دۇنيە جۇزىلىك بانكەنىڭ باستىعى دۇنيە ءجۇزى بويىنشا كەدەيلىكتەن ارىلتۋ قىزمەتى جونىندە ءسوز سويلەدى
جۇڭگو ءارقانداي ءىستىڭ مۇمكىن ەكەنىن دالەلدەدى
2024.03.25 16:23 كەلۋ قاينارى : حالىق تورابى
جۇڭگو اقپارات تورابىنىڭ ءتىلشىسى ليۋ ۋىنۋىن 3 – ايدىڭ 24 – كۇنى بەيجيڭنەن حابارلايدى. دۇنيە جۇزىلىك بانكەنىڭ باستىعى پىڭ انجيە (AJay Banga) 3 – ايدىڭ 24 – كۇنى بەيجيڭدە: ”دامۋ جولى قاشان دا ءساتتى بولا بەرمەيدى، ساتسىزدىكتەرگە، اعاتتىقتارعا تولى بولادى، بارلىق ەكونوميكالىق تۇلعالاردا دا وسىلاي. الايدا، بۇگىنگى تاڭدا جۇڭگوعا نازار سالساق، ءبىز ءارقانداي ءىستىڭ مۇمكىن ەكەنىن بىلەمىز“، _ دەدى.
پىڭ انجيە سول كۇنى جۇڭگونىڭ دامۋ تۋرالى جوعارى دارەجەلىلەر تالقى مىنبەرىنىڭ 2024 – جىلعى ماجىلىسىندە مىنانى ءبىلدىردى: قازىرگى تاڭدا، دۇنيە ءجۇزى ۇزدىكسىز كەدەيلىككە، ۇزاققا سوزىلعان قاقتىعىسقا جانە شەشۋ قيىن كليمات داعدارىسىنا ءدوپ كەلىپ وتىر، ءبىر – بىرىمەن توعىسىپ كەتكەن وسى سىناقتار، تەڭسىزدىكتەردى بىرگە ۋشىقتىرۋدا. بولاشاقتاعى ون جىلدا ”دۇنيە ءجۇزىنىڭ وڭتۇستىگىندە“ ءبىر ميلليارد 100 ميلليون جاس قىزمەت ىستەيتىن جاسقا تولادى، الايدا، وسىمەن ءبىر مەزگىلدە بۇل مەملەكەتتەر مەجەمەن تەك 325 ميلليون ادامدى جۇمىستاندىرا الادى.
الايدا، ول مۇنىڭ تەك بولجام ەكەنىن، ءىس جۇزىندىك تاعدىرعا ۋاكىلدىك ەتپەيتىنىن ەسكەرتتى. ول: ”ءبىز بۇرىن دا وسىنداي سىناققا ءدوپ كەلگەنبىز ءارى بۇل سىناقتاردى جەڭگەنبىز. جۇڭگونىڭ عاجايىپ كەشىرمەلەرى ءارقانداي ءىستىڭ مۇمكىن ەكەنىن ىسپاتتادى“، _ دەدى.
ول مىناداي مىسال كەلتىردى: 1978 – جىلى جۇڭگودا 770 ميلليون ادام شەكتەن تىس كەدەي كۇيدە بولاتىن. الايدا، ءدال سول جىلى جۇڭگو ماشاقاتقا تولى رەفورما ءۇردىسىن باستاپ، دامۋ جولىن تۇبىرىنەن وزگەرتتى. سودان بىلايعى نەشە ون جىلدا، جۇڭگونىڭ ەڭبەككۇشى سول كەزدەگىنىڭ ۇشتەن ەكىسىندەي ارتىپ، وتىز نەشە جىل بويى جىلىنا 8 ميلليوننان استام جۇمىس ورنىن جاراتىپ وتىردى.
ول: ”جۇمىستانۋدىڭ وسىلايشا كۇرت ارتۋى ءدال جۇڭگونىڭ كەدەيلىكتەن ارىلتۋ قادامىنىڭ ەڭ تەز كەزەڭى بولدى. جۇڭگونىڭ وسىنشاما زور جەتىستىككە قول جەتكىزۋى دۇنيە جۇزىندەگى كەدەيلىك مولشەرىن %44 تەن %9 كە تومەندەتتى“ _ دەدى، بۇل جۇمىستانۋ ورايىن جاراتۋدىڭ كەدەيلىكتى ارىلتۋداعى، گۇلدەنۋدى ىسكە اسىرۋداعى ەڭ سەنىمدى جول ەكەنىن تاعى ءبىر رەت دالەلدەدى.
بۇگىنگى تاڭدا، جۇڭگو دۇنيە جۇزىلىك بانكەدەن كومەك الاتىن مەملەكەتتەن ەڭ ءىرى جىلۋ اتاۋشى مەملەكەتكە اينالدى، جۇڭگونىڭ تاجىريبەسىن ەفيوفيا، يندونەزيا، مالايزيا، تۇركيا، ۆيەتنام قاتارلى كوپتەگەن مەملەكەتتەر دە پايدالاندى. پىڭ انجيە دامۋ جولىنىڭ ۇزاق ەكەنىن، ءار ەل تاعى ءبىر ەلدىڭ العا باسۋ جولىن نۇرلاندىراتىنىن، جۇڭگونىڭ وسى جولداعى باستاماشى ەكەنىن ءبىلدىردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
