- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
التاي ايماقتىق ساياسي كەڭەس جورالارىنىڭ كەڭەيتىلگەن ءماجىلىسى اشىلدى
2014.10.23 13:39
«التاي گازەتىنىڭ» ءتىلشىسى لۇي ۋىنتىڭ حابارلايدى.
20 ـ قازاندا، ايماقتىق ساياسي كەڭەس جورالارىنىڭ كەڭەيتىلگەن ءماجىلىسى اشىلىپ، ايماعىمىزدىڭ «اۋىل شارۋاشىلىعى، اۋىل ـ قىستاق، شارۋالار» ماسەلەسىن ارناۋلى تاقىرىپتا تالقىلادى.
ماجىلىسكە قاتىناسقان قاتىستى تاراۋلاردىڭ جاۋاپتىلارى مەڭگەرىلمەلى سۋ يگىلىگى تورابى ينجەنەرياسى قۇرىلىسىن كۇشەيتىپ، جوعارى ءونىمدى سۋ ۇنەمدەيتىن ەگىن ـ مال شاراۋشىلىعىن دامىتۋدا جاڭالىق جاراتۋ؛ جايلىم ەكولوگياسىن قورعاۋ قوسىمشا قاراجات بەرىپ سيلاۋ مەحانيزمىن كەمەلدەندىرىپ، جايلىم ەكولوگياسىن قورعاۋدى كۇشەيتۋ؛ ايماعىمىزدىڭ مال شارۋاشىلىعى دامۋىن جەبەۋ؛ ايماقتىڭ ەكولوگيالى وركەنيەتتەن ۇلگى كورسەتۋ رايونى قۇرىلىسىن تىڭعىلىقتى جەبەۋ؛ ايماعىمىزدىڭ «بەيقۇت ءۇي سالىپ، حالىقتى اۋقاتتاندىرۋ؛ مالشىلاردى وتىرىقتاندىرىپ، مال شارۋشىلىعىن گۇلدەندىرۋ» ينجەنەرياسى قۇرىلىسىن كۇشەيتۋ؛ كاسىپ قۇرىلىمىنا رەتتەۋ جۇرگىزىپ، ەگىنشى ـ مالشىلاردىڭ كىرىسىن ارتتىرۋ ارناسىن كەڭەيتۋ؛ اۋىل ـ قىستاقتاعى ارتىق ەڭبەككۇشتەردىڭ باسقا كاسىپكە ويىسۋىن جەدەلدەتۋ؛ ايماقتىڭ «كورىكتى اۋىل ـ قىستاق» قۇرىلىسىن جەبەۋ جونىندە 8 ۇسىنىس ـ جوبابى ارناۋلى تاقىرىپتا حابارلاندىرىپ، ۇسىنىس ـ پىكىر بەردى.
جاقىنعى جىلداردان بەرى، ايماعىمىز «اۋىل شارۋاشىلىعى، اۋىل ـ قىستاق، شارۋالار» ماسەلەسىنە وسكەلەڭ ءمانە بەرىپ، ءبىر توپ نەگىزدىك قۇرىلعىلار ينجەنەرياسى ىركەس ـ تىركەس جۇمىسىن اياقتاتتى، ەگىن ـ مال شارۋاشىلىعىن دامىتۋ شارت ـ جاعدايى ايتارلىقتاي بولدى، اۋىل ـ قىستاقتىڭ دامۋ ورتاسىندا زور وزگەرىستەر تۋىلىپ، ەگىنشى ـ مالشىلاردىڭ جان باسىندىق تازا كىرىسى 1000 يۋان ارتتى. «مالشىلاردى وتىرىقتاندىرىپ، مال شارۋاشىلىعىن گٷلدەندىرۋ»، «جايلىم ەكولوگياسىن قورعاۋ»، «ميلليون مۋ جەردى اشۋداي» 3 ءىرى ينجەنەريانىڭ اتقارىلۋى ايماعىمىزدىڭ جەر ـ سۋ بايلىعى ابزالدىلىعىن ساۋلەلەندىرۋ، ەگىن ـ مال شارۋاشىلىعىنىڭ وسىزاماندانۋىن جەدەلدەتۋ ءۇشىن مىعىم نەگىز قالادى. جىل باسىنان بەرى، ساياسي كەڭەس ايماقتىق قىزمەت كوميتەتى «اۋىل شارۋاشىلىعى، اۋىل ـ قىستاق، شارۋالار» ماسەلەسىن ءتۇيىندى تەكسەرۋ ـ زەرتتەۋ مازمۇنى ەتىپ، ىلگەرىندى ـ كەيىندى 6 ارناۋلى كوميتەت پەن قاتىستى تاراۋلاردى ۇيىمداستىرىپ، اۋداندارعا (قالا) بارىپ، ارناۋلى تاقىرىپتىق تەكسەرۋ ـ زەرتتەۋ قيمىلدارىن ەتەك الدىرىپ، ارناۋلى تاقىرىپتىق 8 ۇسىنىس ـ جوبانى الىپ شىقتى.
ساياسي كەڭەس ايماقتىق قىزمەت كوميتەتىنىڭ مەڭگەرۋشىسى اقان سەيتقامزا ۇلى مىنانى اتاپ كورسەتتى: «ايماعىمىزداعى ءار دارەجەلى ساياسي كەڭەس ۇيىمدارى مەن ساياسي كەڭەس جورالارى ‹اۋىل شارۋاشىلىعى، اۋىل ـ قىستاق، شارۋالار› ماسەلەسىن دۇرىس تانىپ، اۋىل ـ قىستاق قىزمەتىن كۇش سالا جەبەۋى، اۋىل شارۋاشىلىعىنىڭ دامۋىن جەدەلدەتۋى، ەگىنشى ـ مالشىلاردىڭ كىرىسىن ارتتىرىپ اۋقاتتانۋىن جەبەۋى كەرەك. ساياسي كەڭەس جورالارى حالىقتىق ساياسي كەڭەستىڭ ‹اۋىل شارۋاشىلىعى، اۋىل ـ قىستاق، شارۋالار› قىزمەتىن جەبەۋ بارىسىنداعى وزگەدەن ەرەن ابزالدىلىعىن ويداعىداي ساۋلەلەندىرىپ، ‹اۋىل شارۋاشىلىعى، اۋىل ـ قىستاق، شارۋالار› قىزمەتىن ويداعىداي ىستەۋدەگى جاۋاپكەرلىك، بورىشتىلىق سەزىمدى ۇزدىكسىز نىعايتىپ، كوپتىڭ پاراساتىن ساۋلەلەندىرىپ، كوپ بولىپ كۇش شىعارۋى؛ فۋنكتسيالىق رولىن ويداعىداي ساۋلەلەندىرىپ، ‹اۋىل شارۋاشىلىعى، اۋىل ـ قىستاق، شارۋالار› قىزمەتىن شەشىم جاساۋ نەگىزىمەن قامداۋى؛ جورالاردىڭ تۇلعالىق رولىن ويداعىداي ساۋلەلەندىرىپ، ‹اۋىل شارۋاشىلىعى، اۋىل ـ قىستاق، شارۋالار› قىزمەتىن اقىل ـ پاراسات جاعىنان قولداپ، بەلسەنە اقىل ـ كەڭەس بەرۋى، اۋىل ـ قىستاق رەفورماسىنىڭ دامۋىن ەش اۋىتقىماستان جەبەپ، ەگىن ـ مال شارۋاشىلىعىنىڭ وسىزاماندانۋىن جۇزەگە اسىرىپ، كورىكتى اۋىل ـ قىستاق قۇرىلىسىن جەبەۋى كەرەك».
اكىمشىلىك مەكەمەسىنىڭ ورىنباسار ءۋاليى جاۋ جيە بىلاي دەدى: «ايماقتىق اكىمشىلىك مەكەمەسى ەگىنشى ـ مالشىلاردىڭ كىرىسىن ارتتىرۋ قىزمەتىن شىنايى ويداعىداي يگەرىپ، ءداستۇرلى ەگىن ـ مال شارۋاشىلىعى ءوندىرىسى تاسىلىنە بۇرىلىس جاساۋدى جەدەلدەتىپ، ەگىن ـ مال شارۋاشىلىعىنىڭ باياندى دامۋىن جەبەپ، اۋىل مەن اۋىلدىڭ ءبىرتۇلعالانۋىن تىڭعىلىقتى ىلگەرىلەتەدى. قىزمەتكە ورنالاستىرۋ جاساۋ جاعىندا ەگىن ـ مال شارۋاشىلىعىن كورنەكتىلەندىرىپ، ەگىن ـ مال شارۋاشىلىعىنىڭ دامۋ نەگىزىن بەكەمدەپ، ەگىن ـ مال شارۋاشىلىعى ونىمدىلىگىن، ەگىنشى ـ مالشىلاردىڭ كىرىسىن ارتتىرۋ جانە ەگىن ـ مال شارۋاشىلىق رايوندارى ەكونوميكاسىنىڭ شالقۋىن جەدەل جەبەيدى. سونىمەن بىرگە، اكىمشىلىك مەكەمەسىندەگى ءارقايسى تاراۋلار دەموكراتيالىق باقىلاۋدى سانالىلىقپەن قابىلداپ، ساياسي كەڭەستىڭ ۇكىمەت ىستەرىنە ارالاسۋ، كەڭەسۋىن قولداپ، ەگىن شارۋاشىلىعىن كاسىپ سالالاندىرۋ، وسىزامانعى مال شارۋاشىلىعىن دامىتۋ، سۋ يگىلىگى ينجەنەريا قۇرىلىسى قاتارلىلارعا قاتىستى ءىشىنارا كەلەلى ماسەلەلەرگە بولعان تەكسەرۋ ـ زەرتتەۋ، كەلەلى ىستەردى تۇجىرىمداۋ، قىزبا، قيىن ماسەلەلەر جاعىندا ساياسي كەڭەس جورالارى مەن قوعامداعى ءارقايسى سالاداعىلاردىڭ ۇسىنىس ـ پىكىرىن دەن قويا تىڭداپ، ساياسي كەڭەستىڭ كەلەلى تەكسەرۋ ـ زەرتتەۋ بارىسىندا ورتاعا قويعان شارالارىن، ۇسىنىستارىنان پايدالانىپ، ساياسي كەڭەستىڭ تەكسەرۋ ـ زەرتتەۋ تابىستارىنىڭ تياناقتانۋىن جەبەپ، ‹اۋىل شارۋاشىلىعى، اۋىل ـ قىستاق، شارۋالار› قىزمەتىنىڭ اناعۇرلىم ويداعىداي ورىستەتىلۋىن جەبەيدى».
ساياسي كەڭەس ايماقتىق قىزمەت كوميتەتى پارتگرۋپپاسىنىڭ شۋجيى، ورىنباسار مەڭگەرۋشىسى زىڭ شۋلا ءماجىلىستى باسقاردى اكىمشىلىك مەكەمەسىنىڭ ورىنباسار ءۋاليى ليۋ شىڭجۇن، ساياسي كەڭەس ايماقتىق قىزمەت كوميتەتىنىڭ جورالارى، ايماقتا جانە التاي قالاسىندا تۇراتىن اۆتونوميالى رايوندىق، ىلە قازاق اۆتونوميالى وبلىستىق ساياسي كەڭەس جورالارى مەن ءارقايسى اۋدانداعى (قالا) ساياسي كەڭەس ۇيىمدارىنىڭ باسشىلارى، ساياسي كەڭەس جورالارى ماجىلىسكە قاتىناستى.
كەلۋ قاينارى: «التاي گازەتى» - التاي اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
