ينتەرنەتتە تانىمال مىناداي ويىنشىقتاردىڭ كوبى حاۋىپتى ءارى ”ۇشتەن جۇرداي“ ونىمدەر، استە الۋشى بولماڭىز
2024.03.26 13:43 كەلۋ قاينارى : حالىق تورابى
”جارىلعىش قالتا“ دەگەن ويىنشىقتى ەستىپ كورىپ پە ەدىڭىز؟ مۇنداي ويىنشىقتىڭ كنوپاسىن باسىپ شايقاعان سوڭ لاقتىرىپ جىبەرسەڭىز گۇرس ەتىپ جارىلادى، ونىمەن باسقالاردى قورقىتىپ قىزىق كورەتىندەر بار.
مۇنداي ”جارىلعىش قالتا“ ويىنشىعى بالالارعا ارنالعان ويىنشىقتاردىڭ مەملەكەتتىك ءماجبۇرلى ولشەمىندەگى تالاپتارعا ۇيلەسپەيدى، ونىڭ ۇستىنە، حاۋىپتى سانالادى، بىرگە تانىسايىق.
”جارىلعىش قالتا“ ويىنشىعى دەگەنىمىز قانداي ويىنشىق؟
ينتەرنەتتە تانىمال ”جارىلعىش قالتا“ ويىنشىعى ”قول بومبى قالتاسى“، ”تورسىلداق قالتاسى“، ”ەلىكتەمەلى قول بومبى“ دەپ تە اتالادى، ونىڭ سىرتقى قورابى الۋان ءتۇرلى، كوبىنەسە ”قول بومبى“، ”تورسىلداق“ قاتارلىلارعا ۇقساتىلىپ جاسالادى.
”جارىلعىش قالتا“ ويىنشىعى ءبىر تۇيىنشەك سۇيىقتىق پەن ۇنتاق قاتتى زاتتان قۇرالادى. تۇيىنشەكتەگى سۇيىقتىق سودا (ءسىلتى)، قاتتى دەنە لەمون قىشقىلىنىڭ ۇنتاعى (قىشقىل). سۇيىقتىقتىڭ تۇيىنشەگى جارىلعان ساتتە، ەكەۋى حيميالىق رەاكسيا تۋدىرادى دا، كومىر قىشقىل گازىن تۋىنداتىپ، قالتانى كەرەتىندىكتەن، قالتا جارىلىپ، گۇرس ەتكەن داۋىس شىعادى.
”جارىلعىش قالتا“ ويىنشىعى بالالارعا ارنالعان ويىنشىقتاردىڭ مەملەكەتتىك ءماجبۇرلى ولشەمىندەگى تالاپتارعا ۇيلەسپەيدى
مەملەكەتتىك ءماجبۇرلى ولشەم GB 6675.1-2014 «ويىنشىق حاۋىپسىزدىگى 1 – ءبولىم: نەگىزدىك ولشەمىنىڭ» 5.2.4 تارماعىندا مىناداي بەلگىلەمە بار: ”ويىنشىقتاردا، وتە – موتە، حيميالىق قۇرامى بار ويىنشىقتاردا مىناداي زاتتار بولماۋى كەرەك: ارالاسقان كەزدە حيميالىق رەاكسيا نەمەسە جىلۋ شىعارۋ سەبەبىنەن قوپارىلىس جاسايتىن زاتتار“.
”جارىلعىش قالتا“ ويىنشىعىنىڭ ادام دەنەسىن زيانداۋ حاۋپى بار
مەملەكەتتىك ءماجبۇرلى ولشەم GB 6675.1-2014 «ويىنشىق حاۋىپسىزدىگى 1 – ءبولىم: نەگىزدىك ولشەمىنىڭ» 5.2.4 تارماعىندا مىناداي بەلگىلەمە بار: ”ويىنشىق بۇيىمدار قالىپتى پايدالانۋ بارىسىندا جانە الباتى پايدالانۋدى سىناق ەتكەندە بايقالعان حيميالىق زاتتار ادامنىڭ دەنساۋلىعىنا كەرى ىقپال جاساماۋى قاجەت“. اتالعان ”جارىلعىش قالتا“ ويىنشىعىنداعى حيميالىق زاتتار ادامنىڭ دەنساۋلىعىنا حاۋىپ توندىرەدى.
”جارىلعىش قالتا“ ويىنشىعى نەگىزىنەن ”ۇشتەن جۇرداي“ بۇيىمدار
”جارىلعىش قالتا“ ويىنشىقتارى نەگىزىنەن ”ۇشتەن جۇرداي“ ونىمدەر (وندىرگەن ۋاقىتى جازىلماعان، ساپالىق تولىمدىلىق كۋالىگى نەمەسە وندىرۋگە رۇقسات بەرۋ كۋالىگى جوق، وندىرگەن زاۆودتىڭ اتى جازىلماعان ونىمدەر)، الدا – جالدا دەنساۋلىققا زيان جەتكىزسە، تەگىن تەكتەۋ، ۇقىقتى قورعاۋ قيىنعا سوعادى.
وسى جونىندە قاتىستى تاراۋلار بارشا اتا – انالارعا جانە جاستار مەن ورەندەرگە، بالالارعا وسى تەكتەس ينتەرنەتتە تانىمال حاۋىپتى ويىنشىقتاردى ساتىپ الۋدان ساق بولۋدى ەسكەرتەدى. اتا – انالار بالالاردى ”ۇشتەن جۇرداي“ بۇيىمداردى ساتىپ الماۋعا جەتەلەۋى ءارى وسى جونىندە ولارعا كەڭەس بەرۋى قاجەت. سونىمەن بىرگە، قاتىستى تيجاراتشىلارعا دا ءوزىن – ءوزى تەكسەرۋدى، ”ۇشتەن جۇرداي“ بۇيىمداردى ساتپاۋعا تاباندى بولۋدى، جاستار مەن ورەندەردىڭ، بالالاردىڭ دەنساۋلىعىنا ناشار ىقپال جاسايتىن، ءتىپتى ادامنىڭ دەنساۋلىعىنا زيان جەتكىزەتىن ويىنشىقتاردى، وقۋ قۇرالدارىن ساتپاۋدى ەسكەرتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
