىڭ تۇتىنۋشىلاردىڭ شاعىمدانۋىنا جانە اشكەرەلەۋىنە ارنالعان 12315 توتە لەنياسى ارقىلى شاعىمدانۋىنا بولادى، اشكەرەلەۋشى دەرەكپەن قامداعان كەزدە زاڭعا قايشى ادامنىڭ نەگىزگى جاعدايى، زاڭعا قايشى كۇماندى ارەكەتى جانە قاتىستى ىسپاتتار قاتارلى مازمۇنداردى مۇمكىندىگىنشە تولىق بەرۋى قاجەت، وسىلاي بولعاندا تەكسەرىپ ءبىرجاقتى ەتۋگە قولايلى بولادى. بازاردى باقىلاۋ – باسقارۋ تاراۋلارى شىن اتى – ءجونى بويىنشا اشكەرەلەۋشىلەردىڭ ينفورماتسيالىق قۇپيالىعىن قاتاڭ ساقتاپ، دەرەكتەردى زاڭ – تۇزىمگە ساي تەكسەرىپ ءبىرجاقتى ەتەدى. بوتەن نيەتپەن اشكەرەلەگەن، ءىستى جالعاننان قۇراستىرىپ، باسقالاردى قارالاعانداردى، وزگەرلەرگە جالا جاپقانداردى زاڭ – تۇزىمگە ساي قاتىستى تاراۋلاردىڭ ءبىرجاقتى ەتۋىنە وتكىزىپ بەرەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
