ەڭ جوعارى حالىق سوت مەكەمەسى ازاماتتىق ىستەر زاڭناماسىنىڭ ۇيلەنۋ، وتباسى جونىندەگى ءادىليالىق تۇسىندىرمەلەرى (2) جونىندە اشىق پىكىر الدى
2024.04.08 15:03 كەلۋ قاينارى : حالىق تورابى
شينحۋا اگەنتتىگىنىڭ 4 – ايدىڭ 7 – كۇنى بەيجيڭنەن بەرگەن حابارى. ەڭ جوعارى حالىق سوت مەكەمەسى 4 - ايدىڭ 7 - كۇنى حابارلاندىرۋ شىعارىپ، ازاماتتىق ىستەر زاڭناماسىنىڭ ۇيلەنۋ، وتباسى جونىندەگى تۇسىندىرمەسىنىڭ (2) پىكىر الۋ نۇسقاسى جونىندە قوعامنان اشىق پىكىر الدى. بۇل ءادىليالىق تۇسىندىرمەدە ”جالعان اجىراسۋ“، ازامات جاسىنا تولماعانداردىڭ تىكەلەي تاراتىلىمدا سيلىق بەرۋى قاتارلى ماسەلەلەر جونىندە بەلگىلەمە شىعارماقشى، پىكىر الۋ ۋاقىتى 4 – ايدىڭ 30 – كۇنىنە دەيىن بولادى.
پىكىر الۋ نۇسقاسىندا بىلاي دەپ بەلگىلەنگەن: ەرلى – زايىپتىلار اجىراسۋعا تىزىمدەلگەننەن كەيىن، ءبىر جاعى ەكى جاقتىڭ ويى جالعان دەگەندى سىلتاۋ ەتىپ، اجىراسۋدى كۇشكە يە ەمەس دەپ قاراۋدى تالاپ ەتسە، حالىق سوت مەكەمەسى قولدامايدى. ءبىر جاعى ەكى جاقتىڭ بىلدىرگەن ويىنىڭ جالعان ەكەنىن دالەلدەيتىن دالەل - سىپات الىپ شىعىپ، اجىراسۋ كەلىسىمىندەگى مال - مۇلىكتى جانە بەرەشەكتى ءبىر جاقتى ەتۋگە قاتىستى تارماقتاردى كۇشكە يە ەمەس دەپ قاراۋدى ءارى ەرلى - زايىپتىلارعا ورتاق مال - مۇلىكتى قايتا ءبولۋدى تالاپ ەتسە، حالىق سوت مەكەمەسى ونى زاڭ بويىنشا قولداۋى كەرەك.
پىكىر الۋ نۇسقاسىندا سونىمەن بىرگە بىلاي دەپ بەلگىلەنگەن: ۇيلەنۋدەن بۇرىن نەمەسە ءۇي بولۋ قاتىناسى ۇزىلمەي تۇرعان كەزدە، ءبىر جاعى ءوزىنىڭ مەنشىگىندەگى ءۇيدى وزگەرتىپ قارسى جاقتىڭ اتىنا نەمەسە ەكى جاقتىڭ اتىنا تىزىمدەتسە، اجىراسۋ ارىز - شاعىمىندا سول جاق قارسى جاقتان قايتارىپ بەرۋدى تالاپ ەتسە، حالىق سوت مەكەمەسى داۋگەردىڭ تالابىنا ساي، تارتۋ ەتكەن ءۇي ماقساتى بويىنشا، ءۇي بولۋ قاتىناسىنىڭ ۇزىلمەي تۇرعان ۋاقىتى، اجىراسۋداعى اعاتتىق، ەكى جاقتىڭ ەكونوميكالىق جاعدايى سياقتى فاكتىلەردى جان - جاقتى ەسكەرە وتىرىپ، بۇل ءۇي ءبىر جاقتىڭ مەنشىگىندە بولادى دەپ ۇكىم شىعارادى ءارى ءۇيدىڭ بازار باعاسىنان پايدالانىپ ءۇي العان جاق ەكىنشى جاعىنا لايىقتى تولەم بەرەدى، ءبىراق ەكى جاقتىڭ ەرەكشە كەلىسىمى بارلارى بۇعان كىرمەيدى.
ازامات جاسىنا تولماعانداردىڭ تىكەلەي تاراتىلىمدا سيلىق ۇسىنۋىنا قاراتا پىكىر الۋ نۇسقاسىندا بىلاي دەپ بەلگىلەنگەن: 8 جاسقا تولماعان ازامات جاسىنا تولماعاندار توراپ تەكشەسى ارقىلى سيلىق بەرۋ ارەكەتىن جۇرگىزسە، ونىڭ زاڭدىق ۋاكىلى سول ازاماتتىق ىستەر زاڭدىق ارەكەتى كۇشكە يە ەمەس دەگەندى دارىپتەپ، سيلانعان اقشانى قايتارىپ بەرۋدى تالاپ ەتسە، حالىق سوت مەكەمەسى زاڭ بويىنشا قولداۋى كەرەك. 8 جاستان اسقان، 16 جاسقا تولماعان نەمەسە 16 جاستان اسقان، ءوزىنىڭ ەڭبەك كىرىسىن نەگىزگى تۇرمىس قاينارى ەتە المايتىن ازامات جاسىنا تولماعاندار زاڭدا بەلگىلەنگەن ۋاكىلدىك ەتۋشىنىڭ ماقۇلداۋىنسىز توراپتا تىكە تاراتىلىم تەكشەسى ارقىلى ءوزىنىڭ جاسىنا، اقىل - ويىنا جانە رۋحاني دەنساۋلىق جاعدايىنا ۇيلەسپەيتىن سيلاۋ ارەكەتىن جۇرگىزسە، زاڭدىق ۋاكىلى مويىنداماسا ءارى سول ازاماتتىق ىستەر زاڭدىق ارەكەتىن كۇشكە يە ەمەس دەپ دارىپتەپ، توراپ تەكشەسىنەن سيلانعان اقشانى قايتارىپ بەرۋدى تالاپ ەتسە، حالىق سوت مەكەمەسى زاڭ بويىنشا قولداۋ كەرەك.
پىكىر الۋ نۇسقاسىندا تاعى دا ەكى جاقتىڭ جۇبايسىز بىرگە تۇرۋ قاتىناسىنداعى داۋ – شار، اكە - شەشەسىنىڭ بالاسى ۇيلەنگەننەن كەيىن وعان ءۇي ساتىپ الۋعا شىعارعان قارجىسىن تۇراقتاندىرۋ، تارتىپ الۋ، ازامات جاسىنا تولماعان بالانى جاسىرۋ سىندى ازاماتتىق ىستەر جاۋاپكەرشىلىگى سياقتىلار جونىندە بەلگىلەمە جاسالدى. ەڭ جوعارى حالىق سوت مەكەمەسى بىلاي دەدى: قوعامنىڭ ءار سالاسىنىڭ قۇندى پىكىر بەرۋىن قارسى الامىز ءارى ۇسىنىس - پىكىر بەرگەندە ناقتى سەبەبىن ءتۇسىنىرۋىن ٴۇمىت ەتەمىز. جازباشا پىكىردى بەيجيڭ قالاسى دۇڭچىڭ رايونى دۇڭجياۋ مينشياڭ كوشەسى 27 - ءنومىرلى ەڭ جوعارى حالىق سوت مەكەمەسىنىڭ ازاماتتىق ىستەر سوتى 1 - سوتى باستىعى جاڭ ليڭرۋعا سالۋ كەرەك، پوچتا ءنومىرى 100745، ەلەكتروندىق پوچتا ساندىعى: zgfmytlaw@163.com
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
