شينجياڭ سەنىمدى اۋىل شارۋاشىلىعى قۇرال – جابدىقتارىن اۋىل – قىستاققا جەتكىزۋ قيمىلىن ورىستەتۋدە
ديقاندار گازەتىنىڭ، جۇڭگو ديقاندار تورابىنىڭ ءتىلشىسى لي داۋجۇڭ
2024.04.07 14:54 كەلۋ قاينارى : حالىق تورابى
ديقاندار گازەتىنىڭ، جۇڭگو ديقاندار تورابىنىڭ ءتىلشىسى لي داۋجۇڭ حابارلايدى. جۋىردا شينجياڭ ۇيعۇر اۆتونوميالى رايوندىق اۋىل شارۋاشىلىعى جانە اۋىل – قىستاق مەڭگەرمەسى قوعام حاۋىپسىزدىگى مەڭگەرمەسىمەن، بازاردى باقىلاۋ – باسقارۋ مەكەمەسىمەن، قامداۋ – ساتۋ كوپەراتيۆىمەن بىرگە كورلا قالاسىندا اۋىل شارۋاشىلىعى قۇرال – جابدىقتارىن جالعاننان جاساۋعا سوققى بەرۋ جاعىنداعى ارناۋلى جونگە سالۋ ارەكەتى مەن سەنىمدى اۋىل شارۋاشىلىعى قۇرال – جابدىقتارىن اۋىل – قىستاققا جەتكىزۋ جاعىنداعى ۇگىت اپتالىعى قيمىلىن باستادى. قيمىل ءبىر اپتاعا جالعاسادى، ماقساتى — جاسىل تيپتى ءارى ساپالى اۋىل شارۋاشىلىعى قۇرال – جابدىقتارىمەن قامداۋ ارناسىن ىركىلىسسىزدەندىرىپ، اۋىل شارۋاشىلىعى قۇرال – جابدىقتارى بازارىنىڭ تارتىبىن رەتكە سالۋ جانە جۇيەگە ءتۇسىرۋ، كوكتەمگى ەگىس ءوندىرىسىنىڭ ءساتتى ورىستەتىلۋىنە كەپىلدىك ەتۋ.
وسى رەتكى قيمىل ”سەنىمدى اۋىل شارۋاشىلىعى قۇرال – جابدىقتارىن اۋىل – قىستاققا جەتكىزىپ، كوكتەمگى ەگىس جۇمىستارىنا كۇش سالا كەپىلدىك ەتۋ“ تاقىرىبىندا بولىپ، اۋىل شارۋاشىلىعى قۇرال – جابدىقتارىنا قاتىستى كەڭەس بەرۋ جانە اۋىل شارۋاشىلىعى قۇرال – جابدىقتارىنىڭ جالعانىن پارىقتاۋ بىلىمدەرىن ۇگىتتەۋ ورىستەتىلەدى، سەنىمدى اۋىل – شارۋاشىلىعى قۇرال – جابدىقتارى كورسەتىلەدى، اقپارات قۇرالدارىنىڭ تەكشەلىك بايلىق قاينارلارىنان پايدالانىپ، ينتەرنەت ارقىلى جانە ينتەرنەتتەن تىس جان – جاقتى ۇگىتتەۋ – جالپىلاستىرۋ ىستەرى ورىستەتىلىپ، اۋىل شارۋاشىلىعى قۇرال – جابدىقتارىن جالعاننان جاساۋعا سوققى بەرۋ جاعىنداعى ارناۋلى تۇردە جونگە سالۋ ارەكەتى بارىسىندا اۋىل شارۋاشىلىعىنا قولداۋ كورسەتۋ، اۋىل شارۋاشىلىعىن قورعاۋ، جالعان بۇيىمدارعا سوققى بەرىپ، ساپالى بۇيىمداردى سۇيەمەلدەۋ سىندى تاماشا اۋقىم قالىپتاستىرىلادى.
تانىستىرۋعا قاراعاندا، قازىر شينجياڭ تۇقىم، اۋىل شارۋاشىلىعىنا پايدالاناتىن ءدارى – دارمەكتەرى قاتارلى اۋىل شارۋاشىلىعى قۇرال – جابدىقتارىن ساتۋدىڭ قاۋىرت كەزىنە قادام تاستاعان. ءار دارەجەلى اۋىل شارۋاشىلىعى جانە اۋىل – قىستاق تاراۋلارى قاتىستى تاراۋلارمەن تىزە قوسا وتىرىپ، اۋىل شارۋاشىلىعى قۇرال – جابدىقتارىنىڭ ساپاسىنا ءبىر – بىرلەپ تەكسەرۋ جۇرگىزۋدى جەدەل ورىستەتىپ، اۋىل شارۋاشىلىعى قۇرال – جابدىقتارىنا ساياتىن الدامكوستەردىڭ اۋىل – قىستاقتارعا بارىپ تىڭايتقىشتاردى ”قالتالاپ ساتۋى“، ينتەرنەت ارقىلى رايون اتتاپ، بەلگىلەمەگە قايشى تۇردە تۇقىم ساتۋى قاتارلى ماسەلەلەردى قاتاڭ تەكسەرىپ ءبىرجاقتى ەتىپ، زاڭعا قايشى قىلمىستىق ارەكەتتەرگە، استە، جول بەرمەيدى. سونىمەن بىرگە، جالعان – جارامسىز تۇقىم ساتۋ ارقىلى ديقانداردى زيانعا ۇشىراتۋ، تىڭايتقىشتىڭ قۇنارسىز بولۋى، اۋىل شارۋاشىلىعىنا پايدالاناتىن جانە مال شارۋاشىلىعىندا قولداناتىن دارىلەرگە شەكتەلگەن ءدارى قۇرامىن قوسۋ، اۋىل شارۋاشىلىعىنا پايدالاناتىن جارعاقتاردىڭ ساپاسى ناشار بولۋ قاتارلى 4 ءتۇرلى ماسەلەگە باعىتتاي وتىرىپ، ءتۇيىندى تۇردە باقىلاۋ جانە ۇلگى الىپ تەكسەرۋ ورىستەتىپ، ”ۇلگى الا سالا تەكسەرۋ“، ”تەكسەرە سالا حابارلاۋ“ ءتارتىبىن ورىنداپ، ۇلگى الىپ تەكسەرۋ ناتيجەسىن دەر كەزىندە جاريالاپ، جالعان – جارامىسز اۋىل شارۋاشىلىعى قۇرال – جابدىقتارىنىڭ بازارعا ەنىپ ديقاندارعا زيان سالۋىنان قاتاڭ ساقتانىپ، كوكتەمگى ەگىس وندىرىسىنە جانە استىقتان مول ءونىم الۋعا كەپىلدىك ەتەدى.
باستالۋ سالتىندا مەيىرلى كاسىپورىندار كورلا قالاسىنداعى شارۋالاردىڭ ۋاكىلدەرىنە اۋىل شارۋاشىلىعى قۇرال – جابدىقتارىن سيعا تارتتى، قاتىستى تاراۋلار تەكسەرىپ انىقتاعان جالعان – جارامسىز اۋىل شارۋاشىلىعى قۇرال – جابدىقتارىن جويدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
