الدىڭعى 2 ايدا جاڭادان قۇرىلعان شەتەل ساۋداگەرلەرى قارجى قوسقان كاسىپورىندار سايكەس مەزگىلدەگىدەن %34.9 ارتتى (جاڭا ساندى مالىمەت، جاڭا ءتۇيىن)
جوعارى تەحنيكالى كاسىپ سالاسىندا ناقتى پايدالانىلعان شەتەل قارجىسى 71 ميلليارد 440 ميلليون يۋان بولدى
2024.04.07 16:15 كەلۋ قاينارى : حالىق تورابى
«حالىق گازەتى»، 4 - ايدىڭ 6 - كۇنى، بەيجيڭ (ءتىلشى لو شانشان). ساۋدا مينيسترلىگى تاياۋدا جاريالاعان ساندى مالىمەتتە كورسەتىلۋىنشە، بيىل الدىڭعى 2 ايدا بۇكىل ەل بويىنشا شەتەل ساۋداگەرلەرى قارجى قوسقان 7160 كاسىپورىن جاڭادان قۇرىلىپ، سايكەس مەزگىلدەگىدەن %34.9 ارتىپ، سوڭعى 5 جىلدان بەرگى ەڭ جوعارى ورە بولىپ، ەل ارالىق سەرىكتەستىكتەردىڭ ەلىمىز بازارىنىڭ دامۋ ورايىنا نازار اۋدارىپ، جۇڭگوعا ۇزدىكسىز قارجى قوسقانىن ايگىلەدى.
قۇرىلىمنان قاراعاندا، الدىڭعى 2 ايدا جوعارى تەحنيكالى كاسىپتەردە جاڭادان قۇرىلعان شەتەل ساۋداگەرلەرى قارجى قوسقان كاسىپورىندار 1865 بولىپ، سايكەس مەزگىلدەگىدەن %32.2 ارتقان؛ ناقتى پايدالانىلعان شەتەل قارجىسى 71 ميلليارد 440 ميلليون يۋان بولىپ، بۇكىل ەل بويىنشا ناقتى پايدالانىلعان شەتەل قارجىسىنىڭ سالىستىرماسى %33.2 كە جەتىپ، 2023 - جىلدىڭ ۇقساس مەزگىلىندەگىدەن 1.2 پايىز جوعارىلاعان. مۇنىڭ ىشىندە جوعارى تەحنيكالى جاساۋ كاسىبىندە ناقتى پايدالانىلعان شەتەل قارجىسى 28 ميلليارد 270 ميلليون يۋان بولىپ، سايكەس مەزگىلدەگىدەن %10.1 ارتقان.
كەلۋ قاينارىنان قاراعاندا، ءىشىنارا دامىعان ەكونوميكالىق تۇلعالاردىڭ ەلىمىزگە قوسقان قارجىسىنىڭ ارتۋى ءبىرشاما تەز بولعان. الدىڭعى 2 ايدا فرانسيانىڭ، يسپانيانىڭ، اۆستراليانىڭ جۇڭگوعا قوسقان ناقتى قارجىسى جەكە - جەكە %585.8، %399.3، %144.5 ارتقان.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
