ەگىمشىلىك وتباسى جەلىدە مامانداردان اقىل سۇرادى، ماماندار توبى ناق مايداندا جەتەكشىلىك ەتتى
اتىز باسىندا اۋىل شارۋاشىلىق تەحنيكاسىن ۇيرەتۋ (كوكتەمگى ەگىس جۇمىسى جۇرگىزىلۋدە)
«حالىق گازەتىنىڭ» ءتىلشىسى ليۋ حۇڭچاۋ
2024.04.08 15:36 كەلۋ قاينارى : حالىق تورابى
تاڭەرتەڭگى ساعات 6 دان ەندى عانا وتكەن شاق، لياۋنيڭ ولكەلىك اۋىل شارۋاشىلىق عىلىم اكادەمياسى جۇگەرى زەرتتەۋ ورنى باستىعىنىڭ ورىنباسارى، اعا زەرتتەۋشى شياۋ ۋانشين 3 قىزمەتتەسىمەن بىرگە شىنياڭ بەكەتىنە كەلىپ، 260 كيلومەتر شالعايداعى تيەليڭ قالاسى چاڭتۋ اۋدانى سانجياڭكوۋ قالاشىعىنا بارماقشى بولدى.
”سانجياڭكوۋداعى قىستاق تۇرعىندارى ءبىزدىڭ كوكتەمگى ەگىسكە دايىندالۋ، شارۋالارعا تيىمدىلىك جاساۋ تىكە تاراتۋ بولمەمىزدەن جۇگەرىنى عىلمي جولمەن ەگۋدىڭ پايداسىن ۇعىسىپ، ءبىزدى سول جەرگە بارىپ تەحنيكا سويلەۋگە ۇسىنىس ەتتى“. شياۋ ۋانشين كۇلىمسىرەپ: ”ەگىس ۋاقىتى ادامدى كۇتىپ تۇرمايدى. كوكتەمگى ەگىس دايىندىعىنىڭ شەشۋشى مەزگىلىندە ءبىز اتىز باسىنا كوبىرەك بارىپ، ماسەلەنى شەشۋگە كومەكتەسۋىمىز كەرەك“ دەدى.
شامامەن ءبىر ساعات جول باسقان سوڭ وسى توپ پويەزدەن ءتۇسىپ، اۆتوبۋزعا وتىرىپ 90 كيلومەتر شالعايداعى باۋلۇڭ قىستاعىنا جول الدى. 4 ادامنىڭ ىشىندە شياۋ ۋانشين − تۇقىم جەتىلدىرۋ مامانى، حان شياۋرى − جەرگىلىكتى تىڭايتقىش مامانى، چىن پىڭشى − اۋا رايى مامانى، جاڭ شۋپيڭ − ەگۋ مامانى. ”توبىمىزدا ادام كوپ بولماعانىمەن، جۇگەرى ەگۋدىڭ الدىڭعى مەزگىلىندە شارۋالار جولىققان قيىن ماسەلەلەر جونىندە ءبىرشاما كوپ تۇسىنىككە يە بولدىق“ دەدى جاڭ شۋپيڭ.
تاعى ءبىر ساعاتتان استام ۋاقىتتا ماماندار توبى قىستاق اۋزىنا كەلدى، باۋلۇڭ قىستاعى پارتيا ياچەيكاسىنىڭ شۋجيى ليۋ جۇڭ - ۋ وسى ارادا كۇتىپ تۇر ەكەن، ول: ”بولىمشە باستىعى، كوپشىلىك، قىستاق تۇرعىندار كوميتەتىنە بارىپ دەمالىپ، سۋسىنداپ الىڭىزدار“ دەدى. ”قاجەتى جوق، وسى كەزدە اۋىلداستار، ءسوز جوق، اتىزدا قاربالاستىققا تۇسەدى، ءبىز اتىزعا توتە بارىپ، قانداي قيىن ماسەلەلەر بار ەكەنىن كورەيىك“.
اتىز باسىندا قىستاق تۇرعىنى چىڭ جيانفىڭ ەڭ الدىمەن ءوزىنىڭ مۇڭ - مۇقتاجىن ايتتى: ”شياۋ جەتەكشى، سوڭعى جىلدارى مەن بىرنەشە جۇگەرى سورتىن اۋىستىردىم، دەر كەزىندە تىڭايتقىش بەرىپ، سۋاردىم، ءبىراق بىرلىك ءونىم جوعارىلاي المادى، ءسىز جوعارى ءونىمدى جۇگەرى سورتتارىن تانىستىرا الاسىز با؟“
”بىلتىر ءبىز جاڭ - ۋ اۋدانىندا سىناق رەتىندە ەكى جاڭا سورت ەكتىك، مۋ باسىندىق ءونىم 1000 جىڭنان 2000 جىڭعا كوتەرىلدى. قىستاعىمىزدىڭ جەر نەگىزى جاقسى، ءبارى قارا توپىراق، ءونىم مولشەرى، ءسوز جوق، جوعارىلايدى“ دەپ جاۋاپ قايتاردى شياۋ ۋانشين. چىڭ جيانفىڭ بىرنەشە مۋ جەردى سىناق رەتىندە ەگۋدى جوسپارلادى: ”مەن الدىمەن سالىستىرىپ كورەيىن، ەگەر ءتۇسىمى جاقسى بولسا، تۇگەل جالپىلاستىرامىن“.
”ءبىز ءسىز ايتقان جۇگەرىنى ءجيى ەگىپ، جوعارى ءونىمدى دالمە - ءدال تىزگىندەۋ تەحنيكاسىنا قاتتى قىزىعامىز، ناقتى قانداي ماسەلەلەرگە كوڭىل ءبولۋ كەرەكتىگىن بىلمەيمىز؟“ دەپ سۇراۋىن قويدى استىق ەگەتىن ءىرى وتباسى مۇشەسى ۋاڭ شياۋحۋا.
”بۇل تەحنيكادا، ءسوز جوق، بىرنەشە دالمە - دالدىكتى يگەرۋ كەرەك، مۇنىڭ ىشىندە ۇيلەسىمدى تىعىزدىقتى ارتتىرۋ، سۋ مەن تىڭايتقىشتى قاجەتكە قاراي دالمە - ءدال تىزگىندەۋ شەشۋشى ءتۇيىن“. ءوسىرۋ مامانى جاڭ شۋپيڭ بىلاي دەدى: ”ءبىز جاڭ - ۋ اۋدانى ۋ - فىڭ قالاشىعىندا سىناق ەتكەن ون ۇلەس سۋ، سەگىز ۇلەس تىڭايتقىش سالىستىرماسىنىڭ ءونىمى جاقسى بولدى“.
”قاي كەزدە قانداي تىڭايتقىش بەرۋ كەرەك، ۋاقىت جاعىنان تاپتارى بار ما؟“ ”جۋىقتان بەرى اۋا رايى قانداي، جاۋىن - شاشىن مول بولدى ما، قاي كەزدە تۇقىم سەبۋ ۇيلەسىمدى بولدى؟“ ”بىلتىر وتباسىمىزدىڭ جۇگەرى ءونىمى ايتارلىقتاي بولدى، ماسەلە، ءدانىنىڭ ساپاسى ادەتتەگىدەي، قاراڭىزشى، قايتۋىمىز كەرەك؟“ ... جارىم ساعات تۇسىنىك جاسالدى، نەشە ونداعان قىستاق تۇرعىنى قورشاپ الدى، تاعى كوپتەگەن ادام جولدا كەلە جاتتى.
تۇستەن كەيىن ساعات 2 دەن اسقاندا، ادەتتەگىدەي تۇسكى تاماقتان كەيىن، شياۋ ۋانشين مەن قىزمەتتەستەرى كەلەسى قىستاققا باردى. ”ەرتەڭ لياڭجۇڭچياۋ قالاشىعى، باميان قالاشىعى سياقتى اۋىل - قالاشىقتاردىڭ قىستاقتارىنا بارامىز. بۇگىن كەش ساعات 8 مولشەرىندە ەگىنشىلەرگە تىكە باعدارلاما كورسەتەمىز“. توپتىڭ قۇرامىنداعىلار اۋدان ورتالىعىنا قايتقاندا كەشكى ساعات 7 دەن استى.
بيىل لياۋنيڭنىڭ جۇگەرى ەگىلگەن جەر كولەمى 41 ميلليون مۋدان اسىپ، بۇكىل ولكەدەگى استىق ەگىلگەن جەر كولەمىنىڭ 4/3 ىن ۇستادى. 3 - ايدىڭ باسىنان قازىرگە دەيىن وسى ماماندار توبى چاۋياڭ، فۋشين، تيەليڭ، حۋلۋداۋ سياقتى جەرلەردەگى 10 نەشە اۋدان ورتالىعىن، 30 نەشە اۋىل - قالاشىقتى باسىپ ءوتتى.
”ءبىزدىڭ جۇگەرى زەرتتەۋ ورنىنان سىرت، كۇرىش زەرتتەۋ ورنى، جەمىس اعاشتارى زەرتتەۋ ورنى، كاۋلەن زەرتتەۋ ورنى، كوكونىس زەرتتەۋ ورنى سياقتى 30 زەرتتەۋ قۇرىلىمىمىزداعى 600 دەن استام مامان كوكتەمگى ەگىس دايىندىعىنىڭ ءبىرىنشى شەبىنە بارىپ، جەتەكشىلىك ەتۋ، باۋلۋ، كۇدىك - كۇماننان ارىلتۋ قىزمەتىن ورىستەتۋدە. بۇدان سىرت، ءبىزدىڭ جەلىدە اۋىل شارۋاشىلىعىنا تيىمدىلىك جەتكىزۋ تىكە تاراتۋ باعدارلامامىزدى كورگەندەردىڭ مولشەرى 2 ميلليون ادام - رەتتەن استى“ دەدى شياۋ ۋانشين.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
