شينجياڭداعى جوعارى مەكتەپتەن وقۋ بىتىرەتىن ستۋدەنتتەر نازار اۋدارىڭىزدار!
جۇمىستانۋ جاعىندا مەكتەپ اۋلاسىنا بارىپ الەۋمەتتىك قىزمەت وتەۋ قيمىلى باستالدى
2024.04.01 16:07 كەلۋ قاينارى : حالىق تورابى
تيانشان تورى – شينجياڭ گازەتىنىڭ ءتىلشىسى ما بەي حابارلايدى. 3 – ايدىڭ 31 – كۇنى شينجياڭ ۇيعۇر اۆتونوميالى رايونىنىڭ جۇمىستانۋ جاعىندا مەكتەپ اۋلاسىنا بارىپ الەۋمەتتىك قىزمەت وتەۋ قيمىلى شينجياڭ داشۋەسىنىڭ (حۇڭحۋ مەكتەپ رايونى) دەنە تاربيە سارايىندا باستالدى، باسقا ايماق، وبلىس، قالالاردا ءبىر ۋاقىتتا ورىستەتىلدى.
وسى رەتكى قيمىل ”شينجياڭدا جۇمىستانىپ، جاستىق كوكتەمدە ساپارعا اتتانۋ“ تاقىرىبىندا وتكىزىلگەن، قيمىلدىڭ ماقساتى جوعارى مەكتەپتەن وقۋ بىتىرەتىن وقۋشىلارعا جۇمىستانۋ جاعىندا كوپ ساتىلى، جان – جاقتى، دالمە – ءدال الەۋمەتتىك قىزمەت وتەۋ بولىپ تابىلادى.
قيمىل وتكىزىلگەن كۇنى جۇڭگو قۇرىلىس بانكەسىنىڭ شينجياڭ بولىمشەسى، جۇڭگو قۇرىلىس سەرىكتەستىگىنىڭ شينجياڭ قۇرىلىس ينجەنەرياسى توبى 5 – قۇرىلىس ينجەنەرياسى شەكتى سەرىكتەستىگى، شينجياڭ شۇنفىڭ جەدەل تاسىمال شەكتى سەرىكتەستىگى قاتارلى 123 كاسىپورىن قاتىناسىپ، 3320 دان استام جۇمىس ورنىن ازىرلەگەن، بۇل جۇمىس ورىندارى ەكونوميكا، نازاريالىق فيزيكا، ينجەنەريالىق ءپان قاتارلى كاسىپتەردى قامتىپ، وقۋ بىتىرەتىن ستۋدەنتتەردەن 4000 نان استام ستۋدەنتتى قيمىل ورنىنا بارىپ جۇمىس ىزدەۋگە باۋراعان.
قيمىل بارىسىندا ينتەرنەت ارقىلى قىزمەتكەر قابىلداۋ، تىكە تاراتىلىم ارقىلى جۇمىس ورنىن تانىستىرۋ ءبىر ۋاقىتتا ورىستەتىلىپ، ينتەرنەت ارقىلى جۇمىس ىزدەۋشىلەر مەن قىزمەتكەر قابىلدايتىن كاسىپورىندار اراسىنا ينتەرنەت جەلىسىندە كوپىر سالعان. ساناققا قاراعاندا، ينتەرنەت ارقىلى قىزمەتكەر قابىلداۋ قيمىلىنا 2890 ادام (رەت) قاتىناسىپ، 3985 ادام ينتەرنەت ارقىلى جانە ينتەرنەتتەن تىس ءوزىنىڭ قىسقاشا ءومىر بايانىن تاپسىرعان. بۇل قيمىل 6 – ايدىڭ اياعىنا دەيىن وتكىزىلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
