لي چياڭ ا ق ش قازىنا مينيسترى يەللەنمەن كەزدەستى
2024.04.08 15:34 كەلۋ قاينارى : حالىق تورابى
شينحۋا اگەنتتىگى، 4 - ايدىڭ 7 - كۇنى، بەيجيڭ: مەملەكەتتىك كەڭەستىڭ زۇڭليى لي چياڭ 4 - ايدىڭ 7 - كۇنى تۇستەن بۇرىن بەيجيڭدەگى حالىق سارايىندا ا ق ش - نىڭ قازىنا مينيسترى يەللەنمەن كەزدەستى.
لي چياڭ مىنالاردى ءبىلدىردى: ەكى ەل مەملەكەت باسشىلارىنىڭ ستراتەگيالىق جەتەكشىلىگىندە، قازىر جۇڭگو - ا ق ش قارىم - قاتىناسىندا ورنىعۋ جاعدايى جارىققا شىقتى. ءتوراعا شي جينپيڭ تاياۋدا بايدەن زۇڭتۇڭمەن تەلەفوندا سويلەسىپ، ەكى جاق تىلدەسۋدى كۇشەيتىپ، الاۋىزدىقتاردى تىزگىندەپ، سەلبەستىكتى ىلگەرىلەتىپ، جۇڭگو - ا ق ش قارىم - قاتىناسىنىڭ ورنىقتى دامۋىن ىلگەرىلەتۋگە ءبىر اۋىزدان قوسىلدى. جۇڭگو جاق جۇڭگو مەن ا ق ش - نىڭ قارسىلاس ەمەس، سەرىك بولۋىن، ءوزارا قۇرمەت ەتۋىن، بەيبىت قاتار تۇرۋىن، سەلبەسىپ تەڭ يگىلىككە كەنەلۋىن ءۇمىت ەتەدى. ا ق ش جاقتىڭ جۇڭگومەن اناعۇرلىم كوپ ءبىر باعىتتا ىلگەرىلەپ، ەكى ەل مەملەكەت باسشىلارىنىڭ ماڭىزدى ورتاق تانىمىن ۇزدىكسىز ويداعىداي تياناقتاندىرىپ، ”سان - فرانسيسكو كەلەشەكتىك نىساناسىن“ ”ناقتى كورىنىسكە“ اينالدىرۋىن ءۇمىت ەتەمىن.
لي چياڭ مىنالاردى اتاپ كورسەتتى: جۇڭگو مەن ا ق ش دۇنيە جۇزىندەگى الدىڭعى ەكى ءىرى ەكونوميكالىق تۇلعا رەتىندە، ەكونوميكالىق مۇددەسى ىشكەرىلەي توعىستى، ەكونوميكا - ساۋدا سەلبەستىگىن كۇشەيتۋ ەكى جاقتىڭ دامۋى مەن دۇنيە ءجۇزى ەكونوميكاسىنىڭ ارتۋى جونىنەن كەلەلى ماڭىز الادى. ەكى جاق قارىم - قاتىناستى كۇشەيتىپ، الاۋىزدىقتاردى تەجەۋدىڭ، الاۋىزدىقتاردى شەشۋدىڭ ءادىسىن بىرگە تاۋىپ، جۇڭگو مەن ا ق ش - نىڭ ەكونوميكا - ساۋدا سەلبەستىگىنىڭ ورنىقتى، ىركىلىسسىز، جوعارى ءونىمدى بولۋىنا مۇمكىندىك جاساپ، ەكى ەل كاسىپورىندارى مەن حالىقتارىنا اناعۇرلىم كوپ پايدا جەتكىزۋى، سونداي - اق دۇنيە ءجۇزى ەكونوميكاسىنىڭ دامۋى مەن حالىق تۇرمىسىنىڭ جاقسارۋىنا ۇلەس قوسۋى كەرەك. ا ق ش جاقتىڭ جۇڭگومەن بىرگە ءادىل باسەكە، اشىق سەلبەستىك سىندى بازار شارۋاشىلىعىنىڭ نەگىزگى ولشەمىندە تاباندى بولىپ، ەكونوميكا - ساۋدا ماسەلەسىن جاپپاي ساياسيلاندىرماۋىن، جاپپاي حاۋىپسىزدىككە تىرەمەۋىن ءۇمىت ەتەمىن. بازار كوزقاراسىمەن جانە دۇنيە جۇزىلىك كوز ايامەن ەكونوميكالىق زاڭدىلىقتى شىعار ءتۇيىن ەتىپ، ءوندىرىس قۋاتى ماسەلەسىنە وبيەكتيۆ، ديالەكتيكالىق تۇرعىدان قاراۋ كەرەك. جۇڭگونىڭ جاڭا ەنەرگيا كاسىبىنىڭ دامۋى دۇنيە ءجۇزىنىڭ جاسىل، تومەن كومىرتەكتى تيپكە بۇرىلىس جاساۋىنا ماڭىزدى ۇلەس قوسادى. جۇڭگو جاق ا ق ش جاقپەن كليمات وزگەرىسىنە توتەپ بەرۋ سياقتى ماسەلەلەردە ساياساتتىق سايكەسۋدى كۇشەيتىپ، دۇنيە جۇزىلىك سايىستارعا بىرگە توتەپ بەرۋدى قالايدى.
يەللەن مىنانى ءبىلدىردى: ەكى جاقتىڭ بىرگە قۇلشىنۋىندا، ا ق ش – جۇڭگو قارىم - قاتىناسى اناعۇرلىم ورنىقتى بولدى. دۇنيە جۇزىندەگى الدىڭعى ەكى ۇلكەن ەكونوميكالىق تۇلعا رەتىندە، ا ق ش، جۇڭگو ەكى جاق ەكى جاقتى ەكونوميكالىق قاتىناستى جاۋاپكەرلىكپەن باسقارۋى كەرەك. ا ق ش جاق ا ق ش مەن جۇڭگونىڭ ەكونوميكالىق تىلدەسۋ سەلبەستىگىندە قول جەتكەن ىلگەرىلەۋشىلىكتى القايدى، جۇڭگودان ”قول ۇزۋگە“ ۇرىنبايدى، جۇڭگو جاقپەن بىرگە ەكى ەل مەملەكەت باسشىلارى سان - فرانسيسكو كەڭەسىندە كەلىسكەن ماڭىزدى ورتاق تانىمدى تياناقتاندىرىپ، بۇكپەسىز پىكىرلەسىپ، قاتە تۇسىنىكتەن ساقتانىپ، اۋىس - كۇيىستى، سەلبەستىكتى تەرەڭدەتىپ، الاۋىزدىقتاردى ۇيلەسىمدى تىزگىندەپ، دۇنيە جۇزىلىك شۇعىل سايىستارعا بىرگە توتەپ بەرىپ، ا ق ش – جۇڭگو قارىم - قاتىناسىنىڭ ورنىقتى دامۋىن ىلگەرىلەتۋدى قالايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
