جاۋ لىجي ناۋرۋدىڭ زۇڭتۇڭى ادياڭمەن، شريلانكانىڭ زۇڭليى گۋناۆادنەرمەن جەكە - جەكە كەزدەستى
2024.03.27 15:53 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 26 – كۇنى، بەيجيڭ. مەملەكەتتىك حالىق قۇرىلتايى تۇراقتى كوميتەتىنىڭ باستىعى جاۋ لىجي 3 - ايدىڭ 26 - كۇنى بەيجيڭدە ناۋرۋدىڭ زۇڭتۇڭى ادياڭمەن، شريلانكانىڭ زۇڭليى گۋناۆادنەرمەن جەكە - جەكە كەزدەستى.
ادياڭمەن كەزدەسكەندە جاۋ لىجي مىنانى ءبىلدىردى: كەشە ءتوراعا شي جينپيڭ زۇڭتۇڭ مىرزامەن تاريحي كەڭەس وتكىزىپ، ەكى ەل قارىم - قاتىناسى دامۋىنىڭ جاڭا جوباسىن بىرگە جاسادى. جۇڭگو ناۋرۋمەن بىرگە ەكى ەل مەملەكەت باسشىلارى كەلىسكەن ماڭىزدى ورتاق تانىمدى ويداعىداي تياناقتاندىرىپ، ساياسي سەنىمدىلىكتى بەكەمدەپ، ناقتى سەلبەستىكتى كەڭەيتىپ، گۋمانيتارلىق اۋىس - كۇيىستى كۇشەيتىپ، ەكى ەل حالىقتارىنا ءتىپتى دە زور باقىت جاراتۋدى قالايدى. جۇڭگو جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتىپ، ناۋرۋدى قامتىعان دۇنيە جۇزىندەگى ەلدەرگە جاڭا دامۋ ورايىن الا كەلەدى، ناۋرۋدىڭ جۇڭگونىڭ دامۋ جۇردەك پويەزىنە وتىرۋىن قارسى الادى. جۇڭگو مەملەكەتتىك حالىق قۇرىلتايى ناۋرۋ پارلامەنتىمەن ءار دارەجەلى اۋىس - كۇيىستى كۇشەيتىپ، ەكى جاقتى سەلبەستىككە ءتيىمدى زاڭدىق قۇجاتتاردى جاساپ جانە كەمەلدەندىرىپ، رەفورما، دامۋ، زاڭمەن باسقارۋ قۇرىلىسى سياقتى جاقتارداعى تاجىريبەلەردەن ورتاق يگىلىكتەنۋدى قالايدى.
ادياڭ مىنانى ءبىلدىردى: جۇڭگومەن ديپلوماتيالىق قارىم - قاتىناستى قالپىنا كەلتىرۋ − ناۋرۋ ۇكىمەتى مەن پارلامەنتىنىڭ بەرىك ساياسي شەشىمى. ناۋ جاق جۇڭگو جاقپەن ءار سالاداعى سەلبەستىكتى كۇشەيتىپ، زاڭ شىعارۋ قۇرىلىمدارىنىڭ اۋىس - كۇيىسىن جيىلەتىپ، حالىقتار اراسىنداعى دوستىقتى ۇزدىكسىز تەرەڭدەتۋدى قالايدى.
گۋناۆادنەرمەن كەزدەسكەندە جاۋ لىجي مىنانى ءبىلدىردى: جۇڭگو مەن شريلانكا ديپلوماتيالىق قارىم - قاتىناس ورناتقان 67 جىلدان بەرى، حالىقارالىق جاعداي قالاي قۇبىلسا دا، ەكى ەل قارىم - قاتىناسى باستان - اياق اقاۋسىز، ورنىقتى دامىدى. جۇڭگو شريلانكامەن بىرگە قۇلشىنىپ، ساياسي سەنىمدىلىكتى بەكەمدەپ، ءبىر - ءبىرىنىڭ وزەكتى مۇددەسىنە ساياتىن ماسەلەلەردە ۇزدىكسىز ءبىرىن - ءبىرى تاباندىلىقپەن قولداپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرىپ، گۋمانيتارلىق سالاداعى اۋىس - كۇيىستى تەرەڭدەتىپ، جۇڭگو مەن شريلانكانىڭ ءبىر - بىرىنە شىنايى كومەكتەسۋ، ۇرپاقتان - ۇرپاققا جالعاسقان دوستىق ستراتەگيالىق سەلبەستىك سەرىكتەستىك قارىم - قاتىناسىنىڭ تىڭ ىلگەرىلەۋشىلىككە قول جەتكىزۋىن ىلگەرىلەتۋدى قالايدى. زاڭ شىعارۋ قۇرىلىمدارىنىڭ اۋىس - كۇيىسى مەن سەلبەستىگى − ەكى ەل حالىقتارىنىڭ ءوزارا ءتۇسىنىسۋى مەن سەنىمىن كۇشەيتۋدىڭ ماڭىزدى ارناسى. جۇڭگو مەملەكەتتىك حالىق قۇرىلتايى شريلانكا پارلامەنتىمەن ءار دارەجەلى اۋىس - كۇيىستى كۇشەيتىپ، كوپ جاقتى مەحانيزمدەگى سايكەسۋدى، سەلبەسۋدى جيىلەتىپ، ەكى ەلدىڭ ءار سالاداعى سەلبەستىگىن زاڭدىق كەپىلمەن قامداۋدى قالايدى.
گۋناۆادنەر مىنانى ءبىلدىردى: شريلانكا جاق جۇڭگونىڭ ۇزاق ۋاقىتتان بەرگى قولداۋى مەن كومەگىنە العىس ايتادى، ءبىر جۇڭگو پرينسيبىن باتىل اتقارىپ، زاڭ شىعارۋ قۇرىلىمدارىنىڭ اۋىس - كۇيىسى سياقتى ءار سالاداعى سەلبەستىكتى ۇزدىكسىز تەرەڭدەتىپ، شريلانكا مەن جۇڭگونىڭ دوستىعىنا تىڭ قوزعاۋشى كۇش قوسادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
