ەل ٴىشى ساياحاتىنداعى جەتەكشى كاسىپورىندار ىركەس ـ تىركەس شينجياڭعا كەلىپ كەلىسىمگە قول قويىستى
2024.03.21 16:29 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ٴتىلشىسى رىن جياڭ 3 ـ ايدىڭ 19 ـ كۇنى ۇرىمجىدەن حابارلايدى. 3 ـ ايدىڭ 18 ـ كۇنى شينجياڭ مادەنيەت ـ ساياحات دامىتۋ شەكتى جارنا سەرىكتەستىگى (تومەندە قىسقارتىلىپ ”شينجياڭ ساياحاتتى دامىتۋ سەرىكتەستىگى“ دەلىنەدى) 2024 ـ جىلعى ساۋدا جينالىسىن وتكىزىپ، شينجياڭنىڭ ٴىشى ـ سىرتىنداعى 100دەن استام سەلبەستىك سەرىگىن جينالىسقا قاتىناسۋعا ۇسىنىس ەتىپ، ساياحات بايلىعىن، ساياحات ونىمدەرىن تانىستىرىپ، سەلبەستىك ىستەرىن بىرگە اقىلداستى، سونىمەن بىرگە كاسىپتىك سەلبەستىك، ساۋدا سەلبەستىگى، ساياحاتشىلاردى شينجياڭعا اكەلۋ سياقتى جاقتاردا كەلىسىمگە قول قويىستى، ەل ٴىشى ساياحاتىنداعى كوپتەگەن جەتەكشى كاسىپورىننىڭ كاسىپتىك ۇيىمدارى قول قويىسقاندار قاتارىنان كورىندى.
شينجياڭ ساياحاتتى دامىتۋ سەرىكتەستىگى _ شينجياڭ مادەنيەت ـ ساياحات قارجى قوسۋ توبى شەكتى سەرىكتەستىگىنىڭ جارناسى تىزگىندەلەتىن بولىمشە سەرىكتەستىگى، نەگىزىنەن كورىنىس ٴوڭىرى كاسىبىنە قارجى قوسۋ، جۇمىس جۇرگىزۋ، باسقارۋ، قۇرۋ سياقتىلارمەن اينالىسادى، كاسىپ كۇيى ساياحات كاسىبىنىڭ ”اس ـ سۋ، جاتىن ورىن، ٴجۇرىس ـ تۇرىس، ساياحاتتاۋ، زات ساتىپ الۋ، كوڭىل اشۋ“ جالپى فاكتورىن قامتيدى، قاناس، نارات، بويلىق سىندى مەملەكەتتىك 5A دارەجەلى 3 كورىنىس وڭىرىندە، كارىز قۇدىعى حالىقتىق سالت ـ سانا باقشاسىندا، قۇمتاع قۇمدى شولىندەگى مەملەكەتتىك 4A دارەجەلى 2 كورىنىس ٴوڭىرىنىڭ بارىندە وزەكتى كاسىپ كۇيى ورنالاسىمى بار، سونداي ـ اق تولىق تولىمدىلىعى بار حالىقارالىق ساياحات سەرىكتەستىگى _ داشيبۋ حالىقارالىق ساياحات سەرىكتەستىگىن قامتىعان.
شينجياڭ ساياحاتتى دامىتۋ سەرىكتەستىگىنىڭ باسالقاسى ما يۇي بىلاي دەپ تانىستىردى: بيىل سەرىكتەستىك ايگىلى ماركا قۇرىلىسىن، جۇلدىز دارەجەلى قوناق ٴۇي سەلبەستىگىن، مادەنيەت جاسامپازدىعى ونىمدەرىن جاراتۋدى ٴتۇيىندى تۇردە مىقتى يگەرىپ، سيفرلاندىرا قۋات ۇستەۋ اياق الىسىن ىلگەرىلەتىپ، ينتەرنەت جەلىسىندەگى ساتۋ ارناسىن كەڭەيتىپ، بازار ساۋدا ۇلگىسىنىڭ دارەجەسىن جوعارىلاتىپ، جاڭا ساپالى وندىرگىش كۇشتەردى جەدەل جەتىلدىرەدى. سونىمەن بىرگە مادەنيەت ويىن نومىرلەرىن قويۋ، ەرەكشەلىككە يە ساياحاتتاي ٴجۇرىپ سۋرەتكە ٴتۇسۋ، ساۋدالىق ىسكە قوسۋ، باسقارۋ، نىسانعا قارجى قوسۋ سياقتى جاقتاردا ەل ىشىندەگى جەتەكشى كاسىپتىك ۇيىمدارمەن سەلبەستىكتى كۇشەيتىپ، سەرىكتەستىك ونىمدەرىنىڭ كاسىپ كۇيىن بايىتىپ، وزەكتى باسەكەلىك قۋاتىن جوعارىلاتادى.
ساۋدا جينالىسىندا بەيجيڭ يۋانلۇڭ ياتۋ مادەنيەت تاراتۋ شەكتى جارنا سەرىكتەستىگى، يۇيشاڭ حىمەي مادەنيەتتى دامىتۋ شەكتى سەرىكتەستىگى، بوجۋە ـ يوۋ (شيامىن) مادەنيەت شەكتى سەرىكتەستىگى سياقتى ەل ٴىشى ساياحاتىنداعى كوپتەگەن جەتەكشى كاسىپورىن ىركەس ـ تىركەس بوي كورسەتتى ٴارى كەلىسىمگە قول قويىستى. ”بيىل ٴبىز شينجياڭ ساياحاتتى دامىتۋ سەرىكتەستىگىمەن تىعىز سەلبەسىپ، ۇلكەن IP مادەنيەت جاسامپازدىعى جانە جاڭا مەديا شارۋاشىلىق ـ ساۋداسى ارقىلى شينجياڭنىڭ قالا مادەنيەت، ساياحات كاسىبىنىڭ دامۋىنا دەم بەرەمىز“، ـ دەدى يۋانلۇڭ ياتۋ سەرىكتەستىگىنىڭ جاڭا مەديا جۇرگىزۋ باس جوراسى لين چيڭلين، ـ ەكى جاق مادەنيەت كورىنىس تۇيىندەرىنىڭ توڭىرەگىندەگى تۋىندى ونىمدەردى بىرلەسىپ جوبالاۋدى، سونداي ـ اق شينجياڭنىڭ مادەنيەت ونىمدەرىن ىشكەرىلەي كادەگە جاراتىپ، سىرت جەرلەردەگى اناعۇرلىم كوپ تۇتىنۋشىنى باۋراۋدى جوسپارلاپ وتىر. سونىمەن بىرگە قولامتالى ىستەر جانە ونىمدەردى ساتۋ ارقىلى ٴتىپتى دە كوپ ساياحاتشىنى شينجياڭعا كەلۋگە باۋرايدى.
شينجياڭ مادەنيەت ـ ساياحات قارجى قوسۋ توبى شەكتى سەرىكتەستىگى پارتكومىنىڭ شۋجيى، باسالقا ۋاڭ حۇڭجياڭ بىلاي دەپ تانىستىردى: بيىل شينجياڭ مادەنيەت ـ ساياحات قارجى قوسۋ توبى ٴبىر توپ ناقتى، اسەرلى، ٴونىمدى كورنەكى جەتىستىكتەر قالىپتاستىرۋدى ارقاۋ ەتىپ، ”ساياحات كاسىبىنىڭ كۇيىن جوعارىلاتۋ جوسپارىن“ اتقارىپ، قازىرگى كورىنىس وڭىرلەرىنىڭ، كورىنىس تۇيىندەرىنىڭ تۇتىنۋ كۇيى، تۇتىنۋ ورتاسى مازمۇندارىن بايىتىپ، ”كورىنىس وڭىرلەرىن، كورىنىس تۇيىندەرىن ەسەلەپ ارتتىرۋ جوسپارىن“ اتقارىپ، شەشۋشى بۋىنداردا ٴبىر توپ تىك ۇشاق، جەكە جۇرگىزەتىن كولىك، جەكە كولىكپەن ساياحاتتاۋ لاگەرى سياقتى شەشۋشى قۇرىلعىلاردى ورنالاستىرىپ، ساياحات ونىمدەرىمەن قامداۋ جۇيەسىن كەمەلدەندىرەدى. سونىمەن بىرگە مادەنيەت پەن ساياحاتتى توعىستىرۋدى جەدەل ىلگەرىلەتىپ، شينجياڭنىڭ ٴىشى ـ سىرتىنداعى كاسىپتىك قۇرىلىمدارمەن، تيجارات تۇلعالارىمەن سەلبەستىكتى ىرىقتىلىقپەن كۇشەيتىپ، ٴبىر توپ ”مادەنيەت “+، ”دەنە تاربيە “+، ”ساياحات “+ كوپ كاسىپ كۇيلەرىن توعىستىرۋ نىساندارى مەن ونىمدەرىن بىرلەسىپ شىعارىپ، قۇمدى ٴشول شاتتىق مەرەكەسى، نەگىزگى تاقىرىپتىق مۋزيكا ساۋىعى سياقتى كەلەلى قيمىلداردى ۇيىمداستىرىپ وتكىزەدى. جانبۇلاق، نارات، بويلىق، قۇمتاع قۇمدى ٴشولى سياقتى كورىنىس وڭىرلەرىن ٴتۇيىن ەتىپ، ەلىتە سەزىنۋ فورماسىنداعى ويىن ـ ساۋىق، ەرەكشەلىككە يە ساياحاتتاي ٴجۇرىپ سۋرەتكە ٴتۇسىرۋ، مەتاعالام ويىنىن قويۋ سياقتى مادەنيەت پەن ساياحاتتى توعىستىرعان جاڭا كاسىپ كۇيىن، جاڭا ٴونىمدى، جاڭا ۇلگىنى كۇش سالا دامىتادى.
2023 ـ جىلى شينجياڭ مادەنيەت ـ ساياحات قارجى قوسۋ سەرىكتەستىگىنىڭ مۇلىك كولەمى 22 ميلليارد يۋانعا، ناق مال ـ مۇلكى 11 ميلليارد 200 ميلليون يۋانعا جەتىپ، سايكەس مەزگىلدەگىدەن جەكە ـ جەكە %،145 %180 ارتتى. مايديان زەرتتەۋ ورنى جاريالاعان مەملەكەتتىك مادەنيەت ـ ساياحات توبىنىڭ ايگىلى ماركا تاراتۋ قۋاتى رەت تارتىبىندە كورسەتىلۋىنشە، شينجياڭ مادەنيەت ـ ساياحات قارجى قوسۋ سەرىكتەستىگى تۇڭعىش رەت مەملەكەت بويىنشا 100 ەگەيدىڭ قاتارىنان ورىن العان.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
