كوكشىبىق مەرەكەسى كەزىندە بۇكىل شينجياڭنىڭ باسىم كوپ جەرىندە كۇن اشىق بولادى
سولتۇستىك شينجياڭنىڭ سولتۇستىك بولەگى، شىعىس بولەگىندەگى ٴىشىنارا جەرلەردە سەبەزگى جاڭبىر جاۋادى
2024.04.03 16:36 كەلۋ قاينارى : حالىق تورابى
4 - ايدىڭ 2 – كۇنى ءتىلشىنىڭ شينجياڭ اۋا رايى ستانسياسىنان ۇعىسۋىنشا، كوكشىبىق مەرەكەسى كەزىندە (4 - ايدىڭ 4 - كۇنىنەن 6 - كۇنىنە دەيىن) بۇكىل شينجياڭنىڭ باسىم كوپ جەرىندە كۇن اشىق بولادى، تەك سولتۇستىك شينجياڭنىڭ سولتۇستىگى مەن شىعىس بولىگىندەگى ءىشىنارا جەرلەردە سەبەزگى جاڭبىر جاۋادى، وڭتۇستىك شينجياڭ ويپاتىنىڭ ءىشىنارا وڭىرلەرىندە قۇمدى بوران سوعادى. بۇكىل شينجياڭنىڭ باسقا جەرلەرىندە كۇن اشىق بولادى، اۋا تەمپەراتۋراسى بىرتىندەپ جوعارىلايدى. شينجياڭ اۋا رايى ستانسياسى مىنانى ەسكەرتتى: مەرەكە كەزىندە اۋا تەمپەراتۋراسى قابىر سىپىرۋعا جانە سىرتقا شىعۋعا ۇيلەسەدى، ءبىراق ءورت قاتەرى اۋا رايى حاۋىپ - قاتەرى دارەجەسى ءبىرشاما جوعارى، وتتان حاۋىپسىز پايدالانۋعا كوڭىل ءبولۋ كەرەك.
الدىن الا مالىمەتتە كورسەتىلۋىنشە، ءالسىز سۋىق اعىستىڭ ىقپالىنان 4 – ايدىڭ 4 – كۇنىنەن 6 – كۇنىنە دەيىن التاي ايماعى، ءۇرىمجى قالاسى، سانجى حۇيزۋ اۆتونوميالى وبلىسى، تيانشان تاۋلى رايونى، وڭتۇستىك شينجياڭنىڭ باتىس بولىگىندەگى تاۋلى رايوندار، بايىنعولين موڭعۇل اۆتونوميالى وبلىسىنىڭ سولتۇستىك بولەگى، قۇمىل قالاسىنىڭ سولتۇستىگىندەگى تاۋلى وڭىرلەر سياقتى جەرلەردىڭ ءىشىنارا وڭىرلەرىندە ىلگەرىندى ـ كەيىندى سەبەزگى جاڭبىر نەمەسە قار ارالاس جاڭبىر جاۋادى، ءىشىنارا جەرلەردە قالىڭ جاڭبىر نەمەسە قالىڭ قار جاۋدى. جاۋىن - شاشىنعا ىلەسە، سولتۇستىك شينجياڭنىڭ سولتۇستىگى، تۇرپان قالاسى، قۇمىل قالاسى سياقتى جەرلەردىڭ ءىشىنارا وڭىرلەرىندە 5 بال اينالاسىندا باتىس سولتۇستىك جەلى سوعادى، جەل وتىندە 9 بال اينالاسىندا بوران سوعادى، وڭتۇستىك شينجياڭ ويپاتىنىڭ ورتا، شىعىس بولەگىندە قيىس شىعىستان 5 تە 6 بال بوران سوعادى، وڭتۇستىك شينجياڭ ويپاتىنىڭ ءىشىنارا وڭىرلەرىندە تۇرلىشە دارەجەدە قۇمدى بوران سوعادى.
مەرەكە كەزىندە بۇكىل شينجياڭنىڭ باسىم كوپ وڭىرلەرىندە اۋا تەمپەراتۋراسى بىرتىندەپ جوعارىلاپ، ەڭ جوعارى اۋا تەمپەراتۋراسى سولتۇستىك شينجياڭداعى جازىق جەرلەردىڭ باسىم كوپ بولەگىندە 9 دا 17 سەلتسي گرادۋسقا شىعادى، وڭتۇستىك شينجياڭ، شىعىس شينجياڭ جازىقتارىنىڭ باسىم كوپ بولەگىندە 12 دە 24 سەلتسي گرادۋسقا شىعادى، تاۋلى رايونداردا نولدەن تومەن 3 تە 8 سەلتسي گرادۋسقا شىعادى؛ ەڭ تومەن تەمپەراتۋرا سولتۇستىك شينجياڭداعى جازىق جەرلەردىڭ باسىم كوپ بولەگىندە بولىپ، نولدەن تومەن 1 دە 7 سەلتسي گرادۋسقا شىعادى، وڭتۇستىك شينجياڭدا، شىعىس شينجياڭ جازىعىنىڭ كوپ بولەگىندە 5 تە 12 سەلتسي گرادۋسقا شىعادى، تاۋلى رايونداردا نولدەن تومەن 9 دا 0 سەلتسي گرادۋسقا شىعادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
