جاپونيا ءۇشىنشى ەلگە كەلەسى بۋىن شايقاس ۇشاعىن ەكسپورت ەتۋگە رۇقسات بەردى
جۇڭگونىڭ سىرتقى ىستەر مينيسترلىگى بۇعان توتەنشە نازار اۋداراتىنىن ءبىلدىردى
2024.03.27 12:53 كەلۋ قاينارى : حالىق تورابى
جۇڭگو اقپارات تورابىنىڭ 3 – ايدىڭ 26 – كۇنى بەيجيڭنەن بەرگەن حابارى (شيە يانبيڭ) جۇڭگونىڭ سىرتقى ىستەر مينيسترلىگىنىڭ مالىمدەمەشىسى لين جيان 3 – ايدىڭ 26 – كۇنى كەزەكتى تىلشىلەردى قابىلداۋ ءماجىلىسىن باسقاردى.
ءتىلشى بىلاي دەپ سۇرادى: حابارعا قاراعاندا، جاپونيا ۇكىمەتى اكىمشىلىك كەڭسەسىنىڭ ماجىلىسىندە جاپونيانىڭ انگليامەن جانە يتاليامەن بىرگە جاساعان كەلەسى بۋىن شايقاس ۇشاعىن ءۇشىنشى ەلگە ەكسپورت ەتۋ جاعىنداعى تيىم بۇيرىعىن كۇشىنەن قالدىرۋدى ۇيعارعان ءارى مەملەكەت حاۋىپسىزدىگىن قامتاماسىزداندىرۋ ماجىلىسىندە «قورعانىستىق قۇرال – جابدىقتاردى جوتكەۋدەگى ءۇش پرينسيپتەگى» اتقارۋ باعدارناماسىنا وزگەرىس ەنگىزگەن. پىكىرگە قاراعاندا، وسى رەتكى وزگەرىس ەنگىزۋ، ءىس جۇزىندە، جاپونيانىڭ سوعىستان كەيىنگى 70 جىلدان استام ۋاقىتتان بەرگى قىرعىنداعىش قارۋ – جاراقتاردى ەكسپورت ەتۋگە تيىم سالۋ سىندى بوگەتتى بۇزعانىن، بۇدان بىلاي جاپونيانىڭ اسكەري كەمە، سۇڭگۋىر كەمە قاتارلى وزىق اسكەي قارۋ – جاراقتارىن ءۇشىنشى ەلگە تىكەلەي ەكسپورت ەتۋگە قولايلى شارت – جاعداي ازىرلەگەنىن كورسەتەدى. جۇڭگو جاق بۇل جونىندە قانداي پىكىر بىلدىرەدى؟
لين جيان: جۇڭگو جاق قاتىستى اقپاراتقا نازار اۋداردى، بۇعان توتەنشە كوڭىل بولەدى. تاياۋ زامانداعى جاپونيا ميليتاريزمىنىڭ شاپقىنشىلىق تاريحىنا بايلانىستى، جاپونيانىڭ اسكەري سالاسىنداعى ىستەرى ازياداعى كورشىلەس ەلدەردىڭ جانە حالىقارالىق قوعامنىڭ نازارىن بارىنشا اۋدارادى. جۋىردان بەرى، جاپونيا جاق حاۋىپسىزدىك ساياساتىنا زور مولشەردە وزگەرىس ەنگىزىپ، قورعانىس مەجە ەسەبىن جىلدان – جىلعا ارتتىرىپ، قارۋ – جاراقتى ەكسپورت ەتۋ جاعىنداعى شەكتەمەلەردى ۇزدىكسىز كەڭەيتىپ، اسكەري قۋاتىن دامىتۋ جاعىندا ناتيجەگە قول جەتكىزبەك بولدى، بۇل توڭىرەگىندەگى ەلدەر مەن حالىقارالىق قوعامدى بارىنشا الاڭداتتى.
ءبىز جاپونيا جاقتى توڭىرەگىندەگى كورشى ەلدەردىڭ حاۋىپسىزدىك جاعىنداعى الاڭداۋىنا شىنايى كوڭىل ءبولىپ، شاپقىنشىلىق تاريحىنان قاتاڭ ساباق الىپ، بەيبىت دامۋ جولىمەن جۇرۋگە تاباندى بولىپ، شىنايى ارەكەتى ارقىلى ازياداعى كورشى ەلدەر مەن حالىقارالىق قوعامنىڭ سەنىمىنە يە بولۋعا قۋزايمىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
