شيزاڭ اۆتونوميالى رايوندىق حالىق قۇرىلتايى تۇراقتى كوميتەتى پارتگرۋپپاسىنىڭ بۇرىنعى مۇشەسى، ورىنباسار مەڭگەرۋشىسى جي گوگاڭنىڭ پارا الۋ، مەملەكەت مەنشىگىندەگى سەرىكتەستىك قىزمەتكەرىنىڭ ۇقىعىنان الباتى پايدالانۋ دەلوسى جونىندە ءبىرىنشى سوت اشىلدى
2024.03.22 16:37 كەلۋ قاينارى : حالىق تورابى
2024 – جىلى 3 – ايدىڭ 21 - كۇنى سىچۋان ولكەسى چىڭدۋ قالالىق ورتا دارەجەلى حالىق سوت مەكەمەسى ءبىرىنشى سوتتا اشىق سوت اشىپ، شيزاڭ اۆتونوميالى رايوندىق حالىق قۇرىلتايى تۇراقتى كوميتەتى پارتگرۋپپاسىنىڭ بۇرىنعى مۇشەسى، ورىنباسار مەڭگەرۋشىسى جي گوگاڭنىڭ پارا الۋ، مەملەكەت مەنشىگىندەگى سەرىكتەستىك قىزمەتكەرىنىڭ قىزمەت ۇقىعىنان بەتالدى پايدالانۋ دەلوسىنا اشىق سوت اشتى.
سىچۋان ولكەسى چىڭدۋ قالالىق حالىق پروكۋراتۋراسى ارىز - شاعىم بەرىپ بىلاي دەپ ايىپتادى: 2002 - جىلدان 2022 - جىلعا دەيىن ايىپكەر جي گوگاڭ بۇرىنعى مەملەكەتتىك دامۋ - جوسپارلاۋ كوميتەتى قارجى قوسۋ مەڭگەرمەسىنىڭ كومەكشى شارلاۋشىسى، مەملەكەتتىك دامۋ جانە رەفورما كوميتەتى تۇراقتى مۇلىككە قارجى قوسۋ مەڭگەرمەسىنىڭ كومەكشى شارلاۋشىسى، ورىنباسار باستىعى، شيزاڭ اۆتونوميالى رايوندىق حالىق ۇكىمەتى پارتگرۋپپاسىنىڭ مۇشەسى، شيزاڭ اۆتونوميالى رايوندىق دامۋ جانە رەفورما كوميتەتى پارتگرۋپپاسىنىڭ شۋجيى، مەڭگەرۋشىسى، شيزاڭ اشۋ قارجى قوسۋ توبى شەكتى سەرىكتەستىگىنىڭ باس جوراسى، شيزاڭ اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى قاتارلى مىندەتتەردى وتەگەن كەزىندە قىزمەت قولايلىلىعىنان نەمەسە قىزمەت ۇقىعى، ورنى قالىپتاستىرعان قولايلى شارت - جاعدايدان پايدالانىپ، باسقا دا مەملەكەت قىزمەتكەرلەرىنىڭ مىندەت جاعىنداعى ارەكەتى ارقىلى قۇرىلىستى كوتەرمەگە الۋ، نىساندى تەكسەرىپ بەكىتۋ، جارنا ۇقىعىن وتكەرمەلەۋ سياقتى جاقتاردا قاتىستى ورىندار مەن جەكەلەرگە پايدا جەتكىزىپ، تىكەلەي نەمەسە تۋىستارى ارقىلى زاڭسىز قابىلداعان مال - مۇلكى جيىنى 43 ميلليون 980 مىڭ يۋاننان اسقان. 2016 ـ جىلدان 2021 ـ جىلعا دەيىن جي گوگاڭ شيزاڭ اشۋ قارجى قوسۋ توبى شەكتى سەرىكتەستىگىنىڭ باس جوراسى، زاڭدىق ۋاكىلى بولعان كەزدە، مەملەكەت مەنشىگىندەگى سەرىكتەستىكتىڭ قىزمەتكەرى رەتىندە كوڭىلگە قاراپ جولدان تايىپ، قىزمەت ۇقىعىنان بەتالدى پايدالانىپ، مەملەكەت مۇددەسىن ەرەكشە اۋىر زيانعا ۇشىراتقان. پروكۋراتۋرا ورگانى پارا الۋ قىلمىسى، مەملەكەت مەنشىگىندەگى سەرىكتەستىك قىزمەتكەرىنىڭ ۇقىعىنان الباتى پايدالانۋ قىلمىسى بويىنشا جي گوگاڭنىڭ قىلمىستىق ىستەر جاۋاپكەرشىلىگىن قۋزاستىرۋدى ۇسىنىس ەتتى.
سوت اشىلعان كەزىندە، پروكۋراتۋرا ورگاندارى قاتىستى دالەل - ىسپاتتاردى كورسەتتى، ايىپكەر جي گوگاڭ مەن ونىڭ اقتاۋشىسى فاكت كورسەتتى، شاعىم ايتۋشى مەن اقتاۋشى ەكى جاق سوتتىڭ باسقارۋىندا تولىق پىكىر ايتتى، جي گوگاڭ ەڭ سوڭعى ءسوزىن سويلەدى ءارى سوت ۇستىندە قىلمىسىن تانىپ، رايىنان قايتقاندىعىن ءبىلدىردى. ەڭ سوڭىندا سوت ءۇزىلىس جاساعاندىعىن، سوت ۇكىمىن ارتىنان جاريالايتىندىعىن ايتتى. مەملەكەتتىك حالىق قۇرىلتايىنىڭ ۋاكىلدەرىنەن، ساياسي كەڭەس مۇشەلەرىنەن جانە ءار سالا بۇقاراسىنان 40 نەشە ادام سوت تەرگەۋىن سىرتتاي تىڭدادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
