سىرتقى ىستەر مينيسترلىگى: ا ق ش – تى ەكى ەل قارىم - قاتىناسىنىڭ حالىق تىلەگى ورتاسىن ۋلاندىرۋدى توقتاتۋعا قۋزايمىز

2024.03.21 16:22 كەلۋ قاينارى : حالىق تورابى

　　شينحۋا اگەنتتىگىنىڭ 3 – ايدىڭ 20 – كۇنى بەيجيڭنەن بەرگەن حابارى. سىرتقى ىستەر مينيسترلىگىنىڭ مالىمدەمەشىسى لين جيان 3 – ايدىڭ 21 - كۇنى بىلاي دەدى: جۇڭگو ا ق ش – تى ەكى ەل قارىم - قاتىناسىنىڭ حالىق تىلەگى ورتاسىن ۋلاندىرۋدى توقتاتۋعا، جۇڭگو ازاماتتارىن قيسىنسىز مازالاۋ، تەكسەرۋ، قايتارىپ جىبەرۋ سىندى قاتە ءادىستى تۇزەتۋگە قۋزايمىز.

　　سول كۇنى وتكىزىلگەن كەزەكتى تىلشىلەر جينالىسىندا ءبىر ءتىلشى بىلاي دەپ سۇرادى: تاياۋدا «ۆاشينگتون پوچتا گازەتىنىڭ» ارناۋلى تاقىرىپتىق حابارىندا ايتىلۋىنشا، ا ق ش شەكاراسىنا كىرگەندە ورىنسىز مازالاۋعا ۇشىراعان، تەكسەرۋ جۇرگىزۋگە الىنعان، قايتارىپ جىبەرىلگەن 6 جۇڭگولىق وقۋشى جانە عىلىمي جۇمىستارمەن بارعان 2 وقىمىستىمەن سۇقپاتتاسقان، مۇندا ءبىر ءبولىم ادامداردىڭ قاقپايلاۋعا ۇشىراعان كەشىرمەلەرىن ەگجەي - تەگجەيلى بايانداعان، بۇل ا ق ش – تىڭ ەل ىشىندە جۇرت نازارىن اۋداردى. جۇڭگو جاق بۇعان قانداي باعا بەرەدى؟

　　لين جيان بىلاي دەدى: جۇڭگو جاق ا ق ش - تىڭ جۇڭگو ازاماتتارىنىڭ قيسىنسىز مازاسىن الۋ، تەكسەرۋ، قايتارىپ جىبەرۋى جونىندە تالاي رەت قاتاڭ تۇرعىسىن ءبىلدىردى. ا ق ش جۇڭگونىڭ شەتەلدە وقىپ جاتقان وقۋشىلارىنا كوپ رەت كەمسىتۋ، ساياسيلاندىرۋ، تاڭداۋ سيپاتتى زاڭ شاراسىن قولدانىپ، ىسكە قاتىستى ادامنىڭ ورىندى زاڭدى ۇقىق - مۇددەسىنە اۋىر سۇعاناقتىق جاساپ، ەكى ەل ادامدارىنىڭ قالىپتى بارىس - كەلىسىنە اۋىر كەدەرگى كەلتىردى، ا ق ش -تىڭ ەكى ەلدىڭ گۋمانيتارلىق اۋىس – كۇيىسىنە قولايلىلىق جاسايمىز جانە قولداۋ كورسەتەمىز دەگەنىنىڭ كەرىسىنشە بولىپ، ەكى ەل حالقىنىڭ دوستىق اۋىس - كۇيىس جاساۋ ورتاق تىلەگىنە قايشى كەلدى.

　　لين جيان بىلاي دەدى: جۇڭگو ا ق ش ـ تى ەكى ەلدىڭ ءار سالاسىنىڭ ۇنىنە مۇقيات قۇلاق اسىپ، ەكى ەل قارىم - قاتىناسىنىڭ حالىق تىلەگى ورتاسىن ۋلاندىرۋدى توقتاتىپ، جۇڭگو ازاماتتارىن قيسىنسىز مازالاۋ، تەكسەرۋ، قايتارىپ جىبەرۋ سىندى قاتە ارەكەتتەردى تۇزەتىپ، قاتىستى دەلولاردى تۇبەگەيلى تەكسەرۋگە قۋزايمىز. جۇڭگو جاق ۇزدىكسىز باتىل شارا قولدانىپ، جۇڭگو ازاماتتارىنىڭ ورىندى زاڭدى ۇقىق - مۇددەسىن قورعايدى.

　　كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved