باي اۋدانىندا 5.4 بال جەر سىلكىندى، قازىرشە ءولىم - ءجىتىم جونىندە مالىمەت جوق
2024.04.08 14:59 كەلۋ قاينارى : حالىق تورابى
شينحۋا اگەنتتىگىنىڭ 4 ـ ايدىڭ 7 ـ كۇنى ۇرىمجىدەن بەرگەن حابارى. 4 ـ ايدىڭ 7 ـ كۇنى ساعات 16دان 46 مينۋت وتكەندە شينجياڭ اقسۋ ايماعى باي اۋدانىندا (سولتۇستىك ەندىك 41.94 گرادۋس، شىعىس بويلىق 82.14 گرادۋس) 5.4 بال جەر سىلكىندى، سىلكىنىس قاينارىنىڭ تەرەڭدىگى 17 كيلومەتر. جەرگىلىكتى ورىندا كورنەكتى سىلكىنىس بولدى، قازىرگە دەيىن ءولىم - ءجىتىم جونىندە مالىمەت جوق.
جۇڭگو جەر سىلكىنىسىن باقىلاۋ ستانسياسى تورابىنىڭ حابارىنا قاراعاندا، وسى رەتكى جەر سىلكىنىسىنىڭ سىلكىنىس قاينارىنىڭ تەرەڭدىگى 17 كيلومەتر، توڭىرەكتەگى 5 كيلومەتر جەردەگى قىستاقتان تاعاقتۇر، 20 كيلومەتر كەلەتىن اۋىل - قالاشىقتاردان سايرام قالاشىعى، ياتۇر اۋىلى، توقسۇن اۋىلى بار ەكەن. سىلكىنىس ورتالىعى باي اۋدان قالاشىعىنان 29 كيلومەتر، اقسۋ قالاسىنان 179 كيلومەتر، ءۇرىمجى قالاسىنان 493 كيلومەتر قاشىقتىقتا.
ءتىلشىنىڭ ۇعىسۋىنشا، اقسۋ قالاسى، باي اۋدانى سياقتى جەرلەردە جەر سىلكىنىسى كورنەكتى بولعان. باي اۋدانىنداعى ءبىر بۇقارا بىلاي دەدى: ”ءۇي جيھازدارى قاتتى تەڭسەلىپ، تەرەزەلەر مەن ەسىكتەر سالدىرلاپ كەتتى.“
جۇڭگو جەر سىلكىنىسىن باقىلاۋ ستانسياسى تورابىنىڭ جەدەل مالىمەتىنىڭ مازمۇنىنا نەگىزدەلگەندە، سىلكىنىس ورتالىعىنىڭ 200 كيلومەتر توڭىرەگىندە 5 جىلعا جۋىق ۋاقىتتان بەرى 3 بالدان جوعارى جەر سىلكىنىسى 336 رەت تۋىلعان، ەڭ كۇشتى جەر سىلكىنىسى 2020 ـ جىلى 1 ـ ايدىڭ 16 ـ كۇنى شينجياڭنىڭ اقسۋ ايماعىنىڭ كۇشار قالاسىندا تۋىلعان 5.6 بال جەر سىلكىنىسى ەكەن.
جەر سىلكىنىسى تۋىلعاننان كەيىن، شينجياڭ ءورت ءسوندىرۋ جانە ورتتەن ساقتانۋ، قۇتقارۋ ـ كومەكتەسۋ باس اترەتى اقسۋ ايماقتىق ءورت ءسوندىرۋ جانە ورتتەن ساقتانۋ، قۇتقارۋ ـ كومەكتەسۋ بولىمشە اترەتى مەن قاراستى رايونداعى جەدەل مالىمەتشى، سونداي ـ اق جەرگىلىكتى قوعام حاۋىپسىزدىگى، شۇعىل جاعدايعا توتەپ بەرۋ قاتارلى تاراۋلار 17 ساعات 20 مينۋتقا دەيىن ءولىم – ءجىتىم نەمەسە ۇيلەردىڭ قۇلاۋى جونىندە مالىمەت بەرمەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
