پارا بەرۋ مەن پارا الۋدى بىرگە تەكسەرەدى! ەڭ جوعارى حالىق سوتى مەن ەڭ جوعارى حالىق پروكۋراتۋراسى تيپتىك دەلولاردى جاريالادى
2024.04.07 14:58 كەلۋ قاينارى : حالىق تورابى
ەڭ جوعارى حالىق سوتى مەكەمەسى مەن ەڭ جوعارى حالىق پروكۋراتۋراسى مەكەمەسى جۋىردا پارا بەرۋ قىلمىسىنا زاڭ بويىنشا جازا بەرۋ جاعىنداعى تيپتىك دەلولاردان 8 دەلونى بىرگە جاريالادى، بۇل دەلولاردا پارا الۋشىلار مەن پارا بەرۋشىلەر تۇگەلدەي زاڭ بويىنشا جازالانعان، بۇل ءادىليا ورگاندارىنىڭ مۇلدە جول بەرمەۋ پوزيتسياسىمەن شىرىكتەسۋدى قاتاڭ جازالاۋ، پارا بەرۋ مەن پارا الۋدى بىرگە تەكسەرۋ جاعىنداعى بەرىك مايدانىن ايگىلەدى.
ياڭ X چاڭنىڭ پارا بەرۋى دەلوسىندا، ايىپكەر قارا – سۇرقيا كۇشتەردىڭ ”باسقالقا“ بولۋىن ءوتىنىپ، كوپ رەت كوپ ادامعا پارا بەرىپ، ساياسي ەكولوگيانى جانە قوعامنىڭ تەڭدىگىن، ادىلدىگىن اۋىر دارەجەدە بۇلدىرگەن. تان X يۇن، ۋ X لياننىڭ پارا بەرۋى دەلوسىندا، ايىپكەر 20 ميلليون يۋاننان استام پارا بەرگەن، پارا بەرۋ سوماسى اسا مول. ءادىليا ورگاندارى زاڭ بويىنشا قاتاڭ جازالاۋعا تاباندى بولىپ، مۇلدە جول بەرمەۋ سىندى سەسكەندىرۋدى باستان – اياق وزگەرتپەي ساقتاۋ، بارىنشا قىسىم كورسەتىپ، جازالاپ جونگە سالۋ قۇدىرەتىن قاشان دا ساقتاۋ سىندى ايقىن پوزيتسياسىن ايگىلەگەن.
سونىمەن بىرگە، تيپتىك دەلولاردا سوققى بەرۋ ءتۇيىنى كورنەكتىلەندىرىلىپ، قىلمىسكەرلەردى دالمە – ءدال، ءونىمدى تۇردە جازالاپ جونگە سالعان. لي X تىڭ پارا بەرۋى، الدامكوستىك ىستەۋى دەلوسىندا، ايىپكەر قوعامدىق قامسىزداندىرۋ قورىنان قاراجات الداپ الۋ ءۇشىن پارا بەرگەن؛ حۋ X تيڭنىڭ پارا بەرۋى دەلوسىندا، ايىپكەر ەمدەۋ ماتەريالدارىن وتكىزۋ ءۇشىن پارا بەرگەن؛ سۇڭ X يدىڭ پارا بەرۋى، پارا الۋى دەلوسىندا، ايىپكەر قىزمەتىن ءوسىرۋ ءۇشىن پارا بەرگەن؛ ياڭ X ۋىننىڭ پارا بەرۋى، مەملەكەت شەكاراسىنان ۇرلانىپ ءوتۋى دەلوسىندا، ايىپكەر قىلمىسىن اباقتى سىرتىندا وتكىزۋدى زاڭسىز ماقۇلداتۋ ءۇشىن پارا بەرگەن، ءادىليا ورگاندارى زاڭ بويىنشا قاتاڭ جازالاپ، ءتۇيىندى سالالارداعى پارا بەرۋ قىلمىسىن وتكىزگەندەردى جازالاۋ تەبىنىن ارتتىرۋ سىندى ايقىن دابىل قاققان.
مۇنان سىرت، ءادىليا ورگاندارى قوسالقى جاعى مەن نەگىزگى جاعىن بىردەي جونگە سالىپ، جۇيەلى شارالاردى اتقارعان. ياڭ X ۋىننىڭ پارا بەرۋى، مەملەكەت شەكاراسىنان ۇرلانىپ ءوتۋى دەلوسىندا قىلمىسىن اباقتى سىرتىندا وتكىزۋدى زاڭسىز ماقۇلداتۋعا قول جەتكىزبەك بولعان ۇيلەسىمسىز مۇددەلىك قارىم – قاتىناستى تۇزەتكەن؛ گاۋ X مەيدىڭ پارا بەرۋى دەلوسىندا قىلمىس وتكىزۋ ارقىلى قولعا كەلتىرگەن 100 ميلليون يۋاننان استام اقشانى قايتارتقان، جاڭ X حۇڭنىڭ پارا بەرۋى، مەملەكەت قىزمەتكەرى ەمەس ادامدارعا پارا بەرۋى دەلوسىندا ەكىنشى رەتكى سوتتا قىلمىس وتكىزۋ ارقىلى قولعا كەلتىرگەن تابىستارىن تولەتۋ جازاسىن ۇستەمەلەي بەرۋگە بولاتىنىن ايقىنداعان، بۇل ءادىليا ورگاندارىنىڭ پارا بەرۋ ارقىلى قول جەتكىزگەن ۇيلەسىمسىز پايدانى قايتارتۋ جانە تۇزەتۋ جاعىنداعى ايقىن مايدانىن ايگىلەگەن.
ۇعىسۋعا قاراعاندا، حالىق سوتى مەن حالىق پروكۋراتۋراسى شىرىكتەسۋ قىلمىسىن وتكىزگەندەردى جازالاپ جونگە سالۋدا جوعارى قىسىمدى كۇيدى ۇزدىكسىز ساقتاپ، پارا بەرۋ قىلمىسىن وتكىزگەندەردى جازالاپ جونگە سالۋ تەبىنىن ارتتىرىپ، پارا بەرۋ ارقىلى قولعا كەلتىرگەن ۇيلەسىمسىز پايدانى قايتارتۋ جانە تۇزەتۋ تەبىنىن ارتتىرىپ، شىرىكتەسۋ ماسەلەسى تۋىلاتىن ورتانى جانە شارت – جاعدايدى الاستاۋ جاعىندا ۇزدىكسىز كۇش سالىپ، جان – جاقتى ىلگەرىلەتىپ، جوعارى ساپالى دامۋدى قورعاۋعا ءادىليالىق جاقتان پارمەندى تۇردە كەپىلدىك ەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
