- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اكىمشىلىك مەكەمەسىنىڭ 26- رەتكى ۇنەمىلىك ىستەر ءماجىلىسى اشىلدى
2014.10.17 16:51
15- قازاندا ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ءۋاليى تالعات ۇسەن ۇلى اكىمشىلىك مەكەمەسىنىڭ 26- رەتكى ۇنەمىلىك ىستەر ءماجىلىسىن باسقارىپ اشتى.
ماجىلىسكە قاتىناسۋشىلار «التاي قالالىق حالىق ۇكىمەتىنىڭ اكىمشىلىك جازالاۋ ۇقىعىن سالىستىرمالى تۇردە شوعىرلاندىرۋ قىزمەتىن ورىستەتۋ جونىندەگى ءوتىنىشى»، «ايماعىمىزدىڭ نەگىزگى قۇرىلىس نىساندارىن قاراپ بەكىتۋ ىستەرىن باسقارۋ جونىندەگى ۋاقىتتىق ءادىس»، «ايماعىمىزدىڭ قازىنالىق باقىلاۋدى رەتتەپ جونگە سالۋ قىزمەتى جونىندەگى اتقارۋ ءادىسى»، «ايماعىمىزدىڭ پارتيا ۇكىمەت سالاسىنداعى نەگىزگى باسشى كادرلار مەن مەملەكەت يەلىگىندەگى كاسىپورىن باسشىلارىنىڭ ەكونوميكالىق جاۋاپكەرشىلىگىن قازىنالىق باقىلاۋ جونىندەگى اتقارۋ ءادىسى»، «ايماعىمىزداعى اۋىر اپاتقا ۇشىراۋ سالدارىنان ءوندىرىس قابىلەتىنەن ايىرىلعان ەگىنشى- مالشى وتباسىلارىنا ەرەكشە جاردەم بەرۋ مەحانيزمى»، «ايماعىمىزدىڭ ەگىن- مال شارۋاشىلىعى وندىرىسىندەگى اپاتتان ساقتانۋ، اپاتتان قۇتقارۋ قارجىسىن باسقارۋ ءادىسى»، «<اۆتونوميالى رايوندىق حالىق ۇكىمەتىنىڭ ەڭ تومەنگى تۇرمىستى قامتاماسىز ەتۋ قىزمەتىن اناعۇرلىم كۇشەيتۋ جانە جاقسارتۋ قىزمەتى جونىندەگى پىكىرىن> ايماعىمىزدا دايەكتىلەندىرۋ جونىندەگى اتقارۋ پىكىرى»، «ايماعىمىزدىڭ توڭكەرىستىك قابىرستاندىقتى بەلگىلەۋ جونىندەگى ءوتىنىشى»، «ايماعىمىزدىڭ توڭكەرىستىك قابىرستاندىقتى باسقارۋ بەلگىلەمەسى»، «التاي ايماعىنىڭ 2014- جىلدان 2020- جىلعا دەيىنگى ينفورماتسيالاندىرۋ جوباسى»، «ايماعىمىزدىڭ قاتەرلى جاراقسىز زاتتار مەن شيپاحانالاردان شىعارىلعان جاراقسىز زاتتاردى باقىلاۋ- باسقارۋ قىزمەتىن كۇشەيتۋ جونىندەگى اتقارۋ جوباسى» سىندى 9 كەڭەس تاقىرىبىن اقىلداستى.
ماجىلىستە مىنالار باسا دارىپتەلدى: حالىق تۇرمىسىن قامتاماسىز ەتۋ مەن جاقسارتۋدى قاي- قاشاندا اكىمشىلىك مەكەمەسىنىڭ قىزمەتىندەگى ماڭىزدى مىندەت رەتىندە قاراپ، جۇرت نازارىن اۋدارعان تولعاقتى ماسەلەلەر مەن قيىن ماسەلەلەردى كۇش سالۋ شەشۋ كەرەك. مەملەكەت پەن اۆتونوميالى رايوننىڭ اپاتتان قۇتقارۋ جانە كومەكتەسۋ ساياساتتارىن جاپپاي تياناقتاندىرىپ، قارجىنى پايدالانۋ، باسقارۋ جانە باقىلاۋ قىزمەتىن زاڭ بويىنشا كۇشەيتىپ، قارجىدان بارىنشا ءونىمدى پايدالانۋعا كەپىلدىك ەتۋ ارقىلى شارۋالاردىڭ اپات شىعىنىن شىنايى ازايتىپ، اپاتقا ۇشىراعان شارۋالاردىڭ دەركەزىندە جاردەمگە يە بولۋىن قامتاماسىز ەتۋ قاجەت. قالا- اۋىلدارداعى قوعامدىق قۇتقارۋ جۇيەسىن اقاۋسىزداندىرىپ، ەڭ تومەنگى تۇرمىستى قامتاماسىز ەتۋ قىزمەتىن تىنباي جاقسارتىپ، قامتاماسىز ەتىلۋگە تيىستىلەردى مۇمكىندىكتىڭ بارىنشا قامتاماسىز ەتۋ، قامتاماسىز ەتۋ كولەمىنەن شىعارىلۋعا تيىستىلەردى دەركەزىندە شىعارىپ تاستاۋ سىندى يكەمدى باسقارۋ مەحانيزمىن كەمەلدەندىرىپ، قيىنشىلىعى بارلاردىڭ نەگىزگى تۇرمىس دەڭگەيىن شىنايى قامتاماسىز ەتۋ كەرەك. قاتەرلى جاراقسىز زاتتاردىڭ بىلعاۋىنان ساقتانۋ قىزمەتىنە ايىرىقشا ءمان بەرىپ، باقىلاۋ- باسقارۋ دەڭگەيىن جاپپاي جوعارىلاتىپ، ءار ۇلت جۇرتشىلىعىنىڭ دەنساۋلىعىن شىنايى قامتاماسىز ەتۋ قاجەت.
ماجىلىستە مىنالار اتاپ كورسەتىلدى: قالاداعى جالپىلىق زاڭ اتقارۋ قىزمەتى قالانىڭ تۇلعالىق باسقارۋ دەڭگەيىن جوعارىلاتىپ، قالا قۇرىلىسىن تەزدەتۋدىڭ ماڭىزدى جولى ەسەپتەلەدى. سوندىقتان التاي قالاسىندا قالا باسقارۋداعى جالپىلىق زاڭ اتقارۋ ءتۇزىلىسىن جەدەل قالىپتاستىرىپ، قالا باسقارۋداعى جالپىلىق زاڭ اتقارۋ قىزمەتىن ءونىمدى ورىستەتىپ، قالانى زاڭ بويىنشا باسقارۋ قابىلەتى مەن دەڭگەيىن تىنباي جوعارىلاتۋ قاجەت. ماجىلىستە مىنالار تالاپ ەتىلدى: جوعارى دەڭگەيدە جوبالاۋ قىزمەتىن تىڭعىلىقتى ىستەپ، ايماعىمىزدىڭ ينفورماتسيالاندىرۋ ىستەرىن جەدەل دامىتىپ، ينفورماتسيا نەگىزدىك قۇرىلعىلارىن كەمەلدەندىرىپ، ينفورماتسيا تەحنيكاسىنىڭ قوعام، ەكونوميكا، ساياسي، مادەنيەت، ەكولوگيا قاتارلى سالالاردا جاپپاي قولدانىلۋىن تىنباي ىشكەرىلەتۋ كەرەك. نەگىزگى قۇرىلىس نىساندارىن قاراپ بەكىتۋدەگى باسقارۋ قىزمەتىن اناعۇرلىم جۇيەگە ءتۇسىرىپ، قۇرىلىس نىساندارىن قالاعانىنشا وزگەرتۋ، مەجە ەسەپتى ۇستەمەلەۋ تەكتەس ماسەلەلەردى كۇش سالا شەشىپ، نىسان باسقارۋ قىزمەتىنىڭ عىلميلانۋ دەڭگەيىن جوعارىلاتۋ قاجەت. ەكونوميكالىق جاۋاپكەرشىلىكتى قازىنالىق باقىلاۋ ءتۇزىمىن شىعارىپ كەمەلدەندىرۋ، ءار دارەجەلى باسشى كادرلارعا باعىتتالعان قازىنالىق باقىلاۋ قىزمەتىن كۇشەيتىپ، باسشى كادرلاردىڭ ۇكىمەت ىسىندە شوگەل ءارى پاك بولۋىن، قىزمەت مىندەتىن جاپپاي وتەۋىن جەبەۋ كەرەك. ماجىلىستە قازىرگى ءتۇرلى قىزمەتتى تىڭعىلىقتى ىستەۋ جونىندە دە ورنالاستىرۋ جاسالدى.
ايماقتىق پارتكومنىڭ مۇشەسى، اكىمشىلىك مەكەمەسىنىڭ ۇنەمىلىك ىستەرگە جاۋاپتى ورىنباسار ءۋاليى ساۋ جى-ۋىن، ايماقتىق پارتكومنىڭ مۇشەسى، اكىمشىلىك مەكەمەسىنىڭ ورىنباسار ءۋاليى شى ۋەيچي، اكىمشىلىك مەكەمەسىنىڭ ورىنباسار ۋاليلەرى جاۋ جيە، ليۋ شىڭجۇن، ۋاڭ شىڭپيڭ، ءسابيت قازەز ۇلى، سونداي-اق التاي قالاسىنىڭ جانە ايماققا قاراستى قاتىستى تاراۋلار مەن ورىنداردىڭ باسشىلارى ماجىلىسكە قاتىناستى.
كەلۋ قاينارى: التاي تەلەۆيزياسى - التاي اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
