31 سەلتسي گرادۋسقا شىعادى! شينجياڭدا كۇن جىلىنادى
2024.03.25 14:38 كەلۋ قاينارى : حالىق تورابى
كوزدى اشىپ – جۇمعانشا ناۋرىز ايىنىڭ سوڭى بولىپ، كوكتەم لەبى ەستى، شينجياڭنىڭ كوپ جەرىندە جاۋىن – شاشىن سايابىرلاپ، كۇن جىلىنا باستادى.
3 – ايدىڭ 26 – كۇنىنەن 28 – كۇنىنە دەيىن بۇكىل شينجياڭدا كۇن جىلىنادى، مۇندا سولتۇستىك شينجياڭنىڭ ەڭ جوعارى تەمپەراتۋراسى 10 دا 15 سەلتسي گرادۋسقا شىعادى، وڭتۇستىك شينجياڭدا ەڭ جوعارى تەمپەراتۋرا 15 تە 20 سەلتسي گرادۋسقا شىعادى. ۇستەگى اپتادان سوڭ شينجياڭنىڭ كوپ جەرىنىڭ ەڭ جوعارى تەمپەراتۋراسى 20 سەلتسي گرادۋستان اسادى، 3 – ايدىڭ 30 – كۇنى تۇرپاندا ەڭ جوعارى تەمپەراتۋرا 31 سەلتسي گرادۋسقا شىعادى.
3 – ايدىڭ 25 – كۇنى تۇننەن 26 – كۇنى كۇندىزگە دەيىن التاي ايماعىنىڭ سولتۇستىك بولەگىندەگى، شىعىس بولەگىندەگى تاۋلى رايونداردىڭ، تيانشان تاۋلى رايوندارىنىڭ، كۇنلۇن تاۋىنىڭ سولتۇستىك بەتكەيىندەگى، قۇمىل قالاسىنىڭ سولتۇستىگىندەگى تاۋلى رايونداردىڭ ءبىر ءبولىم وڭىرلەرىندە سەبەزگى جاڭبىر نەمەسە جاڭبىر ارالاس قار جاۋىپ، سوڭى قارعا اينالادى، تاۋلى وڭىرلەردىڭ ءىشىنارا جەرلەرىندە ورتاشا قار جاۋادى؛ جوعارىدا ايتىلعان ءىشىنارا وڭىرلەردە باتىس سولتۇستىكتەن 5 بال اينالاسىندا جەل سوعادى، جەل وتتەرىنىڭ جەل كۇشى 9 دا 10 بالعا جەتەدى. بۇكىل شينجياڭنىڭ باسقا رايوندارىندا كۇن نەگىزىنەن اشىق نەمەسە بۇلتتى بولادى، جەل كۇشى زور بولمايدى.
3 – ايدىڭ 26 – كۇنى تۇننەن 27 – كۇنى كۇندىزگە دەيىن، تارباعاتاي ايماعىنىڭ سولتۇستىك بولەگى، التاي ايماعىنىڭ باتىس بولەگى، ءۇرىمجى قالاسىنىڭ وڭتۇستىك قالا ماڭى مەن دابانچىڭ ءوڭىرى، سانجى حۇيزۋ اۆتونوميالى وبلىسىنىڭ شىعىس بولەگى قاتارلى جەرلەردىڭ ءىشىنارا وڭىرلەرىندە قيىس شىعىستان 5 بال شاماسىندا جەل سوعادى، مۇنىڭ ىشىندە تارباعاتاي ايماعىنىڭ سارعۋسىن جانە مايتاس جەلدى رايونى، التاي ايماعىنىڭ نوقاي جەلدى رايونى، ءۇرىمجى قالاسىنىڭ ۇلانباي جانە حۇڭيانچى قاتارلى جەل وتتەرىندە 9 بال اينالاسىندا بوران سوعادى. بۇكىل شينجياڭنىڭ باسقا رايوندارىندا كۇن نەگىزىنەن اشىق نەمەسە بۇلتتى بولادى، جەل كۇشى زور بولمايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
