شي جينپيڭ گوندۋراس زۇڭتۇڭى كاسترومەن جۇڭگو مەن گوندۋراستىڭ ديپلوماتيالىق قارىم - قاتىناس ورناتقانىنىڭ ءبىر جىلدىعى بايلانىسىمەن ءوزارا قۇتتىقتاۋ تەلەگرامماسىن جولدادى
2024.03.27 15:49 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 26 – كۇنى، بەيجيڭ. 3 - ايدىڭ 26 - كۇنى مەملەكەت ءتوراعاسى شي جينپيڭ گوندۋراس زۇڭتۇڭى كاسترومەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقانىنىڭ ءبىر جىلدىعىن قۇتتىقتادى.
شي جينپيڭ بىلاي دەپ اتاپ كورسەتتى: بىلتىر 3 – ايدا جۇڭگو گوندۋراسپەن ديپلوماتيالىق قارىم - قاتىناس ورناتىپ، ەكى جاقتى قارىم - قاتىناستىڭ تىڭ پاراعىن اشتى. بىلتىر 6 - ايدا زۇڭتۇڭ حانىم جۇڭگودا ءساتتى مەملەكەتتىك ساپاردا بولدى، ءبىز كەڭەس وتكىزىپ ءارى ماڭىزدى ورتاق تانىمعا كەلىپ، ەكى جاقتى قارىم - قاتىناستىڭ دامۋىنا ايقىن باعدار كورسەتتىك. ديپلوماتيالىق قارىم - قاتىناس ورناتقان ءبىر جىلدان بەرى ەكى جاق ءوزارا قۇرمەت ەتۋ، تەڭدىك، ءوزارا تيىمدىلىك، بىرگە دامۋ پرينسيبىن ۇستانىپ، ەكى جاقتى قارىم - قاتىناستىڭ جوعارى دەڭگەيدە باستالۋىن ىلگەرىلەتتى. گوندۋراس جاق ءبىر جۇڭگو پرينسيبىن باتىل اتقاردى، مەن مۇنى ايرىقشا القايمىن.
شي جينپيڭ بىلاي دەپ دارىپتەدى: اماليات جۇڭگو مەن گوندۋراستىڭ ديپلوماتيالىق قارىم - قاتىناس ورناتۋى تاريحتىڭ اعىمىنا سايكەسىپ جاساعان دۇرىس ساياسي شەشىم بولعانىن، ەكى ەلدىڭ جانە ەكى ەل حالىقتارىنىڭ ءتۇبىرلى مۇددەسىنە ۇيلەسەتىنىن دالەلدەدى. مەن جۇڭگو – گوندۋراس قارىم - قاتىناسىنىڭ دامۋىنا ايرىقشا ءمان بەرەمىن، كاسترو زۇڭتۇڭمەن بىرگە قۇلشىنىپ، ەكى ەلدىڭ ديپلوماتيالىق قارىم - قاتىناس ورناتقانىنىڭ ءبىر جىلدىعىن وراي ەتىپ، ءوزارا قولداۋدى بەكەمدەپ، جان - جاقتى سەلبەستىكتى كەڭەيتىپ، جۇڭگو – گوندۋراس قارىم - قاتىناسىنىڭ اناعۇرلىم كوركەم بولاشاعىن بىرگە جازۋدى قالايمىن.
كاسترو مىنانى ءبىلدىردى: جۇڭگو مىڭ جىلدىق وركەنيەتكە يە، تاريحي بارىستا باستى رول اتقاردى، دۇنيە ءجۇزىنىڭ ۇلگىسى ءارى گوندۋراستىڭ ماڭىزدى سەرىگى.ديپلوماتيالىق قارىم - قاتىناس ورناتقان ءبىر جىلدان بەرى ءبىز جۇڭگونىڭ جاڭالىق اشا دامۋعا كۇش سالىپ، دۇنيە جۇزىلىك ماسەلەلەردى شەشۋ جوباسىن بىرگە اقىلداسىپ، دۇنيە ءجۇزىنىڭ كەدەيلەردى ازايتۋ ىستەرىنە بارىنشا دەم بەرگەنىنە كۋا بولدىق. گوندۋراس جاق ءبىر جۇڭگو پرينسيبىندە تاباندى بولادى، جۇڭگومەن دەربەس، ءوز - وزىنە قوجا بولۋ، ءوزارا قۇرمەت ەتۋ سىندى ەكى جاقتى قارىم - قاتىناستى دامىتۋدى قالايدى. ەكى ەل حالىقتارىنىڭ دوستىعىنىڭ ماڭگى جالعاسۋىن تىلەيمىن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
