شينجياڭدا ساياحات سالاسىندا قىزمەت وتەۋ ساپاسىن جوعارىلاتۋ ارەكەتى ورىستەتىلەدى
زات باعاسى، دارەتحانا، ساياحات سەرىكتەستىگىنىڭ كەلىسىمشارتتى اتقارماۋى سىندى ءۇش ءىرى ماسەلەنى ارناۋلى جونگە سالادى
2024.03.28 14:02 كەلۋ قاينارى : حالىق تورابى
شينجياڭ گازەتىنىڭ 3 – ايدىڭ 26 – كۇنى ۇرىمجىدەن بەرگەن حابارى. انار بۇلت \ شينجياڭ گازەتىنىڭ ءتىلشىسى ياۋ گاڭنىڭ شينجياڭ ۇيعۇر اۆتونوميالى رايوندىق مادەنيەت جانە ساياحات مەڭگەرمەسىنەن ۇعىسۋىنشا، بيىل شينجياڭدا ساياحات سالاسىندا قىزمەت وتەۋدىڭ ساپاسىن جوعارىلاتۋ ارەكەتى ورىستەتىلەدى، شينجياڭدا زات باعاسى، دارەتحانا، ساياحات سەرىكتەستىگىنىڭ كەلىسىمشارتتى اتقارماۋى سىندى ءۇش ءىرى ماسەلە ارناۋلى جونگە سالىنادى، اس – سۋ، جاتىن ورىن، قاتىناس، شەكارادان كىرىپ ساياحاتتاۋ، ماركانىڭ ىقپالى، حاۋىپسىز ءوندىرىس قاتارلى التى ءتۇرلى جاقتان ساياحات سالاسىندا قىزمەت وتەۋ ساپاسىن جوعارىلاتۋ ارەكەتى ورىستەتىلەدى، وسى ارقىلى ساياحات سالاسىندا قىزمەت وتەۋ ساپاسىنا ىقپال جاسايتىن كورنەكتى ماسەلەلەردى شەشىم ەتىپ، شينجياڭنىڭ مادەنيەت جانە ساياحات سالاسىنىڭ بەدەلى مەن ىقپالىن ۇزدىكسىز جوعارىلاتادى.
رەتكە سالۋ، جونگە سالۋ ارناۋلى ارەكەتى بارىسىندا كورىنىس رايوندارىنىڭ ەسىك بەلەتى، اس – سۋ، جاتىن ورىن قاتارلىلاردىڭ باعاسىنا باقىلاۋ – باسقارۋ جۇرگىزۋدى كۇشەيتىپ، تۇتىنۋشىلار مەن تيجاراتشىلاردىڭ زاڭدى ۇقىق – مۇددەسىن قورعايدى، ساياحاتشىلاردىڭ كورىنىس رايونىندا ساياحاتتاۋ بارىسىنداعى جان – جاقتى اۋىرتپالىعىن ۇيلەسىمدى جەڭىلدەتەدى؛ A دارەجەلى كورىنىس رايونىنداعى دارەتحانالار قۇرىلىسىنىڭ ساپاسىنىڭ، قىزمەت وتەۋ ورەسىنىڭ ”قاتاڭ ولشەمىن“ جوعارىلاتىپ، بۇكىل رايونداعى بارلىق A دارەجەلى كورىنىس رايوندارىنا قايتالاي تەكسەرۋ جۇرگىزەدى، جىل بويى ساياحات ورىندارىندا جاڭادان 171 دارەتحانا سالىپ، ەسكىرگەن كونە دارەتحانالاردان 510 دارەتحانانى وزگەرتىپ سالادى، مايتاۋ – كۇشار تاس جولىنىڭ بويى، S101 تاس جولىنىڭ بويى، سايرام كورىنىس رايونى، قاناس كورىنىس رايونى، كوكتوعاي كورىنىس رايونى قاتارلى جەرلەردە كەمىندە 280 نەشە جىلجىمالى دارەتحانانى (قۇراستىرمالى دارەتحانا) ارتتىرادى؛ كوپ تاراۋ تىعىز سايكەسىپ، ساياحات سەرىكتەستىكتەرىنىڭ كەلىسىمشارتتى اتقارماۋى جاعىنداعى شاعىمدالۋعا، اشكەرەلەۋگە قاتىستى دەرەكتەردى جانە ۇيلەسىمسىز تومەن باعادا ساياحات ۇيىمداستىرۋ، جالعان ۇگىت جاساۋ قاتارلى زاڭ – تۇزىمگە قايشى ارەكەتتەردى تۇبەگەيلى تەكسەرەدى؛ الدامكوستىك ىستەۋ جانە زات ساتىپ الۋعا ماجبۇرلەۋ قاتارلى ارەكەتتەرگە قاتاڭ سوققى بەرىپ، ساياحات ورنىنداعى زات ساتاتىن ورىنداردىڭ تيجارات ءتارتىبىن جۇيەگە ءتۇسىرىپ، الاڭسىز، قامسىز، جايلى تۇتىنۋ ورتاسىن جاراتادى.
قىزمەت وتەۋ ساپاسىن جوعارىلاتۋ جاعىنداعى التى ءتۇرلى ارەكەتتى ورىستەتىپ، اس – سۋ سالاسىن باسقارۋدى كۇشەيتىپ، اس – سۋ بازارىنىڭ ءتارتىبىن جۇيەگە تۇسىرەدى؛ ساياحاتتىق قونالقى كاسىبىنىڭ ساپاسىن، دارەجەسىن جوعارىلاتادى؛ ساياحاتتىق جولاۋشى تاسىمالىن باسقارۋدى كۇشەيتىپ، ساياحاتتىق جولاۋشى تاسىمالى بازارىنىڭ ءتارتىبىن جۇيەگە ءتۇسىرىپ، ساياحاتشىلاردىڭ شينجياڭدا ساياحاتتاۋىنىڭ قولايلىلىق دەڭگەيىن جوعارىلاتادى؛ ”ىقىلاستى شينجياڭ“ ماركاسىن جاراتىپ، ساياحاتشىلاردىڭ ريزالىق مولشەرىن جوعارىلاتادى؛ حالىقارالىق بازارعا باعىتتالعان اناعۇرلىم كوپ ساياحاتتىق ونىمدەردى اشادى؛ ءوندىرىس حاۋىپسىزدىگىن كۇشەيتىپ، ساياحاتشىلارعا ساپالى، حاۋىپسىز ساياحات ورتاسىن ازىرلەيدى.
مۇنان سىرت، بيىل شينجياڭ ”مادەنيەت جانە ساياحات جاعىنداعى باستان كەشىرۋشى قىزمەتكەر“ ءتۇزىمىن اتقارىپ، مادەنيەت جانە ساياحات جاعىنداعى باستان كەشىرۋشى قىزمەتكەرلەردى جىبەرۋ ارقىلى كەزدەيسوق جاسىرىن تەكسەرۋ فورماسىن قولدانىپ، ساياحاتشىلاردىڭ اڭىسى كۇشتى بولعان كورنەكتى ماسەلەلەردى شەشىم ەتۋدى بەلسەندى ىلگەرىلەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
