حان جىڭ ”جۇڭگوعا قارجى قوسۋداعى“ تۇڭعىش بوگەنايلىق قيمىلعا قاتىناستى ءارى ءسوز سويلەدى
2024.03.27 16:02 كەلۋ قاينارى : حالىق تورابى
شينحۋا اگەنتتىگى، 3 – ايدىڭ 26 - كۇنى، بەيجيڭ. مەملەكەت ءتوراعاسىنىڭ ورىنباسارى حان جىڭ 3 – ايدىڭ 26 - كۇنى بەيجيڭدە ”جۇڭگوعا قارجى قوسۋداعى“ تۇڭعىش بوگەنايلىق قيمىلعا قاتىناستى ءارى ءسوز سويلەدى.
حان جىڭ مىنانى ءبىلدىردى: ءتوراعا شي جينپيڭ شەتەل قارجىسى قىزمەتىنە ايرىقشا ءمان بەرىپ، جوعارى دەڭگەيدەگى سىرتقا ەسىك اشۋدى كەڭەيتىپ، شەتەل قارجىسىن اناعۇرلىم زور تەبىنمەن باۋراپ جانە پايدالانىپ، دامۋ ورايىنان دۇنيە جۇزىمەن بىرگە يگىلىكتەنىپ، ەكونوميكانىڭ جاھاندانۋىنىڭ اناعۇرلىم اشىق، قامتىمدى، جالپىعا ءتيىمدى، بىركەلكى باعىتقا قاراي دامۋىن ىلگەرىلەتۋدى تالاي رەت دارىپتەدى.
حان جىڭ بىلاي دەپ اتاپ كورسەتتى: جۇڭگو دۇنيە جۇزىندەگى ەكىنشى ۇلكەن ەكونوميكالىق تۇلعا رەتىندە، ۇزاق ۋاقىتتىق دامۋ بارىسىندا تاماشا، ورنىقتى نەگىزگى جاعداي قالىپتاستىردى، ءالى دە دۇنيە ءجۇزى دامۋىنىڭ ەڭ ۇلكەن قوزعالتقىشى. ءبىز جۇڭگو ەكونوميكاسىنىڭ ورنىقتى العا باسۋىن ۇزدىكسىز ىلگەرىلەتىپ، ءار ەل كاسىپورىندارىمەن دامۋ جەتىستىكتەرىنەن بىرگە يگىلىكتەنەمىز. جۇڭگو بازارىنىڭ كومەسكى كۇشى ۇزدىكسىز اشىلىپ، شەتەل كاپيتالىمەن قۇرىلعان كاسىپورىندارعا اناعۇرلىم كوپ ساۋدا ورايىن جاراتادى؛ كاسىپ جۇيەسى ۇزدىكسىز كەمەلدەنىپ، دۇنيە ءجۇزى ەكونوميكاسىنىڭ ورنىقتى اينالىمىنا سەنىمدى تىرەك ازىرلەيدى؛ ساۋدا ورتاسى ۇزدىكسىز ساپالىلانىپ، شەتەل كاپيتالىمەن قۇرىلعان كاسىپورىندارعا اناعۇرلىم جاقسى كەپىلدىك ازىرلەيدى. جۇڭگو ءار ەل كاسىپورىندارىمەن ورايدان بىرگە يگىلىكتەنىپ، بىرگە ەسەيىپ - ەرجەتىپ، اشىق دۇنيە ءجۇزى ەكونوميكاسىن قۇرۋدى ىلگەرىلەتۋدى قالايدى.
حان جىڭ مىنانى ءبىلدىردى: ”جۇڭگوعا قارجى قوسۋ“ ماركاسىن جاراتۋ − جۇڭگونىڭ جوعارى دەڭگەيدەگى سىرتقا ەسىك اشۋدى كەڭەيتۋدەگى، حالىقارالىق ۇلكەن اينالىسپەن ىرىقتى تۇردە توعىسۋداعى ماڭىزدى شاراسى ءارى ەكونوميكانىڭ جاھاندانۋىن بەلسەنە ىلگەرىلەتۋدەگى، دۇنيە جۇزىلىك كاسىپ تىزبەگى مەن قامداۋ تىزبەگىنىڭ ورنىقتى، ىركىلىسسىز بولۋىن جەبەۋدەگى ءىس جۇزىندىك ارەكەتى. ءتىپتى دە كوپ شەتەل كاسىپورىن سالاسىنداعى دوستاردىڭ جۇڭگوعا كەلىپ قارجى قوسىپ، شارۋاشىلىقتى گۇلدەندىرۋىن شىن جۇرەكتەن قارسى الامىز. جۇڭگوعا قارجى قوسۋ بولاشاققا قارجى قوسۋ بولىپ تابىلادى.
17 مەملەكەت پەن رايوننىڭ كاسىپورىنشىلارىنان، شەتەلدەردىڭ جۇڭگو ساۋدا قوعامىنداعى ۋاكىلدەرىنەن 140 تان استام ادام قيمىلعا قاتىناستى. قيمىل باستالۋدان بۇرىن حان جىڭ ءبىر ءبولىم ەل ارالىق سەرىكتەستىكتەر مەن شەتەل ساۋدا قوعامىنىڭ ۋاكىلدەرىمەن توپتىق كەزدەستى. ول مىنانى ءبىلدىردى: وسىنداعى كاسىپورىندار جۇڭگو بازارىنا ۇزاق ۋاقىتتان بەرى كەڭىنەن ارالاسىپ، جۇڭگونىڭ رەفورما جاساپ، ەسىك اشۋىنا ۇلەس قوستى، سونداي - اق جۇڭگو ەكونوميكاسىنىڭ دامۋ پايداسىنان دا يگىلىكتەندى. جۇڭگو جوعارى دەڭگەيدەگى سىرتقا ەسىك اشۋدى تاباندىلىقپەن كەڭەيتىپ، بازارلانعان، زاڭمەن باسقارىلاتىن، حالىقارالانعان ماڭداي الدى ساۋدا ورتاسىن ۇزدىكسىز قۇرىپ، ءار ەل كاسىپورىندارىنىڭ جۇڭگودا دامۋىنا اناعۇرلىم جاقسى شارت - جاعداي جاراتادى.
ج ك پ ورتالىق كوميتەتى ساياسي بيۋروسىنىڭ مۇشەسى، بەيجيڭ قالالىق پارتكومنىڭ شۋجيى يىن لي قيمىلعا قاتىناستى ءارى ارناۋ ءسوز سويلەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
