جۇڭگو – قازاقستان ستراتەگيالىق سەرىكتەستىك قارىم – قاتىناسىنىڭ جاڭا تاراۋىن جازايىق (باس ەلشى قالامىنان)
جاڭ شياۋ
2019.09.10 14:36 كەلۋ قاينارى : حالىق تورابى
ءتوراعا شي جينپيڭنىڭ ۇسىنىسى بويىنشا قازاقستان رەسپۋبليكاسىنىڭ پرەزيدەنتى توقايەۆ 9 – ايدىڭ 10 – كۇنىنەن 12 – كۇنىنە دەيىن جۇڭگودا مەملەكەت ىسىمەن ساپاردا بولادى. بۇل پرەزيدەنت توقايەۆتىڭ مىندەتكە وتىرعاننان بەرى جۇڭگوعا تۇڭعىش رەت مەملەكەت ىسىمەن ساپارلاي بارۋى. قازىر دۇنيە ءجۇزى ءجۇز جىلدا كەزدەسپەگەن زور وزگەرىستەرگە ءدوپ كەلۋدە، جۇڭگو مەن قازاقستان ەكى ەل تاريحتىڭ جاڭا باستاماسىندا تۇرىپ، ۇلتتى گۇلدەندىرۋ سىندى ۇلى ىسكە بەل شەشە كىرىستى. وسى رەتكى ساپاردىڭ جۇڭگو مەن قازاقستاننىڭ جالپى بەتتىك ستراتەگيالىق سەرىكتەستىك قارىم – قاتىناسىنىڭ جاڭا تاراۋىن جازاتىنىنا سەنىمىمىز كامىل.
بۇل رەتكى ساپار جۇڭگو مەن قازاقستان قارىم – قاتىناسىندا جاڭا جاعداي جاراتاتىن بولادى. قازاقستاننىڭ تۇڭعىش پرەزيدەنتى نازاربايەۆ — جۇڭگو مەن قازاقستان قارىم – قاتىناسىنىڭ نەگىزىن قالاۋشىلاردىڭ ءبىرى. ديپلوماتيالىق قارىم – قاتىناس ورناتقان 27 جىلدان بەرى، ەكى جاقتىڭ تىزە قوسا قۇلشىنۋىنىڭ ارقاسىندا، جۇڭگو مەن قازاقستان قارىم – قاتىناسىنىڭ دامۋى مەملەكەتتەر اراسىنداعى قارىم – قاتىناستىڭ ۇلگىسىنە اينالدى. ءتوراعا شي جينپيڭ بيىل 4 – ايدا تۇڭعىش پرەزيدەنت نازاربايەۆتى «دوستىق وردەنىمەن» ماراپاتتادى. توقايەۆ پرەزيدەنت بولىپ سايلانعاننان كەيىن، تۇڭعىش پرەزيدەنت نازاربايەۆتىڭ نەگىزگى ساياساتتارىن جالعاستىراتىنىن، جۇڭگومەن بولعان قارىم – قاتىناستى دامىتۋ قازاقستاننىڭ ديپلوماتيالىق ساياساتىنىڭ باستى باعىتتارىنىڭ ءبىرى بولا بەرەتىنىن ايقىن جاريالادى. ەكى ەل باسشىلارىنىڭ جەتەكشىلىگىندە، جۇڭگو مەن قازاقستاننىڭ جالپى بەتتىك ستراتەگيالىق سەرىكتەستىك قارىم – قاتىناسى بۇرىنعىعا مۇراگەر، كەيىنگىگە بۇيداگەر بولىپ، ۇزاق ساپاردى ورنىقتىلىقپەن باسىپ، اناعۇرلىم بەكەم، اناعۇرلىم ناقتى، اناعۇرلىم ومىرشەڭدىك قۋاتقا يە جاڭا جاعدايدى جاراتادى دەپ سەنەمىز.
بۇل رەتكى ساپار جۇڭگو مەن قازاقستاننىڭ سەلبەستىگىنە جاڭا وراي جاراتادى. جۇڭگو مەن قازاقستان ەكى ەل دە دامۋ ۇستىندەگى ەلدەر، ەكەۋى دە رەفورما جۇرگىزۋدىڭ، دامۋدىڭ شەشۋشى كەزەڭىندە تۇر. پرەزيدەنت توقايەۆ قازاقستان حالقىنىڭ تۇرمىس ورەسىن جوعارىلاتىپ، ەكونوميكانىڭ ۇزدىكسىز ارتۋىنا كەپىلدىك ەتۋدى نەگىزگى ساياسات نىساناسى ەتەدى، شەتەل قارجىسىن باۋراۋعا كۇش سالىپ، جەمقورلىققا قارسى تۇرۋ تەبىنىن ۇزدىكسىز كۇشەيتەدى، بۇل جۇڭگونىڭ «ەكى ءجۇز جىلدىق» كۇرەس نىساناسى مەن «ءبىر بەلدەۋ، ءبىر جول» دارىپتەمەسىندەگى اشىقتىق، جاسىل دامۋ، پاكتىك تانىمدارىمەن تولىق قابىسادى. بيىل 6 – ايدا ءتوراعا شي جينپيڭ پرەزيدەنت توقايەۆپەن كەزدەسكەن كەزدە مىنانى اتاپ كورسەتكەن: ەكى جاق سەلبەستىكتىڭ جالپى باعىتىن مىقتى مەڭگەرىپ، جىبەك جولى ەكونوميكالىق بەلدەۋى مەن «نۇرلى جول» جاڭا ەكونوميكالىق ساياساتىن ۇشتاستىرۋدى تەرەڭدەتىپ، جۇڭگو مەن قازاقستان سەلبەستىگىنىڭ ەكى ەل مەن وسى ءوڭىر حالقىنا كەڭ كولەمدە يگىلىك جاراتۋىن جەبەۋى كەرەك.
جۋىرداعى جىلداردان بەرى، ەكى ەلدىڭ ناقتى سەلبەستىك ناتيجەلەرى كورنەكتى بولىپ، ساۋدا مەن قارجىلاندىرۋ كولەمى ۇزدىكسىز كەڭەيدى. بيىل 1 – ايدان 6 – ايعا دەيىن، جۇڭگو مەن قازاقستاننىڭ ساۋدا سوماسى 9 ميلليارد 530 ميلليون ا ق ش دوللارى بولىپ، سايكەستى مەزگىلدەگىمەن سالىستىرعاندا %9.2 ارتقان. مۇندا جۇڭگو قازاقستاننان 4 ميلليارد 450 ميلليون ا ق ش دوللارىندىق تاۋار ەنگىزىپ، سايكەستى مەزگىلدەگىمەن سالىستىرعاندا %18.6 ارتقان. جۇڭگو مەن قازاقستان ەكى ەلدىڭ وتكەن 6 جىلدا «ءبىر بەلدەۋ، ءبىر جولدى» بىرگە كوركەيتۋ بارىسىندا جوبالاعان «ءىرى نوباي» نەگىزىندە، كەمەلدى دە ەگجەي - تەگجەيلى «نازىك سىزبانى» ويداعىداي سىزىپ شىعاتىنىنا سەنىمىمىز كامىل.
بۇل رەتكى ساپار جۇڭگو مەن قازاقستاننىڭ گۋمانيتارلىق اۋىس – كۇيىسىنىڭ جاڭا بەلەسكە قادام تاستاۋىن ىلگەرىلەتەدى. جۇڭگو مەن قازاقستاننىڭ حالىق تىلەگىن توعىستىرۋدى ىلگەرىلەتۋ — ەكى ەلدىڭ «ءبىر بەلدەۋ، ءبىر جولدى» بىرگە كوركەيتۋ جاعىنداعى اتقارۋعا ءتيىستى مىندەتى. بيىل ەكى ەلدىڭ گۋمانيتارلىق سالاداعى اۋىس – كۇيىسى تىڭ ورلەۋگە كوتەرىلدى. جۇڭگو مەن قازاقستان سەلبەسە وتىرىپ تۇسىرگەن «كومپوزيتور» فيلىمى ءساتتى قويىلدى، جۇڭگو قازاقستاندا «كينو اپتالىعىن» وتكىزدى، قازاقستان مۇراجايلارى جوعارى دارەجەلى باسقارۋشىلارىنىڭ ءبىلىم جەتىلدىرۋ كۋرسى جۇڭگودا وتكىزىلدى. بيىل قازاقستاننىڭ «جاستار جىلى»، وسى ورايدا ەكى ەل جاستارى اراسىندا ءبىرقىدىرۋ اۋىس – كۇيىس قيمىلدارىن ۇيىمداستىرىپ، مول تابىستارعا قول جەتكىزدى. قازاقستان جوعارى مەكتەپتەرىندەگى وقىتۋشى – وقۋشىلار ۇيىرمەسى، ورتا مەكتەپتەگى حانزۋ ءتىلى مۇعالىمدەرى مەن وقۋشىلارىنىڭ جازعى لاگەرى، شىمكەنت جاستارىنىڭ ۋاكىلدەرى ىلگەرىندى – كەيىندى جۇڭگودا ساپاردا بولدى، جۇڭگونىڭ قازاقستاندا تۇراتىن باس ەلشىلىگى قازاقستان ورتا مەكتەپتەرىنە حانزۋ ءتىلى وقۋلىقتارىن تارتۋ ەتتى، قازاقستاننىڭ جۇڭگودا وقيتىن وقۋشىلارىنىڭ سانى ۇزدىكسىز ارتتى، جۇڭگونىڭ ايگىلى جوعارى مەكتەپتەرى مەن قازاقستاننىڭ تانىمالى جوعارى مەكتەپتەرى ءبىرقىدىرۋ حالىقارالىق اۋىس – كۇيىس قيمىلدارىن وتكىزدى ... ەكى ەل اراسىنداعى گۋمانيتارلىق سالاداعى اۋىس – كۇيىس كۇن سايىن دامىپ، كەڭ دامۋ ءورىسىن ايگىلەدى.
«اۋىلداستىڭ تىلەگى، كورشىلەستىڭ كوڭىلى ءبىر». جۇڭگو مەن قازاقستان ەكى ەل تاۋ – وزەنى تۇتاسقان، تىنىستاس، تاعدىرلاس، تاتۋ كورشى ەلدەر، قول ۇستاسا دامۋ — ەكى ەلدىڭ دۇرىس تالعامى. پرەزيدەنت توقايەۆتىڭ وسى رەتكى جۇڭگوعا ساپارى ەكى ەلدىڭ ءداستۇرلى دوستىعىنا مۇراگەرلىك ەتىپ جانە ونى ساۋلەلەندىرىپ، ەكى ەلدىڭ ناقتى سەلبەستىگى مەن حالىق تىلەگىن توعىستىرۋىن جەبەپ، «ءبىر بەلدەۋ، ءبىر جولدى» بىرگە كوركەيتۋدى ىلگەرىلەتىپ، جۇڭگو مەن قازاقستاننىڭ جالپى بەتتىك سەرىكتەستىك قارىم – قاتىناسىنىڭ مازمۇنىن بايىتىپ، ەكى ەلدىڭ ادامزاتتىڭ تاعدىرلاس ورتاق تۇلعاسىن قالىپتاستىرۋ جولىندا الدىمەن قادام تاستاۋى سىندى ۇلى نىسانانى ىسكە اسىرۋعا ۇلەس قوسادى.
(اۆتورى جۇڭگونىڭ قازاقستاندا تۇراتىن باس ەلشىسى)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
