ج ك پ ورتالىق كوميتەتى كەڭسەسى «ۇقتىرۋ» باسىپ تاراتتى بۇكىل پارتيادا پارتيا ءتارتىبى ۇيرەنۋ تاربيەسى ورىستەتىلەدى
2024.04.08 15:32 كەلۋ قاينارى : حالىق تورابى
شينحۋا اگەنتتىگى، 4 - ايدىڭ 7 - كۇنى، بەيجيڭ. ج ك پ ورتالىق كوميتەتى كەڭسەسى تاياۋدا «بۇكىل پارتيادا پارتيا ءتارتىبىن ۇيرەنۋ تاربيەسىن ورىستەتۋ جونىندەگى ۇقتىرۋدى» (تومەندە قىسقاشا «ۇقتىرۋ» دەلىنەدى) باسىپ تاراتتى.
«ۇقتىرۋدا» مىنالار اتاپ كورسەتىلدى: وزگەرىس ەنگىزىلگەننەن كەيىنگى «جۇڭگو كوممۋنيستىك پارتياسىنىڭ ءتارتىپ جازاسى ەرەجەسىن» (تومەندە قىسقاشا «ەرەجە» دەلىنەدى) ىشكەرىلەي ۇيرەنىپ، دايەكتىلەندىرۋ ءۇشىن، پارتيا ورتالىق كوميتەتىنىڭ ماقۇلداۋىمەن، 2024 - جىلى 4 - ايدان 7 - ايعا دەيىن بۇكىل پارتيادا پارتيا ءتارتىبى ۇيرەنۋ تاربيەسى ورىستەتىلەدى.
«ۇقتىرۋدا» مىنالار ايقىندالدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، نازاردى ءىشىنارا پارتيا مۇشەلەرىنىڭ، كادرلاردىڭ پارتيا قاعيداسىن، پارتيا ءتارتىبىن كوكەيگە ۇيالاتپاۋى، تۇسىنبەۋى، يگەرمەۋى سياقتى ماسەلەلەردى شەشۋگە شوعىرلاندىرىپ، پارتيا مۇشەلەرىن، اسىرەسە، پارتيالى باسشى كادرلاردى «ەرەجەنى» مۇقيات ۇيرەنۋگە ۇيىمداستىرىپ، ءتارتىپتى ۇيرەنىپ، ءتارتىپتى ءبىلىپ، ءتارتىپتى ايقىنداپ، تارتىپكە بويسۇنىپ، پارتيانىڭ ءتارتىپ قاعيداسىنىڭ نە ەكەنىن ايقىنداپ، نەنى ىستەۋگە بولاتىنىن، نەنى ىستەۋگە بولمايتىنىن جەتە تانىپ، ەرەجەگە، تارتىپكە بويسۇنۋدى كوكەيگە ۇيالاتىپ، ىشكى جاقتا ءسوز - ارەكەت ولشەمىنە اينالدىرىپ، ءتارتىپ تانىمىن ونان ارى كۇشەيتىپ، ءوزىن - ءوزى تەجەۋدى كۇشەيتىپ، يممۋنيتەتتىك قابىلەتتى جوعارىلاتىپ، ساياسي تۇراقتىلىقتى، ءتارتىپ تۇراقتىلىعىن، ءمورال تۇراقتىلىعىن، ءىرىپ - شىرۋگە قارسى تۇرۋ تۇراقتىلىعىن كۇشەيتىپ، باستان - اياق ادال، كىرشىكسىز بولۋدى، جاۋاپكەرلىك ارقالاۋدى ورىنداۋ كەرەك.
«ۇقتىرۋدا» مىنالار دارىپتەلدى: پارتيا ءتارتىبىن ۇيرەنۋ تاربيەسىن كۇندەلىكتى تۇرمىسپەن توعىستىرۋعا، ۇنەمى يگەرۋگە ءمان بەرۋ كەرەك. قاز - قالپىندا ۇيرەنىپ، جەكە ادامنىڭ وزدىگىنەن ۇيرەنۋىن شوعىرلى ۇيرەنۋمەن ۇشتاستىرۋدا تاباندى بولىپ، پارتيانىڭ ساياسي تارتىبىمەن، ۇيىمدىق تارتىبىمەن، پاكتىك تارتىبىمەن، بۇقارالىق تارتىپپەن، قىزمەت تارتىبىمەن، تۇرمىس تارتىبىمەن تىعىز بايلانىستىرا وتىرىپ زەرتتەۋ - تالقى جۇرگىزىپ، «ەرەجەنىڭ» ساناعا، جۇرەككە ۇيالاۋىن ىلگەرىلەتۋ كەرەك. ساقتاندىرۋ تاربيەسىن كۇشەيتىپ، تارتىپكە قايشىلىق جاساۋ تيپتىك دەلولارىنا ىشكەرىلەي تالداۋ جاساپ، ماڭايىمىزداعى ىستەر ارقىلى ماڭايىمىزداعى ادامداردى تاربيەلەۋگە ءمان بەرىپ، پارتيا مۇشەلەرىنىڭ، كادرلاردىڭ ساقتانۋىنا، تومەنگى شەكتى ايقىنداۋىنا، يمەنە بىلۋىنە مۇمكىندىك جاساۋ كەرەك. ءتۇسىندىرۋدى جانە باۋلۋدى كۇشەيتىپ، «ەرەجەنى» ءتۇسىنۋدى، قولدانۋدى تەرەڭدەتۋ كەرەك. اۋدان، باسقارما دارەجەلىدەن جوعارى باسشىلىق القالارىنىڭ 2024 - جىلعى دەموكراتيالىق تۇرمىس جيىنى مەن نەگىزگى ساتى پارتيا ۇيىمدارىنىڭ ۇيىمدىق تۇرمىس جيىنىندا «ەرەجەنى» ۇيرەنۋ، دايەكتىلەندىرۋ جاعدايىن سالىستىرىپ تەكسەرۋدىڭ ماڭىزدى مازمۇنى ەتۋ كەرەك.
«ۇقتىرۋدا» مىنالار تالاپ ەتىلدى: ءار دارەجەلى پارتكومدار (پارتيا باسشىلىق گرۋپپاسى) پارتيا ءتارتىبىن ۇيرەنۋ تاربيەسىن ورىستەتۋدى ماڭىزدى ساياسي مىندەت ەتىپ، دەن قويا ۇيىمداستىرىپ اتقارىپ، قۋزاپ تياناقتاندىرۋدى كۇشەيتۋى كەرەك. ۇگىتتەۋ، جەتەكتەۋ قىزمەتىن ويداعىداي ىستەپ، فورماشىلدىققا باتىل قارسى تۇرىپ، ”تومەن دارەجەلى قىزىل“، ”جوعارى دارەجەلى قارا“ بولۋدان ساقتانۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
