سىرتقى ىستەر مينيسترلىگىنىڭ مالىمدەمەشىسى پاكيستاننىڭ داسۋىندا تۋىلعان قوپارىلىس شابۋىل وقيعاسى جونىندە تىلشىلەردىڭ سۇراۋىنا جاۋاپ بەردى
2024.03.27 16:12 كەلۋ قاينارى : حالىق تورابى
شينحۋا اگەنتتىگىنىڭ 3 – ايدىڭ 27 – كۇنى بەيجيڭنەن بەرگەن حابارى. 3 – ايدىڭ 27 - كۇنى سىرتقى ىستەر مينيسترلىگىنىڭ مالىمدەمەشىسى پاكيستاننىڭ داسۋىندا تۋىلعان قوپارىلىس شابۋىل وقيعاسى جونىندە تىلشىلەردىڭ سۇراعىنا جاۋاپ قايتارىپ، جۇڭگونىڭ وسى لاڭكەستىك ارەكەتتى قاتاڭ جازعىراتىندىعىن، قازا بولعاندارعا قايعىلى ازا بىلدىرەتىندىگىن، قازا بولعانداردىڭ تۋىس – تۋعاندارىنان شىنايى حال سۇرايتىندىعىن ءبىلدىردى.
ءبىر ءتىلشى بىلاي دەپ سۇرادى: 3 – ايدىڭ 26 – كۇنى، اقپارات قۇرالدارىنىڭ حابارىنا قاراعاندا، پاكيستاننىڭ كاپۋ ولكەسىندە لاڭكەستىك شابۋىل تۋىلىپ، جۇڭگولىقتاردان ءولىم – ءجىتىم بولعان، سىرتقى ىستەر مينيسترلىگى بۇعان قالاي قارايدى؟
سىرتقى ىستەر مينيسترلىگىنىڭ مالىمدەمەشىسى بىلاي دەدى: پاكيستاننىڭ جەرگىلىكتى ۋاقىتى 3 ـ ايدىڭ 26 ـ كۇنى تۇستەن كەيىن ساعات ءبىر مولشەرىندە جۇڭگو كاسىپورىنى ۇستىنە الىپ سالعان كاپۋ ولكەسى داسۋ سۋ ەلەكتر ستانسياسى نىسانى اۆتوكولىك لاڭكەستىك شابۋىلىنا ۇشىراپ، جۇڭگولىق 5 ادام، پاكيستاندىق ءبىر ادام قازا بولدى.
سىرتقى ىستەر مينيسترلىگىنىڭ مالىمدەمەشىسى بىلاي دەدى: جۇڭگو جاق بۇل لاڭكەستىك ارەكەتتى قاتاڭ جازعىرادى، قازا بولعاندارعا قايعىلى ازا بىلدىرەدى، قازا بولعانداردىڭ تۋىس - تۋعاندارىنان شىنايى حال سۇرايدى. جۇڭگو جاق پاكيستان جاقتان ۋاقيعانىڭ شىن سىرىن تەز ارادا تۇبەگەيلى تەكسەرىپ، قاندى قولدى بار كۇشپەن قولعا الۋدى جانە زاڭ بويىنشا جازالاۋدى، سونىمەن بىرگە ناقتى، ءونىمدى شارالار قولدانىپ، پاكيستانداعى جۇڭگو ازاماتتارىنىڭ، قۇرىلىمدارىنىڭ جانە نىساندارىنىڭ حاۋىپسىزدىگىن قورعاۋدى تالاپ ەتەدى. جۇڭگو جاق پاكيستان جاقپەن بىرگە ۋاقيعانىڭ سوڭعى ءبىر جاقتى ەتۋ قىزمەتىن بار كۇشپەن ىلگەرىلەتۋدە. جۇڭگونىڭ پاكيستانداعى باس ەلشىحاناسى پاكيستانداعى جۇڭگو ازاماتتارىنا، كاسىپورىندارىنا جەرگىلىكتى ورىننىڭ حاۋىپسىزدىك جاعدايىنا قاداعالاي نازار اۋدارىپ، ساقتىق تانىمىن جوعارىلاتىپ، حاۋىپسىزدىكتى ساقتاۋ شارالارىن كۇشەيتىپ، لاڭكەستىك شابۋىلدان بار كۇشپەن ساقتانۋدى ەسكەرتەدى.
پاكيستاننىڭ زۇڭليى شاباز 3 – ايدىڭ 26 - كۇنى تۇستەن كەيىن جۇڭگونىڭ پاكيستانداعى ەلشىحاناسىنا بارىپ ازا ءبىلدىرىپ، قازا بولعانداردىڭ تۋىس ـ تۋعاندارىنان جانە جۇڭگو ۇكىمەتىنەن حال سۇراپ، وسى رەتكى لاڭكەستىك شابۋىل وقيعاسىن قاتاڭ جازعىرىپ، لاڭكەستەردىڭ پاكيستان ـ جۇڭگو دوستىعىن ءبۇلدىرۋ قاسكۇنەمدىگىنىڭ ماڭگى ىسكە اسپايتىندىعىن ايتتى. سول كۇنى پاكيستاننىڭ زۇڭتۇڭى زارداري جانە سىرتقى ىستەر مينيسترى، ىشكى ىستەر مينيسترى قاتارلى كوپتەگەن ساياسي قايراتكەرلەر شابۋىلداۋ وقيعاسىن قاتاڭ ايىپتاپ، قازا بولعاندارعا ازا ءبىلدىردى.
سىرتقى ىستەر مينيسترلىگىنىڭ مالىمدەمەشىسى بىلاي دەدى: جۇڭگو مەن پاكيستان بارلىق جاعدايدا بىردەي ستراتەگيالىق سەلبەستىك سەرىكتەر جانە ”ارادان قىل وتپەس“ باۋىرلاستار، جۇڭگو ـ پاكيستان ەكونوميكالىق ءدالىزى پاكيستاننىڭ ەكونوميكالىق، قوعامدىق دامۋىنا وراسان زور ۇلەس قوستى. جۇڭگو ـ پاكيستان سەلبەستىگىن بۇلدىرۋگە ۇرىنعان ءارقانداي ارەكەت استە ىسكە اسپايدى. جۇڭگو ءارقانداي فورماداعى لاڭكەستىككە قارسى تۇرادى، پاكيستاننىڭ لاڭكەستىككە سوققى بەرۋ ارەكەتىن باتىل قولدايدى. جۇڭگو جاق پاكيستان جاقپەن اناعۇرلىم باتىل تۇردە قول ۇستاسا سەلبەسىپ، پاكيستانداعى جۇڭگو قىزمەتكەرلەرىنىڭ، نىساندارىنىڭ جانە قۇرىلىمدارىنىڭ حاۋىپسىزدىگىن بار كۇشپەن قورعايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
