سىرتقى ىستەر مينيسترلىگىنىڭ مالىمدەمەشىسى ءتىلشىنىڭ سۇراۋىنا جاۋاپ قايتاردى
ا ق ش جاقتى شياڭگاڭنىڭ ىستەرىنە كيلىگۋدى دەرەۋ توقتاتۋعا قۋزادى
2024.03.26 14:58 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى شاۋ يبو، يۋان رۇي 3 – ايدىڭ 25 – كۇنى بەيجيڭنەن حابارلايدى. ا ق ش – نىڭ مەملەكەت حاتشىسى بلينكەننىڭ جۋىردا شياڭگاڭنىڭ «مەملەكەت حاۋىپسىزدىگىن قورعاۋ ەرەجەسى» تۋرالى ايتقان سوزدەرى جونىندە، سىرتقى ىستەر مينيسترلىگىنىڭ مالىمدەمەشىسى لين جيان 3 – ايدىڭ 25 – كۇنى كەزەكتى تىلشىلەردى قابىلداۋ ماجىلىسىندە قاتىستى سۇراۋعا جاۋاپ بەرگەندە بىلاي دەدى: جۇڭگو جاق ا ق ش جاقتىڭ شياڭگاڭنىڭ «مەملەكەت حاۋىپسىزدىگىن قورعاۋ ەرەجەسىن» قايتا – قايتا قارالاعانىنا قاتاڭ نارازىلىق بىلدىرەدى ءارى باتىل قارسى تۇرادى، ا ق ش جاقتى شياڭگاڭنىڭ ىستەرىنە كيلىگۋدى دەرەۋ توقتاتۋعا، جۇڭگونىڭ ىشكى ىستەرىنە كيلىگۋدى توقتاتۋعا قۋزادى.
لين جيان: ”مەن مىنانى باسا دارىپتەيمىن، شياڭگاڭنىڭ ىستەرى بۇكىلدەي جۇڭگونىڭ ىشكى ءىسى، باسقا ءارقانداي مەملەكەتتىڭ سان – ساققا جۇگىرتۋ ۇقىعى جوق“، _ دەدى.
لين جيان بىلاي دەدى: شياڭگاڭنىڭ مەملەكەت حاۋىپسىزدىگى ەرەجەسىندە مەملەكەت حاۋىپسىزدىگىن قورعاۋ مەن ۇقىق ەركىندىگىنە جانە ەكونوميكانىڭ دامۋىنا كەپىلدىك ەتۋ تەڭگەرىمدى ويلاستىرىلعان، باسقا مەملەكەتتەردىڭ، وتە – موتە، جالپىلىق زاڭدى قولداناتىن مەملەكەتتەردىڭ زاڭ جاساۋداعى تاجىريبەلەرىنەن تولىق ۇلگى العان، كىسىلىك ۇقىق تولىق قۇرمەتتەلگەن ءارى قامتاماسىزداندىرىلعان، قىلمىستىق ارەكەت قالىپتاستىراتىن فاكتورلار ايقىن تۇراقتاندىرىلعان، قىلمىس پەن قىلمىسقا جاتپايتىن ىستەر ايقىن جىكتەلگەن، شياڭگاڭداعى شەتەلدىك قۇرىلىمداردىڭ، ۇيىمداردىڭ، ادامداردىڭ ۇيلەسىمدى ساۋدالىق ارەكەتى مەن حالىقارالىق اۋىس – كۇيىس قاجەتى شىنايى قورعالعان، شياڭگاڭنىڭ جوعارى دارەجەدەگى اۆتونومياسىنا ىقپال جاسامايدى، شياڭگاڭنىڭ بۇرىنعى كاپيتاليستىك ءتۇزىمى مەن تۇرمىس ادەتىن وزگەرتپەيدى، شياڭگاڭنىڭ وزگەشە ورنى مەن ابزالدىعىن اناعۇرلىم ويداعىداي ساۋلەلەندىرۋىنە، ءار ەل، ءار رايونمەن اناعۇرلىم ىشكەرىلەي اۋىس – كۇيىس جانە سەلبەستىك جاساۋىنا، حالىقارالىق فينانس، سۋ تاسىمالى، ساۋدا ورتالىعى ورنىن اناعۇرلىم ويداعىداي بەكەمدەۋىنە ءتيىمدى.
ول بىلاي دەدى: جۇڭگو ۇكىمەتى مەملەكەتتىڭ يەلىك ۇقىعىن، حاۋىپسىزدىگىن، دامۋ ۇقىق – مۇددەسىن قورعاۋ بەكىمىنەن اينىمايدى، ”ءبىر ەل، ەكى ءتۇزىم“ باعىتىن دايەكتىلەندىرۋ بەكىمىنەن اينىمايدى. ءبىز ا ق ش جاقتى جۇڭگونىڭ يەلىك ۇقىعىنا جانە شياڭگاڭدى زاڭمەن باسقارۋىنا شىنايى قۇرمەت ەتۋگە، حالىقارالىق زاڭداعى پرينسيپتەر مەن حالىقارالىق قارىم – قاتىناستىڭ نەگىزگى پرينسيپتەرىنە بويسۇنۋعا، شياڭگاڭنىڭ ىستەرىنە كيلىگۋدى دەرەۋ توقتاتۋعا، جۇڭگونىڭ ىشكى ىستەرىنە كيلىگۋدى توقتاتۋعا قۋزايمىز، _ دەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
