شينجياڭدا بۋىن سۇيەگىن بەكەمدەۋ سەمەنتى، جارىقتى تولىقتاۋ تابلەتكاسى قاتارلى 3 توپتاعى شوعىرلى ساتىپ العان ەمدەۋ ماتەريالدارى قولدانۋعا بەرىلدى
باعاسى ەڭ جوعارى بولعاندا %80 ارزاندايدى
2024.03.28 13:22 كەلۋ قاينارى : حالىق تورابى
سۋرەتتە: شينجياڭ اقسۋ قالالىق حالىق ەمحاناسىنىڭ امبۋلاتوريالىق ءدارىحاناسىنىڭ قىزمەتكەرى شوعىرلى ساتىپ العان ءدارى – دارمەكتەردى رەتتەۋدە. (ماتەريالدىق سۋرەت) جيا شياۋماۋ فوتوسى
تيانشان تورى – شينجياڭ گازەتىنىڭ ءتىلشىسى رىن چۇنشياڭ حابارلايدى. ءتىلشىنىڭ شينجياڭ ۇيعۇر اۆتونوميالى رايوندىق ەمدەۋدى قامتاماسىزداندىرۋ مەكەمەسىنەن ۇعىسۋىنشا، 3 – ايدىڭ 25 – كۇنىنەن باستاپ، بەيجيڭ – تيانجين – حىبەي “3+N” بىرلەستىگىنىڭ بۋىن سۇيەگىن بەكەمدەۋ سەمەنتى جانە لياۋنيڭنىڭ جەتەكشىلىگىندەگى ولكەلەر ارا بىرلەستىكتىڭ جارىقتى تولىقتاۋ تابلەتكاسى، ميدىڭ (جۇلىننىڭ) قاتتى قابىعىن تولىقتاۋ تابلەتكاسى قاتارلى ءدارى - دارمەكتەردى شوعىرلى، مولشەرلى ساتىپ الۋ بارىسىندا تاڭداۋ ناتيجەسى شينجياڭدا اتقارىلعان، بۋىن سۇيەگىن بەكەمدەۋ سەمەنتى، جارىقتى تولىقتاۋ تابلەتكاسى جانە ميدىڭ (جۇلىننىڭ) قاتتى قابىعىن تولىقتاۋ تابىلەتكاسى قاتارلى قىمبات باعاداعى ءۇش ءتۇرلى ماتەريالدىڭ باعاسى ارزاندايدى، ارزانداۋ مولشەرى ەڭ جوعارى بولعاندا %80 تەن اسادى.
وسى 3 توپتاعى شوعىرلى ساتىپ العان ەمدەۋ ماتەريالدارىن ساتىپ الۋ پەريودى تۇگەلدەي ەكى جىل، ساتىپ الۋ پەريودى ىشىندە ساتىپ الۋ كەلىسىمشارتىنا ءبىر جىلدا ءبىر رەت قول قويىلادى.
قازىر تاڭدالعان كاسىپورىندار جەتكىزىپ بەرۋ قارىم – قاتىناسىن بەلگىلەنگەن مەرزىم بويىنشا ورناتىپ بولدى، ەمدەۋ قۇرىلىمدارى مەن ءوندىرۋشى (ۋاكىلەتتىك) كاسىپورىندار، جەتكىزۋشى كاسىپورىندار سىندى ءۇش جاقتىڭ كەلىسىمشارتقا قول قويۋى دا اياقتاۋ الدىندا تۇر، شينجياڭ ۇيعۇر اۆتونوميالى رايوندىق ەمدەۋدى قامتاماسىزداندىرۋ مەكەمەسى بۋىن سۇيەگىن بەكەمدەۋ سەمەنتى قاتارلى 3 توپتاعى ەمدەۋ ماتەريالدارى جونىندە ءۇش جاقتىڭ كەلىسىمشارتىنا قول قويۋ جاعدايىن قولايلى ۋاقىتتا رەتتەپ، تاڭداۋ ناتيجەسىنىڭ ورنىقتى اتقارىلۋىنا كەپىلدىك ەتەدى.
شينجياڭ ۇيعۇر اۆتونوميالى رايوندىق ەمدەۋدى قامتاماسىزداندىرۋ مەكەمەسى شوعىرلى، مولشەرلى ساتىپ الۋ قىزمەتىنىڭ قامتيتىن كولەمى مەن تۇرلەرىن ۇزدىكسىز كەڭەيتىپ، ەمدەۋ ماتەريالدارىنىڭ باعاسىنداعى قالىپسىز مولشەردى ۇزدىكسىز قىسقارتادى، وسى رەتكى 3 تۇردەگى ەمدەۋ ماتەريالدارىن شوعىرلى ساتىپ الۋ بارىسىندا تاڭدالعان ناتيجەنى اتقارۋ ارقىلى ەمدەۋ قۇرىلىمدارىنىڭ ساتىپ الۋ قاراجاتىن زور مولشەردە ۇنەمدەۋگە، وسى ارقىلى ناۋقاستاردىڭ ەمدەلۋ اۋىرتپالىعىن اناعۇرلىم جەڭىلدەتۋگە بولادى. كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
