- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
التىن تاۋ الابىندا ىنتىماق گۇلى قۇلپىرا اشىلدى
2014.07.03 14:47
جۋىرداعى جىلداردان بەرى ايماعىمىزداعىلار ۇلتتار ىنتىماعى العاباسارلىعى ىستەرىن كوكەيىنەن شىعارماي مىقتاپ يگەرىپ، ۇلتتار ىنتىماعىن كوز قاراشىعىنداي قورعاپ، ۇلتتار ىنتىماعىن قوعامدىق ىستەردىڭ دامۋىنا ءسىڭىردى. ۇلتتاردىڭ ءوزارا سيلاسىپ، ءبىرىن- ءبىرى ايالاپ، ءبىرى ءبىرىنە كومەكتەسۋى جونىندەگى اڭگىمەلەر ارت- ارتىنان جارىققا شىعىپ، التىن تاۋ الابىندا ىنتىماق گۇلى قۇلپىرا اشىلدى.
قابا اۋدانىنداعى ورتا- باستاۋىش مەكتەپتەردەگى ءار كلاستا از ۇلت وقۋشىلارى مەن حانزۋ وقۋشىلار پارتالاس وتىرادى دا، وقۋشىلار ۇيرەنۋدە ءوزارا كومەكتەسەدى. ىشكەرىلەي قارىم- قاتىناس جاساسىپ ءتۇسىنىسۋ ارقىلى ۇلتتىق پارىق سولعىنداپ، شىنايى سۇيىسپەنشىلىك بايلانىسى جەتىلىپ، ءار ۇلت وقۋشىلارى تاتۋ دوسقا اينالدى.
ساباقحاناداعى ۇيرەنۋدەن سىرت، وقۋشىلاردىڭ كۇندەلىكتى تۇرمىسىندا مەكتەپ از ۇلت وقۋشىلارى مەن حانزۋ وقۋشىلاردى جاتاققا ارالاس جاتقىزادى. ەكى جىلدىڭ الدىندا ليۋ ياڭياڭ مەن جەتى قازاق وقۋشى ءبىر جاتاققا ورنالاستىرىلعان ەدى. ولار تەز ارادا بىتە قايناسىپ، ارالارىندا تەرەڭ سۇيىسپەنشىلىك قالىپتاستى.
قابا اۋداندىق ورتالاۋ مەكتەپتىڭ وقۋشىسى ليۋ ياڭياڭ: «وقۋدا جانە تۇرمىستا ءوزارا كومەكتەسەمىز، مەن ولارعا حانزۋ ءتىلىن ۇيرەتەمىن، ولار ماعان قازاق ءتىلىن ۇيرەتەدى، تۇرمىسىمىز وتە كوڭىلدى وتۋدە».
وقۋ مەن تۇرمىستان سىرت، مەكتەپ ءتۇرلى سپورت قيمىلى مەن كوركەمونەر قيمىلىندا ءار ۇلت وقۋشىلارىن سەلبەسىپ سايكەسۋگە جانە ىنتىماقتاسىپ ءوزارا كومەكتەسۋگە جەبەيدى. وقۋشىلاردى ۇلتتىق مادەنيەت كاريدورىن ەكسكۋرتسيالاۋعا، ۇلتتىق وزگەشە قولونەر بۇيىمدارىن كورۋگە ۇيىمداستىرادى. وسىنداي فورمالار ارقىلى ءار ۇلت وقۋشىلارىنىڭ ۇلت مادەنيەتىن تۇسىنۋىنە، جۇڭحۋا مادەنيەتى جونىندەگى مۇراتتاستىعىن كۇشەيتۋىنە مۇمكىندىك جاسالىپ، ۇلتتار ىنتىماعىنىڭ ىرگە تاسى بەرىك قالاندى. قابا اۋدانىنىڭ ورتا- باستاۋىش مەكتەپتەرىندەگى وسىنداي ساباقحانادان سىرت ءۇن- ءتۇنسىز تاربيەلەۋ ءتاسىلى ارقىلى ءار ۇلت وقۋشىلارى ءوزارا كومەكتەسۋ بارىسىندا دوستىعىن نىعايتا ءتۇستى. وسىنداي تاربيە ءتاسىلى ۇلتتار ىنتىماعى تاربيەسىندە ءونىمدى بولدى.
قابا اۋداندىق ورتالاۋ مەكتەپتىڭ ورىنباسار باستىعى – لياڭ شيۋچين: ءار ۇلت وقۋشىلارى مەكتەپ قاقپاسىنان اتتاعان سوڭ- اق بىرگە وقىپ، بىرگە تۇرمىس كەشىرىپ، بىرگە ويناپ، بىرگە ەسەيىپ- ەرجەتەدى ءارى قول ۇستاسىپ، كوڭىل توعىستىرىپ دوستاسادى. وسى ارقىلى وقۋشىلاردىڭ ۇلتتار ىنتىماعىن قورعاۋ جانە قاستەرلەۋ سەزىمىن جەتىلدىرىپ، توننىڭ ىشكى باۋىنداي ۇلت قاتىناسىن قالىپتاستىرۋعا بولادى. بۇدان تىس، ايماعىمىز الەۋمەتتىك اۋماقتار مەن اۋىل- قالاشىقتاردا ۇلتتار ىنتىماعى تاربيەسى كاسىپ سالالارى مەن ءتۇرلى قيمىلداردىڭ جالپى بارىسىنا ءسىڭىرىلدى. التاي قالالىق وڭتۇستىك ىنتىماق جولى الەۋمەتتىك اۋماعىندا 4389 ءتۇرعىن بار،مۇندا قازاق ۇلتى جالپى جان سانىنىڭ ٪45 ۇستايدى. الەۋمەتتىك اۋماقتاعىلار ادەبيەت- كوركەمونەر قيىمىلدارىن وتكىزۋ ارقىلى ۇلتتار اراسىنداعى بارىس- كەلىستى نىعايتتى.
وڭتۇستىك ىنتىماق جولى الەۋمەتتىك اۋماعىنىڭ تۇرعىنى شۇي گويىڭ:« از ۇلت دوستارىمىزبەن بەرەكەلى وتەمىز، بىرگە ءبي بيلەپ، اڭگىمەلەسىپ، كوڭىلدى تۇرمىس وتكىزىپ جاتىرمىز».
حانزۋ ۇلتى مەن قازاق ۇلتىنىڭ ىنتىماقتى بولۋى ءوندىرىس پەن تۇرمىسقا پايدالى. بۋىرىلتوعاي اۋدانى شىعانجيدە اۋىلىنىڭ سەكىرۋ قىستاعىنداعى نۇرلان وتباسىنداعىلار وتىرىقتانعاننان كەيىن، سول قىستاقتاعى ۋاڭ جياننان كوكونىس ەگۋ تەحنيكاسىن ۇيرەندى. ەگىنشى ۋاڭ جيان: نۇرلانعا كوكونىس ەگۋدى ۇيرەتتىم. قازىر كوكونىس ەگەتىن بولدى.
نۇرلان مەن ايەلى كوكونىس ەگۋدى ۇيرەنگەننەن كەيىن، شارۋالار تاعامجايىن اشتى. نۇرلاننىڭ ايتۋىنشا ول ۋاڭ جياننان كوكونىس ەگۋدى ۇيرەنۋ ارقىلى شارۋالار تاعامجايىنىڭ شىعىنىن ازايتىپ، وزىندىك قۇندى ۇنەمدەپتى. شاۋالار تاعامجايىن اشۋ ارقىلى جىلىنا 50 مىڭ يۋاننان استام كىرىس كىرگىزەدى ەكەن.
ايماعىمىز كوپ ۇلت قونىستانعان، كوپ ءتۇرلى ءدىن قاتار ءومىر سۇرگەن از ۇلت شەكارا رايونى. 671 مىڭ جان سانى بار، مۇندا حانزۋلار جالپى جان سانىنىڭ ٪41.2؛ قازاق ٪51.76؛ ۇيعىر ٪1.46؛ دۇڭگەن ٪3.57؛ موڭعۇل ٪0.96. باسقا ۇلتتار ٪1.05 ۇستايدى.
ۇزاق جىلدان بەرى ايماعىمىزداعى ءار ۇلت حالقى بەرەكە- بىرلىكتە بولىپ، ءوزارا كومەكتەسۋ ارقىلى اشىق-جارقىن، قوناقۋار، وتاندى سۇيەتىن قاراپايىم سالت قالىپتاستىردى.
تاياۋ جىلداردان بەرى ايماعىمىز ۇلتتار ىنتىماعىن العا باستىرۋ قىزمەتىنىڭ ءتۇيىنىن نەگىزگى ساتىعا شوعىرلاندىرىپ، نەگىزگى ساتىدا مىقتى ۇستاپ، ساياسات ۇگىتتەۋ ارقىلى ادام تاربيەلەۋ، جارىققا شىعارۋ قيمىلى ارقىلى كۇش-قۋات شوعىرلاندىرۋ، ۇلگىلەر مەن تيىپتەر ارقىلى جەتەكشىلىك ەتۋ ارقىلى ءار ۇلت بۇقاراسىنىڭ باقىت كورسەتكىشىن پارمەندى جوعارلاتتى. قازىرگە دەيىن ايماعىمىزدا ۇلتتار ىنتىماعى العاباسارلىعىنداعى 41 ۇلگىلى كولەكتيۆ پەن ۇلتتار ىنتماعى العاباسار باسارلىعىنداعى 67 ۇلگىلى جەكە مەملەكەت پەن اۆتونوميالى رايون جاعىنان سيلاندى، اۋداندار مەن التاي قالاسى ۇلتتار ىنتىماعى العا باسارلىعىنداعى ۇلگىلى كوللەكتيۆ بولىپ، مەكەمە ورىنداردىڭ ٪79 ءار دارەجەلى ۇلتتار ىنتىماعى العا باسارلىعىنداعى ۇلگىلى مەكەمەگە اينالدى.
ايماقتىق پارتكومنىڭ لەكتورلار ۇيىرمەسىنىڭ اعا لەكتورى ران جۇن: تاريحتان بەرى اۆتونوميالى رايونىمىزدا التايدا كوپ ۇلت قونىستانعاندىقتان توعىسپالى مادەنيەت قالىپتاسقان. وزىق ءداستۇرلى مادەنيەتكە مۇراگەرلىك ەتۋ جانە بار كۇشپەن ساۋلەلەندىرۋ سونداي- اق ۇلت، ءدىن ساياساتىن ۇگىتتەۋدى كۇشەيتۋ ارقىلى ماركىسيزىمدىك ۇلت كوزقاراسى، ءدىن كوزقاراسى جۇرت جۇرەگىنە تەرەڭ ۇيالادى. ايماعىمىزدىڭ ۇلتتار ىنتماعى العاباسارلىعى قىزمەتىنە جاقسى نەگىز قالاندى ءارى وزگەشە ابزالدىلىق قالىپتاستىرىپ، ايماعىمىزدىڭ قوعامى ورنىقتىلىعىنا، ۇلتتاردىڭ ىنتىماعىنا، گۇلدەنىپ كوركەيۋىنە كەپىلدىك ەتىلدى.
ۇستەگى جىلى ايماعىمىزدا ۇلتتار ىنتىماعىنداعى ۇگىت تاربيە ينجەنەرياسى، ۇلتتار ىنتماعىنان ۇلگى كورسەتۋ ينجەنەرياسى، ۇلتتار ىنتىماعىن بولماشى ىستەردەن باستاۋ ينجەنەرياسى، ۇلتتار ىنتىماعىنداعى كۇش بىرىكتىرۋ ينجەنەرياسى، ۇلتتار ىنتىماعىنداعى تازارتۋ ينجەنەرياسى، ۇلتتار ىنتىماعىنداعى بولاشاق ينجەنەرياسى، ءاز ۇلت كادر-دارىندىلارىن باۋلۋ ينجەنەرياسى، ۇلتتار ىنتىماعىنداعى جارىققا شىعارۋ ينجەنەرياسى قاتارلى سەگىز ءىرى جەلىلەس ينجەنەريا اتقارىلىپ، ەكى جىل مولشەرىندە ۋاقىت جۇمساۋ ارقىلى ايماعىمىزدى مەملەكەتتىڭ ۇلتتار ىنتىماعى العاباسارلىعىنداعى ۇلگىلى ايماققا اينالۋ ايقىن العا قويىلدى.
ايماقتىق ۇلت -ءدىن ىستەر كوميتەتىنىڭ مەڭگەرۋشىسى قابىل: ۇلتتار ىنتىماعىن بارلىق ادامنىڭ، وتباسىنىڭ، كوللەكتيۆتىڭ، مەكە ورىنداردىڭ سانالى ارەكەتىنە اينالدىرۋ ارقىلى ۇلتتار بەرەكە-بىرلىكتى نىعايتا تۇسۋگە كۇش سالۋىمىز كەرەك.
كەلۋ قاينارى: التاي تەلەۆيزياسى - التاي اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
