ءتورت تاراۋ: ”مايسىزداندىرعىش“ قاتارلى شەكتەلگەن ءدارى قوسۋ، سيىر (قوي، ەسەك) ەتىن جالعاننان جاساۋ قاتارلى زاڭعا قايشى ارەكەتتەردى قاتاڭ انىقتاپ ءبىرجاقتى ەتەدى
2024.04.02 15:42 كەلۋ قاينارى : حالىق تورابى
ءتىلشىنىڭ 4 – ايدىڭ 1 – كۇنى ۇعىسۋىنشا، مەملەكەتتىك كەڭەستىڭ ازىق – تۇلىك حاۋىپسىزدىگى كوميتەتىنىڭ كەڭسەسى، قوعام حاۋىپسىزدىگى مينيسترلىگى، اۋىل شارۋاشىلىعى جانە اۋىل – قىستاق مينيسترلىگى، بازاردى باقىلاۋ – باسقارۋ باس مەكەمەسى جۋىردا «ەت ونىمدەرىنە ساياتىن زاڭعا قايشى قىلمىستىق ىستەرگە قاتاڭ سوققى بەرۋ جاعىنداعى ارناۋلى جونگە سالۋ ارەكەتىن ورىستەتۋ جونىندەگى ۇقتىرۋدى» جاريالاپ، ءارقايسى جەرلەردىڭ ەت ونىمدەرىنە ساياتىن زاڭعا قايشى قىلمىستىق ىستەرگە سوققى بەرۋى جونىندە 8 اي ارناۋلى جونگە سالۋ ارەكەتىن ورىستەتۋى تۋرالى ورنالاستىرۋ جاسادى.
«ۇقتىرۋدا» مىنالار تالاپ ەتىلگەن: دوڭىز، سويىس سيىر، سويىس قوي، ەتتىك تاۋىق جانە ولاردىڭ ەتىنەن جاسالعان ونىمدەردى باستى ءتۇيىن ەتىپ، ەت ونىمدەرىنە ساياتىن زاڭعا قايشى قىلمىستىق ىستەردىڭ دەرەگىن قاينارىنان باستاپ قازبالاپ تەكسەرىپ، مال جانە ءۇي قۇستارىن باعۋ، سويۋ، زالالسىزداندىرىپ ءبىرجاقتى ەتۋ، ەت جانە ەتتەن جاسالعان ونىمدەردى ءوندىرۋ مەن تيجارات ەتۋ جالپى تىزبەگى جاعىندا ارناۋلى جونگە سالۋ ارەكەتىن ورىستەتۋ، زاڭسىز سويۋ، مانەرلەۋ، ساتۋ تىزبەگىن باتىل ءۇزۋ كەرەك. ءبىر توپ ءتۇيىندى دەلولاردى انىقتاپ ءبىرجاقتى ەتۋ، زاڭعا قايشى تيجارات جۇرگىزگەن ءبىر توپ دۇكەندەردى جابۋ - توقتاتۋ، زاڭعا قايشى قىلمىستى ەلەمەنتتەردەن ءبىر توبىن جازالاۋ، ءبىر توپ تيپتىك دەلولاردى اشكەرەلەۋ ارقىلى ەت ونىمدەرىنە قاتىستى زاڭعا قايشى قىلمىستىق ىستەرگە قاتاڭ سوققى بەرىپ، ەت ونىمدەرىنىڭ ساپاسىنىڭ حاۋىپسىزدىگىنە ساياتىن ۇزاق مەرزىمدىك ءونىمدى باقىلاۋ – باسقارۋ مەحانيزمىن كەمەلدەندىرىپ، ەت ونىمدەرىنىڭ ساپاسىنىڭ حاۋىپسىزدىگىنە كەپىلدىك ەتۋ كەرەك.
«ۇقتىرۋدا» مىنالار ايقىن بەلگىلەنگەن: ءتۇيىندى وڭىرلەر مەن ءتۇيىندى ورىنداردى قاداعالاپ، ءبىر – بىرلەپ تەكسەرۋ مەن جاسىرىن تەكسەرۋ ورىستەتۋ، ماسەلەلەردىڭ دەرەگىنىڭ تىزىمدىگىن ورناتۋ كەرەك. بايقالعان زاڭ – تۇزىمگە قايشى ارەكەتتەرگە ءىز قۋالاپ تەكتەۋ ورىستەتىپ، قىزمەتتىڭ باس – اياعىن ۇشتاستىرۋ كەرەك. جەر – جەردەگى اۋىل شارۋاشىلىعى جانە اۋىل – قىستاق تاراۋلارى دوڭىز، سويىس سيىر، سويىس قوي جانە ەتتىك تاۋىق باعاتىن الاڭداردى (وتباسىلاردى) باستى ءتۇيىن ەتىپ، ”مايسىزداندىرعىش“ قاتارلى شەكتەلگەن ءدارىنى پايدالانۋ، اۋىرىپ ولگەن مال مەن ءۇي قۇستارىن ساتۋ نەمەسە الباتى ءبىرجاقتى ەتۋ قاتارلى زاڭعا قايشى ارەكەتتەردى قاتاڭ تەكسەرىپ ءبىرجاقتى ەتۋ جونىندە ورنالاستىرۋ جاساۋى كەرەك. سويىسحانا (الاڭ) جانە زالالسىزداندىرىپ ءبىرجاقتى ەتۋ ورىندارىنا ءتۇيىندى تۇردە تەكسەرۋ جۇرگىزىپ، ءوز بىلگەنىنشە الباتى سويۋ، ەتكە سۋ جىبەرۋ، ۋكىل قويۋ نەمەسە باسقا زاتتاردى قوسۋ، ولگەن مال ەتى مەن قۇس ەتىن ساتىلاتىن ەت ورنىندا قوراپتاۋ قاتارلى زاڭسىز ارەكەتتەردى قاتاڭ تەكسەرىپ ءبىرجاقتى ەتۋى كەرەك. جەر – جەردەگى بازاردى باقىلاۋ – باسقارۋ تاراۋلارى وندىرۋشىلەردىڭ جانە تيجاراتشىلاردىڭ ازىق – تۇلىك حاۋىپسىزدىگى جاعىنداعى نەگىزگى تۇلعالىق جاۋاپكەرشىلىگىن تياناقتاندىرۋ جاعدايىن تەكسەرۋى جانە ولاردى قۋزاستىرۋى، كەلۋ قاينارى انىق ەمەس، تەكسەرۋ مەن كارانتيندەۋدەن وتپەگەن، تەكسەرۋ مەن كارانتيندەۋدە تولىمسىز بولعان مال ەتى جانە قۇس ەتى ونىمدەرىن پايدالانۋ نەمەسە ساتۋ، سونداي – اق، سيىر (قوي، ەسەك) ەتىن جالعاننان جاساۋ قاتارلى زاڭعا قايشى ارەكەتتەردى قاتاڭ تەكسەرىپ ءبىرجاقتى ەتۋى جونىندە ورنالاستىرۋ جاساۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
