نارەستەلەر مەن سابيلەردى بالا باعۋ ورنىنا بەرۋگە قاتىستى بۇل ولشەم 4 – ايدىڭ 1 – كۇنىنەن باستاپ اتقارىلادى
2024.04.01 16:03 كەلۋ قاينارى : حالىق تورابى
«بالا باعۋ قۇرىلىمدارىنىڭ ساپاسىن ساراپتاۋ ولشەمى» 4 – ايدىڭ 1 – كۇنىنەن باستاپ اتقارىلادى. ولشەمدە مىنالار تۇراقتاندىرىلعان: بالا باعۋ قۇرىلىمدارى بالا باعۋ جاعىندا قىزمەت وتەۋ تيجارات كۋالىگىنە يە بولۋى، تيجارات كولەمىندە ”بالا باعۋ جاعىندا قىزمەت وتەۋ“ نەمەسە ”3 جاستان تومەنگى نارەستەلەر مەن سابيلەردى قاراۋ“ دەگەن مازمۇن انىق ەسكەرتىلۋى كەرەك.
«بالا قاراۋ قۇرىلىمدارىنىڭ ساپاسىن ساراپتاۋ ولشەمىندە» بالا باعۋ قۇرىلىمدارىنىڭ شارت – جاعدايى، تولىمدىلىعى، ورتاسى، اسپاپتارى مەن قۇرىلعىلارى، ويىنشىقتارىنىڭ ماتەريالدارى قاتارلىلار جونىندە ايقىن بەلگىلەمە شىعارىلعان. مۇندا مىنالار ايقىن بەلگىلەنگەن: بالا باعۋ قۇرىلىمدارى بالا باعۋ جاعىندا قىزمەت وتەۋ تيجارات كۋالىگىنە يە بولۋى، تيجارات كولەمىندە ”بالا باعۋ جاعىندا قىزمەت وتەۋ“ نەمەسە ”3 جاستان تومەنگى نارەستەلەر مەن سابيلەردى قاراۋ“ دەگەن مازمۇن انىق ەسكەرتىلۋى كەرەك. نارەستەلەر مەن سابيلەردىڭ تۇرمىس كەشىرۋىنە، ويىن ويناۋىنا قاجەتتى تۇرمىسقا پايدالاناتىن ۇيلەر مەن ۇيلەسىمدى قوسالقى ۇيلەر بولۋى كەرەك. نارەستەلەر مەن سابيلەردىڭ تۇرمىس كەشىرۋىنە قاجەتتى ۇيلەر 3 قاباتتان (3 قاباتتى قامتيدى) الاسا بولۋى، جەر استى بولمەسىنە نەمەسە جارتىلاي جەر استى بولمەسىنە ورنالاستىرىلماۋى كەرەك. نارەستەلەر مەن بالالار پايدالاناتىن ءۇي جارىق بولۋى، تابيعي جارىق تۇسەتىن بولۋى، تۇرمىسقا پايدالاناتىن ۇيلەردىڭ تەرەزەسىنىڭ جارىق ءتۇسۋ كولەمىنىڭ كەڭدىگى سول بولمەنىڭ كولەمىنىڭ %20 نەن تومەن بولماۋى كەرەك ت.ب.
بالا باعۋشى قىزمەتكەرلەر جاعىندا ولشەمدە مىنالار اتاپ كورسەتىلگەن: بالا باعۋ قۇرىلىمدارىنىڭ جاۋاپتىسى ارناۋلى كۋرس نەمەسە ودان جوعارى ماعلۇماتقا يە بولۋى، بالا باعۋ – تاربيەلەۋ، دەنساۋلىق ساقتاۋ – سالاماتتىق قاتارلى قاتىستى سالالاردا 3 جىل نەمەسە ودان جوعارى باسقارۋ قىزمەتىن ىستەگەن بولۋى قاجەت. بالا باعۋ قۇرىلىمىنىڭ بارلىق قىزمەتكەرلەرىندە دەنساۋلىق جاعدايى جونىندەگى ىسپات بولۋى، ازاماتتىق ارەكەت قابىلەتى بۇكىلدەي تولىق بولۋى، نوپوسى تۇرعان ورىنداعى نەمەسە قونىستانعان ورىنداعى قوعام حاۋىپسىزدىگى بولىمشەسى قىلمىس وتكىزبەگەنى جونىندە ىسپات بەرۋى كەرەك. (باس ستانسيا ورتالىق تەلەۆيزيا ءتىلشىسى موۋ تيتي)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
