شينجياڭدا تۋما جۇرەك اۋرۋى بار بالالاردى تەكسەرىپ، ولارعا كومەكتەسۋ ارەكەتى باستالدى
2024.03.28 13:24 كەلۋ قاينارى : حالىق تورابى
شينجياڭ گازەتىنىڭ 3 – ايدىڭ 26 – كۇنى ۇرىمجىدەن بەرگەن حابارى. انار بۇلت \ شينجياڭ گازەتىنىڭ ءتىلشىسى يۇي شي حابارلايدى. جۇڭگو قىزىل كرەست قور قوعامىنىڭ قولداۋىندا، شينجياڭ قىزىل كرەست قور قوعامىنىڭ 2024 – جىلعى ”پەرىشتە ساپارى — شينجياڭداعى تۋما جۇرەك اۋرۋى بار بالالاردى تەكسەرىپ، ولارعا كومەكتەسۋ ارەكەتى“ 3 – ايدىڭ 24 – كۇنى باستالدى.
3 – ايدىڭ 24 – كۇنىنەن 4 – ايدىڭ 18 – كۇنىنە دەيىن، جۇڭگو قىزىل كرەست قور قوعامى شاڭحاي دىدا ەمحاناسى، بەيجيڭ جيڭدۋ بالالار ەمحاناسى، شاڭحاي مەديتسينا داشۋەسىنىڭ ەمحاناسى، حىنان ولكەلىك بالالار ەمحاناسى (جىڭجوۋ بالالار ەمحاناسى)، جىڭجوۋ قالالىق 7 – حالىق ەمحاناسى، شاندۇڭ 1 – مەديتسينا داشۋەسىنىڭ قاراماعىنداعى ورتالىق ەمحانا قاتارلى ەمحانالاردىڭ ماماندارىمەن جانە ەرىكتىلەرىمەن تىزە قوسا وتىرىپ، بۇكىل شينجياڭداعى 14 ايماقتا (وبلىس، قالا) تۋما جۇرەك اۋرۋى بار بالالاردى تەكسەرۋ ارەكەتىن جاپپاي ورىستەتەدى. وپەراتسيا جاساۋ ولشەمىنە جانە قارجىلاي كومەكتەسۋ شارتىنا ۇيلەسەتىن ناۋقاس بالالاردىڭ بارلىعىنىڭ ەمدەۋ قامسىزداندىرۋىنىڭ ەسەبىنەن كوتەرگەن قاراجاتىنان سىرت بارلىق قاراجاتىن جۇڭگو قىزىل كرەست قوعامى قامدايدى، ناۋقاس بالالاردىڭ ءوزى ەمدەلۋ قاراجاتىن تولەمەيدى، ناۋقاس بالالار مەن ولاردىڭ وتباسىنان بالاسىن كۇتىمدەۋگە جاۋاپتى بولعان ادامنىڭ ەمدەلۋ بارىسىنداعى بارىپ – كەلگەن قاتىناس قاراجاتىن كوتەرەدى، سونىمەن بىرگە، ولاردى تەكسەرۋگە، ەمدەۋگە قاتىناساتىن شيپاگەر ماماندار قىزمەت ىستەيتىن ەمحاناعا ورنالاستىرىپ، وپەراتسيا جاساپ ەمدەيدى.
شينجياڭ قىزىل كرەست قوعامىنىڭ اپاتتان قۇتقارۋ، اپاتتان قۇتقارۋعا دايىندىق كورۋ ورتالىعىنىڭ ورىنباسار مەڭگەرۋشىسى ياسىن ابىلا: ”تۋما جۇرەك اۋرۋى بار بالالاردىڭ وتباسىنداعىلار ەگەر تەكسەرۋ جانە كومەك بەرۋگە قاتىستى جاعدايدى اناعۇرلىم ىشكەرىلەي ۇعىسپاقشى بولسا، سول جەردەگى قىزىل كرەست قوعامىنان كەڭەس سۇراۋىنا نەمەسە شينجياڭ قىزىل كرەست قوعامىنىڭ سالماقتى اۋرۋلار جونىندە كەڭەس سۇراۋ ارناۋلى جەلىسىنە تەلەفون جالعاۋىنا بولادى، تەلەفون ءنومىرى: 0991—2565287“، _ دەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
