شينجياڭنىڭ جەر بەتى سۋىنىڭ ساپاسى مەملەكەتتىك باعالاۋدا جوعارى ساپالى بولدى
2024.03.21 16:25 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ٴتىلشىسى لي شيڭ 3 ـ ايدىڭ 19 ـ كۇنى ۇرىمجىدەن حابارلايدى. اۆتونوميالى رايوندىق ەكولوگيالىق ورتا مەڭگەرمەسىنەن ۇعىسۋىمىزشا، 2023 ـ جىلى شينجياڭنىڭ جەر بەتى سۋىنىڭ ساپاسى جالپى جاقتان ورنىقتى بولعان، مەملەكەتتىڭ باعالاۋ كولەمىنە ەنگىزىلگەن جەر بەتى سۋىنىڭ قيما بەت سۋ ساپاسىنىڭ جوعارى ساپالى بولۋ سالىستىرماسى %95.9 بولىپ، مەملەكەتتىڭ سۋ ساپاسى نىسانا ـ مىندەتى تولىق ورىندالىپ، سۋ ورتاسىنىڭ ساپاسى جالپى جاقتان جوعارى ساپالى بولعان.
2023 ـ جىلى شينجياڭ ٴتۇيىندى الاپتاردىڭ ەكولوگيالىق ورتاسىن قورعاۋدى بەلسەنە ىلگەرىلەتىپ، وزەن ـ كولدەردىڭ ەكولوگيالىق سۋدان پايدالانۋىن قامتاماسىز ەتۋدى كۇشەيتىپ، وزەن ـ كولدەردىڭ ەكولوگيالىق سۋ مولشەرىن (اعىن مولشەرى) قامتاماسىز ەتۋ مەحانيزمىن اقاۋسىزداندىرىپ، 15 ٴتۇيىندى وزەن مەن 5 ٴتۇيىندى كولدىڭ ەكولوگيالىق سۋ مولشەرىن (اعىن مولشەرى، سۋ دەڭگەيى) تۇراقتاندىردى. بۇكىل رايوندا 42 سۋ ساپاسىن اۆتوماتتى باقىلاۋ ـ ولشەۋ پۋنكتىن قۇرىپ، مەملەكەتتىڭ تىزىمدىگىندەگى 21 وزەننىڭ، 6 كولدىڭ وزەنگە (كولگە) قۇيار جەرىندەگى لاس زاتتاردى شىعارۋ اۋىزدارىن ٴبىر ـ بىردەن تەكسەرىپ، 9362.62 كيلومەتر وزەن جاعالاۋىن، 1210.841 كيلومەتر كول جاعالاۋىن ٴبىر ـ بىردەن تەكسەرىپ، وزەنگە (كولگە ) قۇيار جەردەگى 30 لاس زاتتاردى شىعارۋ اۋزىن اداقتاپ تەكسەرىپ، ٴۇرتىس جان ـ جاقتى جونگە سالىپ، بۇكىل رايوننىڭ سۋ ورتاسىنىڭ ساپاسىن ۇزدىكسىز جاقسارتتى.
مەملەكەت بويىنشا 300 دەن استام قالا قاتىناسقان مەملەكەتتىڭ جەر بەتى سۋىن باعالاۋ بويىنشا جۇرگىزگەن قيما بەت سۋ ورتاسىنىڭ ساپا جاعدايىن قاتارعا تۇرعىزۋدا شينجياڭدا 4 وبلىس (قالا) بۇكىل ەل بويىنشا الدىڭعى 30 ورىنعا كىردى، قىزىلسۋ قىرعىز اۆتونوميالى وبلىسى 6 ـ ورىندا، تۇرپان قالاسى 7 ـ ورىندا، سانجى حۇيزۋ اۆتونوميالى وبلىسى 12 ـ ورىندا، ٴۇرىمجى قالاسى 29 ـ ورىندا تۇردى.
بيىل ەكولوگيالىق ورتا مينيسترلىگى 2573 سۋ الابىن كورىكتى وزەن ـ كول قۇرىلىسىنا ەنگىزۋدى بەلگىلەدى، شينجياڭدا (ٴوندىرىس ـ قۇرىلىس بيڭتۋانىن قامتيدى) جيىنى 52 وزەن، 7 كول بەلگىلەنگەن كورىكتى وزەن ـ كول قۇرىلىسى تىزىمدىگىنە ەنگىزىلدى.
كورىكتى وزەن ـ كول قۇرىلىسىندا ”كوركەمدىكتىڭ“ وزەكتى بەتالىسى كورنەكتىلەنۋى، ”وزەنى مەن سۋى بار، بالىعى مەن ٴشوبى بار، ادام مەن سۋ جاراسىمدى قاتار ٴومىر سۇرگەن“، ت. ب نەگىزگى شارتتاردى ازىرلەۋى كەرەك دەلىنىپ، ەكولوگيالىق سۋدان پايدالانۋدى قامتاماسىز ەتۋ، سۋدا وسەتىن وسىمدىكتەردى قورعاۋ سياقتى 6 ٴتۇرلى پايدالانۋ كورسەتكىشى ايقىندالدى. رايونىمىز تالاپ بويىنشا كورىكتى وزەن ـ كولدەردى قورعاۋدى جانە قۇرۋدى ساتى بويىنشا، كەزەڭگە ٴبولىپ ىلگەرىلەتۋدە. 2023 ـ جىلى سايرام كولى مەملەكەت بويىنشا 2 ـ توپتاعى كورىكتى وزەن ـ كولدەردىڭ تاڭداۋلى مىسالدارىنا ٴساتتى ٴوتىنىش ەتىلدى، بۇل شينجياڭنىڭ وزەن ـ كولدەرىنىڭ تۇڭعىش رەت تاڭدالۋى. قازىر اۆتونوميالى رايوندىق ەكولوگيالىق ورتا مەڭگەرمەسى ٴارقايسى ايماق، وبلىس، قالالاردى 3 ـ توپتاعى كورىكتى وزەن ـ كولدەردىڭ تاڭداۋلى مىسالدارىنا بەلسەنە ٴوتىنىش ەتۋگە ۇيىمداستىرۋدا.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
