دۇنيە جۇزىلىك دەنساۋلىق ساقتاۋ ۇيىمى جاڭا تيپتى ايدارشا ۆيرۋستى دۇنيە ءجۇزى بويىنشا باقىلاۋ – تەكسەرۋ تورىن ىسكە قوستى
2024.03.29 13:24 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى زىڭ يان 3 – ايدىڭ 27 – كۇنى جەنەۆادان حابارلايدى. دۇنيە جۇزىلىك دەنساۋلىق ساقتاۋ ۇيىمى 3 – ايدىڭ 27 – كۇنى جاريالاعان اقپاراتتىق مالىمدەمەگە قاراعاندا، دۇنيە جۇزىندەگى كاسىپتىك ءبىلىم مەن قابىلەتتى ىلگەرىلەتۋ جانە سايكەستىرۋ، جاڭا تيپتى ايدارشا ۆيرۋس، ورتا شىعىس تىنىس جولى سيندرومى جانە باسقا جاڭادان بايقالعان ايدارشا ۆيرۋستاردى اناعۇرلىم ەرتە تەكسەرۋ، باقىلاۋ جانە ساراپتاۋ ءۇشىن ”ايدارشا ۆيرۋس تورى“ (CoViNet) ىسكە قوسىلعان.
”ايدارشا ۆيرۋس تورى“ ادامزات پەن حايۋانات دەنەسىندەگى جانە قورشاعان ورتاداعى ايدارشا ۆيرۋستى باقىلاۋ جاعىنداعى دۇنيە جۇزىلىك كاسىپتىك تاجىريبەحانالاردان ۇيىمداسقان. اتالعان تور قازىر 21 مەملەكەتتەگى 36 تاجىريبەحانانى قامتيدى، دۇنيە جۇزىلىك دەنساۋلىق ساقتاۋ ۇيىمى بولگەن دۇنيە جۇزىندەگى التى ءىرى ءوڭىردى قامتيدى. تاجىريبەحانالاردىڭ ۋاكىلدەرى 3 – ايدىڭ 26 – كۇنىنەن 27 – كۇنىنە دەيىن جەنەۆادا ءماجىلىس اشىپ، ەڭ سوڭىندا 2024 – جىلدان 2025 – جىلعا دەيىنگى ارەكەت جوسپارىن تۇراقتاندىرىپ، دۇنيە جۇزىلىك دەنساۋلىق ساقتاۋ ۇيىمىنا مۇشە ەلدەردىڭ ايدارشا ۆيرۋسقا قاتىستى دەنساۋلىق ساقتاۋ جاعىنداعى سىناقتاردى ەرتە باستان تەكسەرۋىنە، حاۋىپتى ساراپتاۋىنا جانە شارا قولدانۋىنا اناعۇرلىم ويداعىداي شارت – جاعداي ازىرلەدى.
تانىستىرۋعا قاراعاندا، دۇنيە جۇزىلىك دەنساۋلىق ساقتاۋ ۇيىمى جاڭا تيپتى ايدارشا ۆيرۋس جاڭادان تاراعان كەزدە جاڭا تيپتى ايدارشا ۆيرۋسقا قاتىستى كومەكشى تاجىريبە تورىن ورناتقان، ”ايدارشا ۆيرۋس تورى“ وسى نەگىزدە كەڭەيتىلگەن.
دۇنيە جۇزىلىك دەنساۋلىق ساقتاۋ ۇيىمىنىڭ جۇقپالى اۋرۋلار مەن كەڭ كولەمدى تارالاتىن جۇقپالى اۋرۋلاردان ساقتانۋ جانە ونىڭ الدىن الۋ تاراۋىنىڭ ۋاقىتتىق مەڭگەرۋشىسى ماريا ۆان كەرحوۆ اقپار جاريالاۋ ماجىلىسىندە: ”ايدارشا ۆيرۋسقا قاتىستى دۇنيە جۇزىلىك جاڭا تور الەۋمەتتىك دەنساۋلىق ساقتاۋ ىستەرىنە زور ىقپال جاسايتىن ايدارشا ۆيرۋستى دەر كەزىندە تەكسەرۋگە، باقىلاۋعا جانە ساراپتاۋعا كەپىلدىك ەتەدى“، _ دەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
