”شينجياڭ جاقسى جەر“ تاقىرىبىنداعى سۋرەت كورمەسى كورەيانىڭ جيجوۋ ولكەسىندە اشىلدى
2024.03.25 15:07 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى فىڭ ياسۇڭ، لۋ رۇي 3 – ايدىڭ 23 – كۇنى سەۋلدەن حابارلايدى. كورەيا – جۇڭگو جاستارىنىڭ دوستىق بىرلەستىگى ۇيىمداستىرعان ”شينجياڭ جاقسى جەر“ تاقىرىبىنداعى سۋرەت كورمەسى جۋىردا كورەيانىڭ جيجوۋ ولكەسىندە اشىلدى، جۇڭگولىق، كورەيالىق جۇزدەن استام قوناق قيمىلعا قاتىناستى.
جۇڭگونىڭ جيجوۋدا تۇراتىن باس كونسۋلى ۋاڭ لۋشين سوزىندە بىلاي دەدى: جۋىرداعى جىلداردان بەرى، جۇڭگو ۇكىمەتى شينجياڭدى زاڭمەن باسقارۋ، شينجياڭدى ىنتىماقتاسا ورنىقتىرۋ، شينجياڭدى مادەنيەتپەن نارلەندىرۋ، حالىقتى بايىتىپ شينجياڭدى گۇلدەندىرۋ، شينجياڭدى باياندى كوركەيتۋ سىندى شينجاڭدى باسقارۋ جالپى جوباسىندا بۇلجىماستان تاباندى بولدى، شينجياڭنىڭ ەكونوميكاسى ۇزدىكسىز دامىپ، قوعامى جاراسىمدى دا ورنىقتى بولدى، حالىق تۇرمىسى ۇزدىكسىز جاقساردى، مادەنيەت بۇرىن بولىپ كورمەگەن دارەجەدە گۇلدەندى. وسى رەتكى قيمىل ارقىلى اناعۇرلىم كوپ كورەيالىق دوستاردىڭ شينجياڭدى ىشكەرىلەي تۇسىنۋىنە، شينجياڭعا قادام تاستاۋىنا، شينجياڭدى سەزىنۋىنە، جۇڭگو شينجياڭنىڭ باي مازمۇندى مادەنيەتى مەن كورىكتى كورىنىسىن اناعۇرلىم شىنايى دا ءدال بايقاۋىنا، ءوزارا اراسىن جاقىنداتۋىنا، اۋىس – كۇيىس پەن سەلبەستىكتى كۇشەيتۋىنە، اناعۇرلىم گۇلدەنگەن تاماشا بولاشاققا بىرگە قادام تاستاۋىنا شارت – جاعداي جاراتۋىن ءۇمىت ەتەمىز.
شينجياڭ ۇيعۇر اۆتونوميالى رايوندىق حالىق ۇكىمەتى سىرتقى ىستەر كەڭسەسىنىڭ ورىنباسار مەڭگەرۋشىسى مۇباراك مۇقيىت مىنانى ءبىلدىردى: شينجياڭ جۋىرداعى جىلداردان بەرى شەتەلگە ەسىك اشۋدى ۇزدىكسىز كەڭەيتىپ، قوعامنىڭ جالپى جاعدايى ورنىقتى بولدى، ءار ۇلت حالقى شات - شادىمان ءومىر وتكىزۋدە، قازىر شينجياڭنىڭ تاريحتاعى ەڭ تاماشا گۇلدەنگەن كەزەڭى، كورەيالىق دوستاردى شينجياڭعا كەلىپ ساياحاتتاۋعا، تەكسەرۋ جۇرگىزۋگە، اۋىس – كۇيىس جاساۋعا شىن جۇرەكتەن ۇسىنىس ەتەمىز.
”شينجياڭ جاقسى جەر“ اتتى سۋرەت كورمەسىندە شينجياڭنىڭ ساياحات بايلىعى مەن شينجياڭعا قارجى قوسۋعا قاتىستى ساياساتتار جونىندە تۇسىنىك بەرۋ ءماجىلىسى اشىلىپ، شينجياڭنىڭ ەكونوميكاسىنىڭ دامۋىنا جانە قوعامىنىڭ العا باسۋىنا قاتىستى كەسكىن قويىلىپ، كەلگەن قوناقتاردىڭ كەڭ كولەمدى نازار اۋدارۋىنا جانە جاقسى باعاسىنا يە بولدى. كەلگەن قوناقتار شينجياڭنىڭ دامۋ جاعىندا قول جەتكىزگەن زور جەتىستىكتەرىن القاپ، اۋىس – كۇيىس جاساۋدى جانە سەلبەستىك جۇرگىزۋدى كۇشەيتۋ، بىرگە دامۋدى ىسكە اسىرۋ كەرەك ەكەنىن ءبىلدىردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
