شينجياڭ سايرام كولى كورىنىس رايونىندا ۇيلەنۋدى تىزىمگە الدىرۋعا بولاتىن بولدى
2024.03.26 14:57 كەلۋ قاينارى : حالىق تورابى
انار بۇلت \ شينجياڭ گازەتىنىڭ حابارى. جۋىردا شينجياڭ بۇراتالا وبلىسى ساياحاتشىلارعا ءتيىمدى شارا جاريالادى، بۇل شارالاردىڭ ىشىندە ”كورىنىس رايونىندا ۇيلەنۋدى تىزىمگە الدىرعاندار كورىنىس رايونىنا ءومىر بويى جارىم باعاداعى بەلەتپەن كىرە الادى“ دەگەن ءتيىمدى شارا ۇيلەنبەكشى بولىپ جۇرگەن كوپتەگەن جاستار مەن عاشىقتارعا قۋانىش ۇستىنە قۋانىش سيلادى، ولار: كورىنىس رايونىندا دا ۇيلەنۋدى تىزىمگە الدىرۋعا بولا ما؟! _ دەستى.
سولاي، كوپشىلىك، قاتە كورىپ تۇرعان جوقسىزدار. 3 – ايدىڭ 24 – كۇنى وسى ءتيىمدى شارا تۋرالى سايرام كولى كورىنىس رايونى جاۋاپ قايتاردى.
سايرام كولى كورىنىس رايونىن باسقارۋ كوميتەتىنىڭ ورىنباسار مەڭگەرۋشىسى جوۋ جىنفۋ اقپارات قۇرالدارىنىڭ سۇحباتىن قابىلداعان كەزدە مىنانى ءبىلدىردى: كورىنىس رايونى بۇراتالا قالاسىمەن سەلبەسىپ، كورىنىس رايونىندا ۇيلەنۋدى تىزىمگە الدىرۋ ورتالىعىن ورنالاستىردى، ساياحاتشىلاردىڭ كورىنىس رايونىندا ۇيلەنۋدى تىزىمگە الدىرۋىنا بولادى. كورىنىس رايونىندا ۇيلەنۋدى تىزىمگە الدىرعان بارلىق ساياحاتشىلار ۇيلەنۋ كۋالىگى ارقىلى كورىنىس رايونىنا ءومىر بويى جارىم باعاداعى ەسىك بەلەتىمەن كىرۋ سىندى ءتيىمدى شارادان يگىلىكتەنەدى.
سايرام كولىنىڭ ”اتلانت مۇحيتىنىڭ ەڭ سوڭعى كوز جاسى“ دەگەن اتى بار، كوپتەگەن جاس جۇبايلار كورىنىسى كوركەم، وسى ارادا تويلىق سۋرەتكە ءتۇسۋدى ۇناتادى. جۇڭگو ايەلدەر گازەتى قاتارلى اقپارات قۇرالدارىنىڭ حابارلاۋىنشا، بىلتىر سايرام كولى ۇيلەنۋدى تىزىمگە الۋ ورنىن قۇرۋ سىندى جاڭا شارانى اتقارعان، وسى اراعا كەلىپ ۇيلەنۋدى تىزىمگە الدىرۋ مەن توي وتكىزۋ ءبىر ءتۇرلى جاڭاشا سالتقا اينالعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
