ەڭ جوعارى بولعاندا 30 سەلتسي گرادۋسقا شىعادى! شينجياڭنىڭ باسىم كوپ جەرىندە اۋا رايى جىلىنادى
2024.04.07 16:19 كەلۋ قاينارى : حالىق تورابى
جىلى اۋانىڭ اسەرىندە، الداعى بىرنەشە كۇندە شينجياڭنىڭ باسىم كوپ جەرىندە ءبىر رەتكى ىستىق اۋا رايى بولىپ، ءىشىنارا وڭىرلەردە ەڭ جوعارى تەمپەراتۋرا 30 سەلتسي گرادۋس اينالاسىندا جوعارىلايدى.
”كوكشىبىق مەرەكەسى كەزىندە جاڭبىر تولاستامايدى“ دەگەن ٴسوز بار، ءبىراق بيىلعى كوكشىبىق دەمالىسى كەزىندەگى اۋا رايى توتەنشە جاقسى بولدى. شينجياڭ اۋا رايى مەكەمەسىنىڭ حابارىنا قاراعاندا، دەمالىستان ەكى كۇن بۇرىن، شينجياڭدا ءىشىنارا وڭىرلەردە عانا سەبەزگى جاڭبىر جاۋعان، قالعان كوپ ءبولىم جەرلەردە اۋا رايى جىلىنىپ، جىلى اۋا تەمپەراتۋرانىڭ ەڭ جوعارى شەگىنە جەتۋىن قامتاماسىز ەتكەن.
شينجياڭ اۋا رايى مەكەمەسىنىڭ مەجەلەۋىنشە، 4 - ايدىڭ 5 - كۇنىنەن 8 - كۇنىنە دەيىن سولتۇستىك شينجياڭداعى جازىق وڭىرلەردىڭ ەڭ جوعارى تەمپەراتۋراسى 17 دە 23 سەلتسي گرادۋسقا دەيىن جوعارىلاپ، شىعىس شينجياڭ مەن وڭتۇستىك شينجياڭداعى جازىق رايونداردىڭ ەڭ جوعارى تەمپەراتۋراسى 24 تە 28 سەلتسي گرادۋسقا جەتەدى.
بۇدان سىرت، ورتالىق اۋا رايى ستانسياسىنىڭ مەملەكەت بويىنشا ەڭ جوعارى تەمپەراتۋرا جونىندەگى الدىن الا مالىمەت كەستەسىنە نەگىزدەلگەندە، 4 - ايدىڭ 5 - كۇنىنەن 12 - كۇنىنە دەيىن، شينجياڭنىڭ باسىم كوپ ساندى جەرىندە تەمپەراتۋرا جوعارىلاۋ كۇيىندە بولىپ، تەمپەراتۋراعا ۋاكىلدىك ەتەتىن تۇستەر سولعىننان قويۋلايدى، 4 - ايدىڭ 12 – كۇنىنە بارعاندا، وڭتۇستىك شينجياڭ مەن شىعىس شينجياڭنىڭ ءبىر ءبولىم وڭىرلەرىندە ەڭ جوعارى تەمپەراتۋرا 28 دە 32 سەلتسي گرادۋسقا جەتەدى.
ورتالىق قالا ءۇرىمجىنىڭ اۋا رايى دا بارعان سايىن جوعارىلاپ كەلەدى، اۋا رايىنان الدىن الا بەرىلگەن مالىمەتتەن قاراعاندا، ۇرىمجىدە الداعى بىرنەشە كۇن نەگىزىنەن اشىق نەمەسە بۇلتتى بولادى، ەڭ جوعارى تەمپەراتۋرا 4 - ايدىڭ 5 - كۇنگى 12 سەلتسي گرادۋستان 4 - ايدىڭ 9 – كۇنى 23 سەلتسي گرادۋسقا شىعادى. ەسكەرتە كەتەتىن ءبىر ءجايت، 4 – ايدا جىلى – سۋىق اۋا رايى الماسىپ تۇرادى، سوندىقتان اۋا تەمپەراتۋراسى دا وسىعان بايلانىستى تۇراقسىز بولادى، بىردە سۋىق، بىردە ىستىق بولادى، سونىمەن بىرگە، كۇندىز بەن ءتۇننىڭ تەمپەراتۋرا پارقى ءبىرشاما زور بولادى، كوپشىلىك ءالى دە جىلى كيىنۋگە كوڭىل ءبولىپ، كيىم - كەشەكتى دەر كەزىندە لايىقتى كيۋ كەرەك.
اۋا رايى تاراۋلارى مىنانى ەسكەرتتى: قازىر بۇكىل شينجياڭنىڭ باسىم كوپ ساندى جەرىندە تەمپەراتۋرا جوعارىلاعاندىقتان، تاۋلى وڭىرلەردىڭ ءىشىنارا جەرلەرىندە قار ەرۋدەن بولاتىن تاسقىن مەن كوشكىننەن ساقتانۋ قاجەت.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
