شينجياڭ ەلەكتر تورىنىڭ جاڭا ەنەرگيامەن ەلەكتر تاراتۋ قۋاتى تۇڭعىش رەت تۇتاس تور بويىنشا تاراتىلعان ەلەكتر ەنەرگياسىنىڭ %50ىنەن استى
2024.03.21 16:27 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ٴتىلشىسى چىن چياڭۋي 3 ـ ايدىڭ 19 ـ كۇنى ۇرىمجىدەن حابارلايدى. مەملەكەتتىك ەلەكتر تورى شينجياڭ ەلەكتر قۋاتى شەكتى سەرىكتەستىگىنەن ۇعىسۋىمىزشا، 3 ـ ايدىڭ 15 ـ كۇنى ساعات 14تەن 25 مينۋت وتكەندە، شينجياڭ جاڭا ەنەرگيامەن ەلەكتر تاراتۋداعى ەڭ جوعارى ەلەكتر قۋاتى 28 ميلليون 991 مىڭ كيلوۆات بولىپ، تاريحتاعى تىڭ دەڭگەيگە جەتكەن. سول كەزدە تۇتاس تور بويىنشا ەلەكتر تاراتۋ قۋاتى 57 ميلليون 10 مىڭ كيلوۆات بولىپ، جاڭا ەنەرگيامەن ەلەكتر تاراتۋ قۋاتى تۇڭعىش رەت تۇتاس تور بويىنشا تاراتىلعان ەلەكتر ەنەرگياسىنىڭ %50.85ىن ۇستاعان.
شينجياڭ ەلىمىزدىڭ ماڭىزدى ەنەرگيا ٴوندىرىس بازاسى رەتىندە، جەل ەنەرگيا بايلىعىنىڭ ساقتالۋ مولشەرى، كۇن ەنەرگياسىنىڭ جىلدىق رادياتسيا جالپى مولشەرى مەملەكەت بويىنشا الدىڭعى قاتاردا تۇرادى. ەلەكتر تورىنىڭ پارمەندى تىرەك بولۋىندا، شينجياڭنىڭ جاڭا ەنەرگيا اشۋ كولەمى ۇزدىكسىز كەڭەيىپ، جاڭا ەنەرگيانىڭ دامۋ تەبىنى كۇشەيىپ، گەنەراتور اگراگاتتارىنىڭ كولەمى تەز قارقىنمەن ارتتى. 3 ـ ايدىڭ 15 ـ كۇنىنە دەيىن، شينجياڭ ەلەكتر تورىنىڭ جاڭا ەنەرگيا گەنەراتور اگراگاتتارىنىڭ سيىمدىلىعى 66 ميلليون 57 مىڭ كيلوۆاتقا جەتتى، مۇنىڭ ىشىندە جەل ەلەكتر گەنەراتور اگراگاتتارىنىڭ سيىمدىلىعى 34 ميلليون 532 مىڭ كيلوۆات، فوتوۆولتتىق گەنەراتور اگراگاتتارى 31 ميلليون 525 مىڭ كيلوۆات بولدى.
بۇل رەتكى جاڭا ەنەرگيامەن ەلەكتر تاراتۋ قۋاتى الدىڭعى رەتكى 3 ـ ايدىڭ 4 ـ كۇنگى ەلەكتر تاراتۋداعى ەڭ جوعارى ەلەكتر قۋاتىمەن سالىستىرعاندا، ٴبىر ميلليون 549 مىڭ كيلوۆات ارتتى. بيىل جىل باسىنان بەرى، شينجياڭنىڭ جاڭا ەنەرگيامەن ەلەكتر تاراتۋداعى ەڭ جوعارى ەلەكتر قۋاتى تالاي رەت تىڭ ورەگە جەتىپ، شينجياڭنىڭ جاڭا ەنەرگيانى جەلىگە قوسىپ قابىلداۋ دەڭگەيىنىڭ ۇزدىكسىز ورنىقتى جوعارىلاعاندىعىن كورسەتتى.
جاڭا ەنەرگيانى جەلىگە قوسۋعا قىزمەت وتەۋدى بەلسەنە جاقسى ىستەۋ ٴۇشىن، مەملەكەتتىك ەلەكتر تورى شينجياڭ ەلەكتر قۋاتى شەكتى سەرىكتەستىگى جاڭا ەنەرگيانى جەلىگە قوسۋ جالپى بارىسىن باسقارۋ ـ مەڭگەرۋ تۇعىرىن قولدانۋدى تەرەڭدەتىپ، قۇرىلىس اياق الىسىن دالمە ـ ٴدال يگەرىپ، جەلىگە قوسۋ جانە سىم جالعاۋ جوسپارىن الدىن الا جوبالاپ، سيفرلاندىرۋ ٴتاسىلى ارقىلى جاڭا ەنەرگيا مەن ەنەرگيا ساقتاۋدى جەلىگە قوسۋعا قىزمەت وتەۋ ساپاسى مەن ونىمدىلىگىن جوعارىلاتتى. جاڭا ەنەرگيا جانە ەنەرگيا ساقتاۋ، جيۋ، وت ەلەكتر، سۋ ەلەكتر سياقتى ”جاڭا ەنەرگيا “+ تەحنيكاسىنان پايدالانۋدى اناعۇرلىم ىلگەرىلەتۋ ارقىلى جەرگىلىكتى ورىن مەن سىرتقا جەتكىزىلگەن جاڭا ەنەرگيانى قابىلداۋدىڭ سايكەسۋىن ساپالىلاندىرۋدى جەبەپ، كورسەتكىشتى قاداعالاۋ جانە سوڭىنان باعالاۋ جۇيەسىن ورناتىپ، ەلەكتر تورىنىڭ بايلىقتى رەتتەۋىن ٴبىر تۇتاس جوسپارلاپ، ەلەكتر تورىنىڭ يكەمدى مەڭگەرۋ قابىلەتىن جوعارىلاتىپ، جاڭا ەنەرگيادان ۇتىمدى پايدالانۋدى جەبەدى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
